金子半之助 (奧海城二期)

Open Now

Now Closed

金子半之助，一如傳統的日本餐廳乾淨整潔，侍應服務殷勤有禮。半之助沙律 - $48好大碟，有新鮮翠綠嘅蔬菜同車厘茄，炸得金黃嘅蝦天婦羅，配上沙律醬同吃，感覺清新開胃，海老天押壽司 - $88係蝦同紫蘇葉，混和了秘製醬汁，一件件好似壽司咁，上面香脆，下面鬆軟，紫蘇葉的香味搭配着炸蝦，味道超夾，迷你牡蠣天丼&稻庭烏冬 - $128餐廳會送來其他配料可以自己自由配搭，有蔥花、海藻、鰹魚花和天婦羅碎，天婦羅炸物炸得超酥脆，呢間嘅天婦羅炸物有特殊嘅胡麻香氣，比起其他天婦羅專門店係做得特別出色，稻庭烏冬超滑溜，爽滑彈牙啱啱好，仲有個天婦羅炸溫泉蛋，勁正，篤穿個溫泉蛋之後，裏面嘅蛋液流出嚟沾滿着每一粒飯粒，充滿着蛋香，炸白身魚 - $28 & 帆立貝魷魚天婦羅餅 - $28天婦羅白身魚外脆內嫩，從側面看可以看得出很厚肉，帆立貝魷魚天婦羅餅炸得剛剛好酥脆又惹味。

間唔中就會想食天丼/天婦羅 第一時間自然諗起金子半之助🥢早幾日去 發現又多咗啲新菜式 以後又有多啲選擇啦ꕥ 半之助沙律有3隻天婦羅蝦🍤質感爽彈 另外配以生菜/車厘茄等蔬菜 除咗沙律醬 仲加咗微酸嘅醬汁 清新開胃ꕥ 海老天押壽司押壽司整成長方形狀 再放上海老天婦羅同其他配料🍣同平時壽司唔同 係唔需要再點壽司豉油 因為本身飯已經調味 再加入薑片 味道已經好有層次ꕥ 迷你丼&稻庭烏冬一次過食到飯又食到麵🍜迷你丼可以自選唔同嘅主配料 我就揀咗牡蠣🦪係好肥美嘅蠔 有鮮味而且一啲都唔腥 令人回味✨另外仲有菇/南瓜等天婦羅 而烏冬係幼身而扁嘅形狀 好掛湯 職員會比個配料箱你 入面有天婦羅碎/蔥/木魚絲等 可以自行加落麵度 同埋唔想食烏冬嘅 仲有北海道蕎麥麵揀朋友另外點咗個雞肉野菜天丼 份量好勁好大碗🐔特別一讚個雞肉天婦羅外脆內嫩 仲有肉汁添

今晚專誠去大角咀奧海城, 第一係 約了朋友在 [金子半之助] 食晚餐.    第二就係看看俏熊貓 . 商場設計得好靚,  店舖多, 地方闊落,  [金子半之助]  餐廳好容易搵,   奧海城站直出行兩分鐘就到, 餐廳日本裝飾, 好有日本風味. 客人坐滿吧枱,  坐近師傅, 用餐更方便.我們訂了卡座方枱,整齊優雅, 傾偈食嘢係一個好地方.   侍應送上日本黑豆茶及 餐牌, 我們一齊點餐,  先點了開胃前菜,  半之助沙律.  賣相擺設吸引, 好新鮮. 沙律菜翠綠, 車厘茄紅卜卜,  還有沖繩島特產海葡萄,  天婦羅大蝦 好香脆,  混上蛋黃醬, 醬汁酸酸甜甜, 醒胃又清味蕾. 車海老壽司卷壽司餡料滿滿,  望落去好隆重, 上面鋪有三文魚籽, 令人食慾大增.  六件排列得好整齊.   配秘製醬汁. 內餡有天婦羅蝦, 青瓜, 蟹籽.    天婦羅炸蝦好香脆, 蝦肉爽甜, 有點像中式點心.....春風得意腸粉, 內脆外軟. 配上醋飯, 沙律醬,  再沾上秘製醬汁.  真正美味.御膳, 鹽燒三文魚 & 迷你天婦羅.   我們加了$20 由海老轉為 軟殼蟹.   一盤子送到,  小食味噌浸漬茄子,

今晚特登試左人氣日本過江龍天婦羅丼飯專門店，夜晚去到已經見到人龍排隊，餐廳裝修以木系為主，有日本風情。半之助沙律沙律菜新鮮，搭配特製醬汁，清爽可口，上面仲有大大隻天婦羅蝦，蝦肉爽口。海老天押壽司天婦羅海老既酥脆搭配上壽司飯既醋香，再加上一點點芥未醬，別有一番風味。溫泉蛋天婦羅溫泉蛋天婦羅外層酥脆，蛋黃依然保持流心，蛋黃香味濃郁，必試之選。日本產帆立貝天婦羅帆立貝肉質鮮甜爽口，外層酥脆。牡蠣迷你丼&蕎麥麵同時間試晒丼飯同埋蕎麥麵/烏冬，迷你丼揀咗牡蠣迷你丼，牡蠣新鮮肥美，外層酥脆，麵類揀咗冷蕎麥麵，口感Q彈有勁，搭配醬汁調味。

之前每次去「金子半之助」黎黎去去都係個幾味，唔係天丼，就係稻庭烏冬，不過最近發現佢menu轉左，除咗既有嘅天丼和烏冬之外，仲有刺身、壽司🍣、煮物等，一於就試吓新嘢啦😆。⭐️推薦❗半之助沙律🥗（$48）$48嘅沙律足以可以兩個人share食！😳用料相當豐富，有沖繩名物海葡萄，除咗有豐富嘅營養價值，「粒粒」口感十足，味道清新爽口；仲有幾隻炸蝦天婦羅🍤！不過如果醬汁唔係用沙律醬，而係比較清新嘅柚子醬油，味道可能會更加夾。😂車海老壽司卷（$108）用原隻車海老天婦羅整成的壽司，加上三文魚子嘅點綴，配上特調醬汁，賣相吸睛，味道不錯，唯壽司飯比較鬆散，值得一試。⭐️推薦❗燒鹽麴鮭魚&迷你天婦羅御膳（$148）每份御膳都有主食、迷你天婦羅、浸漬茄子🍆、白飯、味噌湯，鹽麴鮭魚肉質香軟甘甜、香氣四溢，搭配Q彈而不軟爛的清香米飯，perfect match！迷你天婦羅天丼有齊菇菌、南瓜、海苔、莢豌豆，最基本可以配搭海老，仲可以升級牡蠣🦪、軟殼蟹或車海洋老。

喺奧海城行街，見到有日本過江龍-金子半之助🍤主打天婦羅丼，同朋友都未食過，就毫無懸念咁入咗去😛除咗天婦羅丼，仲有唔同嘅前菜，壽司同稻庭烏冬㗎🍜所以我地都叫咗幾款唔同野食share。半之助沙律🥗除咗基本嘅蔬菜同車厘茄，仲有三隻天婦羅蝦同海葡萄，成個配搭好fresh，而且沙律醬汁好有日式感覺~辣味鮭魚他他拌蛋黃🥚先將蛋黃打散再同鮭魚他他拌勻，口感滑溜之中帶有粒粒口感，亦可以放上紫菜天婦羅一齊食，成件事好爽，辣味係有但唔會太濃！估唔到呢度有押壽司食🤗海老天押壽司係喺長方形嘅壽司飯上放上配料，呢個嘅配料就係天婦羅海老肉，壽司飯本身亦加咗少少薑片，令整個味道層次都好豐富。鮭魚燒御膳+海老迷你天婦羅，御膳有埋前菜同湯🥢三文魚充滿魚油香，好嫩滑🐟而天婦羅有蝦，南瓜，荷蘭豆，菇同紫菜，賣相好吸引，又香噴噴🤤聞落去帶有少少麻油香，原來呢度嘅天婦羅採用咗日本特製嘅高級胡麻油，所以特別香，而望落去都比坊間嘅天婦羅顏色深少少🍤而且採用傳統做法，將新鮮炸起嘅天婦羅放喺飯面，在淋上醬汁，另外一件天婦羅都可以沾到醬汁🫙呢個做法有機會令天婦羅未必係最脆，但卻有一種獨特嘅傳統風味~