PizzaExpress (新城市廣場一期)

Open Now

Now Closed

間唔中都會黎pizza express食飯，佢勝在野幾好食，服務唔錯同質素穩定，算係一間實無死既餐廳。最近再黎，同大家推介新出既焗麵包系列，我地首先點在西西里焗麵包，即係意式多士(Bruschetta)，係傳統既意大利前菜，係麵包上面放上唔同既材料，通常都係番茄、芝士等等，再淋上橄欖油。而呢個西西里就係麵包上面配上蕃茄醬、乾蕃茄同芝士，係十分好味！醬汁同蕃茄既酸甜加上芝士既咸味同橄欖油既香放埋一齊好配合，小小既一塊有齊咁多既味道感覺好豐富。因為實在太好食就叫埋另外一款，橙香軟芝士焗麵包。麵包上面係軟芝士、蜜糖同橙皮，又係咸甜既組合，加埋橙皮既香，無諗過佢地會咁夾，值得一試。另外既pizza同pasta都係一貫既水準，味道不錯，份量亦ok。不過略嫌意粉既汁太少，雖然都coat滿所有麵條，不過食食下已經有點乾身。最後叫左個甜品拼盤，有檸檬撻、蛋白餅同心太軟。我只可以講三樣野都好很甜，個人認為自己已經嗜甜同接受到好甜了，不過呢個真係甜到漏，食唔曬，食得好甜既朋友可以考慮一下。