Coffee Jobs (Closed)

今朝收左工，行下附近有咩嘢食，見到依間cafe 裝修都唔錯，所以最後揀左依間cafe 食個悠閒lunch 😋餐湯係南瓜湯，好濃郁，湯裡面有南瓜蓉，味道啱啱好，飲落好開胃😋主菜我叫左一個什錦海鮮香菇意大利飯。個飯賣相唔錯，擺得好精緻，立即增加食慾。海鮮食落都好鮮甜，尤其係青口，好juicy。意大利飯都唔會食到好漏，可以因為用咗香菇一齊整，食落有清新嘅感覺。唔錯👍🏻飲品方面，我就叫左杯Tiramisu 咖啡。咖啡好濃厚，上面嘅tiramisu cream 好軟滑，飲完覺得依餐好完整，好perfect!!!總括而言，係依間餐廳食嘢好relax, 係大家忙裡偷閒嘅好去處！

係旺角真的有很多不同種類的Cafe，無論地鋪或樓上鋪都任君選擇，想突圍而出真的要花點心思😋這間位於百利達廣場旺中帶靜，細細間但門面夠高夠氣勢🤗一於入去試試！餐具好得意🍽南瓜湯 - 每一口也是南瓜蓉，甜絲絲南瓜味濃麻醬挪威三文魚蕃茄闊條麵 $128醬汁掛在每條的闊條麵上，三文魚煎得剛剛好，肉質嫰滑無比，入口即化充滿魚油的芬芳👍🏻加上少許的三文魚籽增添鮮味德國咸豬手配薯角 $148原隻咸豬手一上枱覺得好似炸得比較乾，但一切落去爆肉汁，裡面的肉還保持鮮嫩，肉質鹹鹹鮮鮮很惹味，外層的皮脆卜卜😋👏🏻不一會就給我們消滅了😆Vanille Latte - 咖啡味較淡不是很突出Aquarius ( Blue Curacao, lime, pineapple)顏色漂亮，味道有點像波子汽水很清新🤗

餐廳地方不大，但環境舒服，乾淨我們大約7點左右去到 ，人不多點餐嘅時候，要自己出去點先付錢，後等食晚餐叫咗2個set ～卡邦尼意粉～芝士豬肋骨Set可以跟湯/沙拉，包一杯46蚊飲品南瓜湯- 南瓜味唔太濃，湯內有南瓜粒，係清淡嘅南瓜蓉湯。 沙拉-上面有一塊魚柳，微脆。沙拉內加了醋，食落幾開胃。卡邦尼意粉- 跟平常出去食嘅差不多，冇咩特別芝士豬肋骨- 呢個值得推介豬肋骨最上層係薯片碎，令到咬叫脆脆的薯片碎下係一層薄薄嘅芝士，起初仲以為係一塊皮原來係芝士！芝士下係一層茄醬，最後就係豬肋骨。肉身軟，容易咬。一碟有3大舊，一個人食唔曬... 旁邊有新鮮即炸嘅薯角雲呢拿Latte- 呢杯咖啡好苦 所以飲咗少少就冇飲了...整體上都唔算差，係唯獨職員比較cool...服務態度就有待改善

今日和朋友往coffee job食dinner,我們點了原隻南瓜焗海膽海鮮意大利飯, 朱手、南瓜湯和焦糖咖啡。原隻南瓜焗海膽海鮮意大利飯推介必食,賣相吸引味道美味, 飯配料豐富, 有青口,魚籽、蝦和海膽,青口食落鮮甜,魚籽新鮮惹味、蝦彈牙爽口, 海膽味道鮮甜, 意大利飯軟硬適中, 飯味軟綿,連埋南瓜肉一起食, 食落醒胃, 沙律菜新鮮爽口, 整個原隻南瓜焗海膽海鮮意大利飯好足料, 美味十足；朱手外脆內軟, 食落不會太乾, 咬落去有油花, 食落啖啖肉,沙律菜味道新鮮爽口, 薯條得香脆金黃, 食落啖啖肉；南瓜湯有口感, 湯味道夠熱, 味道剛剛好, 南瓜味香濃；最後焦糖咖啡味道香濃, 焦糖甜度剛剛好。餐廳座位舒適, 餐具好精美, 食物美味, 原隻南瓜焗海膽海鮮意大利飯和朱手很有特色, 食了一頓很有特色的晚餐。

復活節假期最後一日同honey 係旺角行下運動舖，添置番啲衣服，食埋餐晚飯聽日又要番工。諗起都傷心，成世人要用大半生打工又唔係可以過番啲安逸無憂的生活，其實有冇其他選擇可以感受下世界、大自然呢🤔🤔 Anyway 講番今晚餐飯先，係open rice見呢間 coffee jobs 有好多好評，個個都讚所以就去試下啦。咁多好評竟然唔多人😂間舖唔大，有啲休閒的感覺，但又唔算得上好舒服的間格，兩個人坐舖中間張超大台，如果對坐要大聲啲先傾到計🙈要去收銀落order,叫左兩個set個南瓜湯好甜，好好飲😋 個salad 係用左春天時令的桑子，以為啲dressing 係yogurt ，冇咩味，整體都fresh,ok。主菜係ribs 同carbonara😁😁Ribs 好淋，有啲番茄sauce係ribs 外面，最外層就係crispy crumble 同埋cheese,口感幾得意，味道幾好😋個dish 仲有好多薯角，似新鮮炸😋 百幾蚊份量好多，好抵食😂Carbonara 就幾creamy ,pasta就正常唔係fresh made 都ok.Drinks 除左新品同chocolate 其他都免費，睇真啲係唔多

今晚我們行過旺角廣華街諗緊今晚晚餐食邊間嗰陣，見到「Coffee Jobs」有好多人排隊等位，所以我們就選擇咗食呢間！我們叫咗四個Set Dinner：美式炸魚薯條嘅魚柳炸得外層好金黃香脆，炸粉唔會好厚身，入面嘅肉質相當嫩滑，而且有三大塊咁多，真係幾抵食！煙肉忌廉意大利粉嘅係扁意大利粉，質感好煙韌彈牙，而煙肉有兩款，一款係，一款係用忌廉汁去煮，味道好香口，而且完全無油膩嘅感覺！黑松露菌磨菇意大利飯嘅意大利飯唔會好硬，黑松露嘅味道好香濃！芝士肉醬意大利粉係用新鮮蕃茄同肉醬煮成，同平日肉醬意粉唔同，味道更加鮮味！餐湯：南瓜湯嘅濃稠度控制得恰到好處，唔會好稠或好稀，味道極之香甜濃郁！是日沙律嘅沙律菜相當清甜新鮮，當中嘅紫椰菜無咗平日食開有嘅苦澀味，而且非常爽脆！店內嘅環境裝修好特別，其中一幅牆係掛滿咗餐具嚟做裝飾，真係相當別緻！餐具亦非常精緻，特別係餐碟，餐碟上印有多款唔同嘅動物圖案，真係超級趣緻可愛！咁細微嘅嘢都咁一絲不苟，可想而知老闆對自己所出品嘅食物，係非常用心製作，值得一讚！

相信好多人都鍾意食蟹,入秋,又係時候食大閘蟹,好多餐廳都推出唔同既大閘蟹菜式,係社交網站見到飲食專題,呢間咖啡室推出西式大閘蟹菜式就約朋友去試下,店面不大,因為我地比較餓,未夠6點就去食喇,晚餐6點開始,7點幾就開始人多,想試既朋友可以BOOK左位先~靚靚用餐碟~牛油果大閘蟹粉沙律配炸軟殼蟹味道不錯,沙律菜及生果配上甜醋美式炸魚薯條炸魚灑上小小甜椒粉,粉漿略厚,整體都可以龍蝦汁燴意大利飯$198,價錢偏貴,份量不多,味道OKBANANA MOCHA跟餐,難飲,味道很怪,有陣藥水味Popcorn Latte味道一舨,爆谷的焦糖味道不夠,跟餐的南瓜湯,味道普通附上MENU