School Food (Closed)

今晚又搵新嘢食，試咗聲稱全部食材由韓國入口嘅School Food。叫得學校食物，應該係健康有營養同味道吸引，我叫咗件栗子甘薯餅同半溶芝士炒年糕，兩樣嘢食都ok好味嘅。不過今晚比個頑固嘅九十後侍應破壞晒全餐飯。事源係我落單之前，已經問清楚邊樣嘢係素我先叫，後來上菜我發現有魚片炒年糕，我問返個侍應，佢話嗰啲係芝士，我叫佢問廚房，佢行開咗一陣，轉頭我再問多次，佢答我廚房話係芝士，我將一片魚片放上碟，叫佢拎入廚房問係咪芝士，終於佢死死氣拎返出嚟話係魚片，不過無道歉，放低行開就算，咩料呀！我希望佢哋真係知道煮啲咩俾客食，同服務態度好啲，唔係嘅話，幾好食都死！

見OPENRICE個個有讚無彈,而朋友又咁岩想食韓國菜,所以就選擇左E間。早係網上見好多食友話要排隊,於是揀左平日去,我地12:30左右抵步,但係都要等位,不過人唔算多,所以等左15分鍾左右就入得。由於係門口已經睇好MENU,所以入到黎即叫,我地兩個人叫左四樣野甜心鳳梨艾菲($88),半溶芝士炒年糕($68),醬菜牛油鐵鍋飯($80)同水冷麵($70)。顏色好特別,飲落有微微既菠蘿味,十分止渴,整體唔錯,略嚴有點甜本黎打算叫地獄辣醬年糕,但朋友唔係咁食得辣,所以最後叫左半溶芝士炒年糕,第一口食落只係講到三隻字好辣呀,比我想像中辣好多,但E種辣又令我再三回味又愛又恨,極力推介~可以食得辣既朋友可以試下地獄辣醬年糕,年糕好煙韌,好好食!麵條軟硬適中,有咬口而且彈牙,酸酸地好開胃,唔錯~撈完先記得影相,一黎個賣相係唔錯既,入面有牛肉絲同醃蘿蔔,撈埋一齊食超正,第二極力推介之選!E間野絕對可以再黎,下次要試埋飯卷先。埋單300蚊有找,價錢合理~

在下雖然個人及博客都走日系路線，但並不代表反韓，本來日韓文化風格就有相似之處，韓國男生的外型衣著有型又Man，比起走中性路線的日系男生更值得參考，身邊一眾女性朋友愛韓國男星多於日本是最佳的證明。在下對韓國食物一直有好感，只是沒時間所以少寫，直到這一家「School Food」，就決定動筆。相信對韓國有認識的朋友都會知道「School Food」的大名，在此先為不太了解的讀者介紹一下。「School Food」是由韓國人李相潤所創立，他20代曾當藝人，透過演藝事業慢慢轉型，建立自己的餐飲業務。「School Food」在首爾新沙洞區開立首間餐廳後，李相潤以他演藝事業經驗，從大熱的K-pop音樂中獲得靈感，加入相關的元素，創出獨特的飲食風格。當中最特別是的他把陪伴韓國孩子長大的健康小吃「Kimbap」紫菜包飯改良，創造出大受歡迎的「Mari」韓式紫菜飯卷，成為此店的招牌菜。隨著品牌大受當地年輕人歡迎，10年間已在韓國、日本、美國、印尼等地開設86間分店。第87間分店在香港設立，由美麗華集團引入，8月1日在裝修了好一段時間的銅鑼灣時代廣場食通天13樓開業。在下光顧是在開業不足一星期的平日夜晚