施心畢老撾餐廳

Open Now

Now Closed

餐廳：施心畢老撾餐廳地點：中環威靈頓街翡翠中心菜式：老撾菜餐牌：餐牌好似一份雜誌，有湯粉，撈粉，飯，沙律，小食，飲品等等，價錢中環黎講真係經濟實惠。燒豬頸肉沙律 $78 另加一燒豬頸肉有7件左右，其實都唔似豬頸肉，似燶肥叉燒多d，我覺得太肥，肥膏太多，又唔爽口，我唔鍾意。沙律其實係青木瓜絲沙律，撈左紅蘿蔔絲同少少青瓜粒，青豆粒加車厘茄，下底墊有生菜，加有脆口花生碎同脆口波波，個汁非常酸甜。我覺得沙律份量應該多d。南薑香茅水 （跟餐）凍飲要加錢。我杯熱南薑香茅水唔過甜，帶微微薑味，不過香茅味道就唔出。服務員貼心解釋個綠色係天然。今餐個差評係比燒豬頸肉架！

Happy Friday lunch約左同事食lunch，想食越南菜，黎左呢一間好多年無幫襯既施心畢老撾餐廳，早一兩個鐘頭係OpenRice訂座都仲有位。餐牌好似一本雜誌，有湯粉，撈粉，飯，小食等等，價錢經濟實惠。是冧彈雞全米椰子湯粉 $78 另加一今日想重溫久久無食既椰子湯粉，揀左是冧彈雞，同湯粉分開上。是冧彈雞份量都幾多，原來係脆皮鷄肉，味道唔錯，口感外脆内滑，另配甜甜醬汁，令鷄肉味道更好。鷄肉配有生菜一片，青瓜，茄子同車厘茄各一，蔬菜量都可以。全米椰子湯粉個湯真係好正，椰子味香濃，飲嗮都唔口渴。全米粉好幼身同滑溜，配有爽脆芽菜同少少生菜。成個餐食嗮都夠飽。南薑香茅水 （跟餐）呢個價錢仲包野飲，選擇都唔少，凍飲要加錢。我杯熱南薑香茅水唔過甜，不過南薑同香茅味道就唔出。中環呢個價錢同質素，去邊度揾？仲要可以walk-in。

對於冷門菜式，總有一種好奇心，果種心思思同難以抗拒嘅情懷係好濃厚嘅，所以今日決定約個朋友去中環食一家老撾菜館呢間老撾菜Search過，食物價錢真的算係中環嘅貼地價，而且佢都係屬於近排有點點捧場嘅餐廳！點解？因為「施心畢」係老撾皇朝嘅姓氏，老闆都係老撾皇朝嘅後代，皇族老撾菜！個名好架勢咁呢！其實老撾就在越南泰國隔離，我諗其菜式都近似呢兩個國家但都係點都想見識吓咩叫老撾菜！哈哈！施心畢老撾餐廳位處一商廈「翡翠中心4樓」，一出電梯就喺餐廳，無門面可言，入面更是無過多裝潢設計亦非常簡單，水泥地、不鏽鋼枱、木櫈，但都好大好闊落，環境開揚乾淨！坐得唔會唔舒服！餐牌好簡單，底面兩頁紙睇晒，唔知係味通用餐牌嚟架呢！有老撾見求、老撾粉麵、老撾沙律、老撾小食、老撾甜品、老撾飲品等...價錢是相當貼地，數十元就可以食一個主食了！見啲小食唔貴就點了-是拉差牛油雞翼 $48一客6隻，雞翼用左單骨式既製法，食起黎會方便好多！雞翼以牛油及泰國是拉差辣醬做但出黎效果味道偏向甜甜的，故色澤艷紅，top up架上左香脆既炸蒜，味道互相配合，但入口頗有辣勁，味道好濃郁，食到一種新穎既味道啊。不過愈食愈辣既...真喺越食越辣

去中環探朋友順便一齊搵食，搵到呢間施心畢豐拼盤越南餐廳。7點左右上去，食物上得勁快，正！我同朋友都無肉不歡，我哋都好鍾意老撾小食拼盤(HKD68)。蝦同雞米網卷尤其出色，無油益味又唔會「油淋淋」，點埋個酸甜汁就更加惹味。蝦片最好同菜一齊食，會冇咁膩。雖然係食肉獸，但都要食吓菜嘅。老撾青芒果沙律(HKD68)好fresh，亦唔會好酸，清清喉嚨都唔錯。老撾豬頸肉100%全米湯粉(HKD78)嘅豬頸肉滷得好入味，口感幾腍又juicy。海鮮湯底都好正，好鮮甜，平時食麵會飲晒湯嘅我都覺得好正，所以今次都飲晒。老撾芒果黑白糯米飯(HKD38)加咗紫糯米喺入面，仲專登用一種藍色嘅海藻令到棷汁變成藍色，不過味道同平時食嘅一樣，冇變味，芒果都幾甜。我都係咖啡愛好者，試埋老撾咖啡(HKD17)，味道同越南滴漏咖啡好似，杯落咗煉奶底，但呢個價好抵飲。朋友飲熱南薑香茅水(HKD17)，佢覺得幾清香又暖胃，鍾意養生嘅朋友可以試吓。美味指數：8/10抵食指責：7.5/10

最近電視又出新一輯美女廚房，其中一位評判陳希裕Justin好吸睛，上網一睇原來佢有老撾皇族血統，又跟過米芝蓮大廚學廚，今年年頭係中環開左間餐廳，所以決定要黎試一試。地點餐廳位於翡翠中心，係正半山自動電梯底，非常方便，附近好多寫字樓，吸引左好多上班一族黎食lunch。裝修餐廳只有簡單裝修，有東南亞大排檔既原始風味。牆上貼左老闆既海報，亦都有不同既菜式名稱。枱同枱中間既空間都適中，唔會太迫。食物種類午市主食有老撾100%全米湯粉/老撾見求（飯）/老撾沙律，另外有幾款小食/老撾米紙卷，都有唔少款式。由於新店開張，午市主食附送熱飲，相信只係限時優惠。落單及等候時間午市都幾多人，可以電話訂枱，當日早上電話訂左兩位，但搵唔到我地個紀錄，店員都好快速係5分鐘內安排過另一張枱俾我地。我地點左老撾牛肉100%全米湯粉，老撾雞肉100%全米湯粉，老撾咖啡同南薑香茅水。老撾牛肉100%全米湯粉餐牌寫老撾湯粉有四種湯底，以為要揀，原來係每種唔同配料已經set 好跟咩湯底，牛肉湯粉係跟牛肉湯，老撾湯粉同平時食開既越南粉唔同，湯底濃味d，但唔算超重牛味，每碗湯粉有大概3-4塊牛肉同2-3粒牛丸，仲有豆卜等等材料，