Fifty Fifty (Closed)

同朋友行完黃金諗住搵間西餐野食，行下行下就行左去長沙灣果頭，見到間裝修幾靚嘅西餐廳就入左去食。嗌主菜加$20就可以轉套餐，仲有埋餐湯，飲品同甜品，就梗係要套餐啦！南瓜湯率先黎到嘅係嗌套餐配黎嘅南瓜湯。清清地嘅南瓜味，唔會太濃，酸酸甜甜開胃一流。餐飲方面揀左特濃朱古力沙冰同埋菠蘿梳打。朱古力沙冰沙冰打得幼細，飲落有強烈朱古力嘅味道，加上cream topping，飲完有好大滿足感。菠蘿梳打好清甜，非常解渴又解膩。自家製鵝肝醬多士頭盤份量比想像中多。 經調製嘅鵝肝醬唔會好油膩，亦都唔會有苦澀嘅味道，食落啱啱好。 將鵝肝醬塗抹在多士上進食，多士嘅淡味慢慢帶出鵝肝醬嘅鮮味，作為頭盤一流。法式油封鴨髀配焦糖熱情果汁菜式剛上枱已經聞到好香嘅鴨味，份量亦比想像中豐富。鴨髀外皮燒得好香脆，肉質亦非常鮮嫩，完全冇太乾或太老嘅感覺。 雖然鴨髀肉味偏咸，但配上熱情果汁的酸甜味中和，變得惹味可口。而且菜式配有薯蓉和雜菜配碟，令菜式變得多元化，與鴨髀配搭一流。炭燒阿根廷天使粉紅蝦闊蛋麵菜式賣相一流，而且味道亦絕對不錯。炭燒粉紅蝦非常新鮮，而且燒得啱啱好，唔會太熟，肉質鮮嫩亦好鮮美。 闊蛋麵口感偏硬，好有口感。醬

今晚有事去到長沙灣嗰邊，男友就順便來會合我同我喺附近食晚飯。佢話search到呢間多好評，就黎呢間fifty fifty 食西餐🤗門口黑色主打色好似好高級咁，但入到去就有啲歐陸家庭風，感覺幾親切，而且枱與枱之間幾闊落，坐得舒服😌我就唔算好餓，但男友就話多多都食得落🤣咁我地都係先叫一個pasta一個主菜先。店員話兩樣都可以加20蚊變套餐，就會有餐湯、飲唔同甜品😍即時抵哂！先黎個餐湯，南瓜🎃湯夠濃夠香，足料👍🏼可惜冇餐包，不過加20蚊有齊餐湯餐飲同甜品，做人都唔可以咁多要求😂個法式燒春雞賣相好吸引!😍🐥一睇落去就唔太似半隻雞，反而似個大大雞扒，但其實佢只係放平佢，然後雞下面有D什菜、薯蓉同埋個醬汁。先講個雞🐣雞肉幾嫩同埋燒得幾香，皮就係乾身既，但有醬汁點就冇問題啦，而且D肉都唔乾，多肉多汁。醬汁就有少少咖哩炒味，亦有D牛油香，但又唔會太濃，唔會搶左個雞既味，幾夾wow😍👍🏼薯蓉🥔就好厚薯味既texture，佢相對地唔算好滑好creamy，但我覺得反而唔錯，因為本身已有個汁，同薯蓉一齊食就唔會太乾太實。到個闊蛋麵🍝啦！一聞就好重蝦🦐味，賣相又係好吸睛😍就咁睇呢兩餐main dishes都好多

去完深水埗買皮革用品後，就黎到長沙灣呢邊，見到有間餐廳個名好特別，環境又靚，決定食個午餐~ 跟餐先上個南瓜湯。燒春雞配野菌燒汁 ($78)隻春雞都幾大份，燒得好靚，皮脆肉嫩，係燒香雞界黎講確實不錯。燒澳洲肉眼扒配巴黎牛油汁 ($88)肉眼扒牛味十分濃，煎得較熟，冇血汁，但食落好鬆軟。再加埋呢個巴黎牛油汁真係好正，有牛油味，令牛扒味更岀！焗香草牛油翡翠螺 ($68)6粒超大隻翡翠螺焗到熱辣辣，用手掂會辣親一扯舊螺肉，超級juicy，牛油味好香~ 好煙韌好有咬口！蜜糖單骨雞翼 ($38)呢隻係炸雞翼，食落比較脆身。蜜糖味都好岀，甜甜地，令人一隻又一隻咁食~ 但如果變焗既做法，肉質更鮮嫩，應該都唔錯！飲品都好正~ 粉紅菲菲 (+$18) 係士多啤梨同香港既奶昔，好滑好重果香！爆谷咖啡 (+$18) 唔知點解叫爆谷味，覺得都係好似焦糖既味道~

原本打算行完深水埗就返屋企，點知行到長沙灣被呢間店名吸引再望吓裏面懷舊既裝修和燈光，就決定入去尋食行完街比較肚餓叫左比較多嘢食，而且餐牌裏既美食實在太吸引，於是叫左兩個小食和一個晚餐孜然香辣單骨雞翼，睇得出佢哋好為食客着想，將雞翼一開二等食客容易慢慢品嘗，呢個小食最啱一邊食、一邊吹水和送酒，而且喜歡食辣既就最正，炸得唔乾身，咬落啖啖肉，辣得來好嘢味，越食越想食Fifty Fifty燒黑松露大蘑菇，用刀切開有菇汁流出，食落口同樣有汁流出証明冇燒乾，好食到好難形容，在口腔感受到幾種唔同層次既味道，黑松露好香，但又冇蓋過其他味，個芝士味又唔係好濃，而大蘑菇之上又有切左片既松茸，所以一啖咬落去個味道又香又濃至於個晚餐，我冇加錢要飯和甜品，祇加錢轉特飲：爆谷咖啡，晚餐我就選左：燒豬鞍架配焦糖黄梅汁跟餐個南瓜湯，都好好味道，飲落好creamy燒豬鞍架配焦糖黄梅汁，好彩冇加飯，原來好大件，又有薯蓉和配菜首先試吓茄瓜先，估唔到咬落去有肉汁，好新鮮燒豬鞍架好厚好大件，食落好軟滑好嫩唔鞋有肉汁，好似慢煮噤正，唔點個焦糖黄梅汁，味道已好好，好濃豬味，個汁酸酸甜甜好正，配埋個豬鞍架一齊食，味道恰到好處，又係另