荳子 (PopCorn 2)

Open Now

Now Closed

今晚平日夜晚較為少人，坐得比較星期六日鬆動舒服～我哋叫咗卡邦尼意粉，細沙律，蕃茄芝士pizza ，黑松露醬薯條（熱辣辣好正！），仲有香蕉鬆餅甜品，全部都好好味，賣相擺盤亦佳！意粉同薄餅包兩杯凍熱咖啡或檸蜜～佢哋本新menu好別出心裁，同香港鬼怪合作，都算係推動本地另類藝術文化。最近又搵緊屋企附近有咩早餐好食，我就問店員會唔會有早餐menu可以睇吓，店員亦很幫手拎俾我睇，之後會搵日去幫襯～～

自己住左將軍澳十幾年，一直覺得將軍澳冇咩好食餐廳呢間新開Cafe，由開業到宜家成日見佢排長龍，琴日終於去左試。由於星期六，所以都幾多人排隊，等左半個鐘先入得。餐廳唔大，係以前潮家一部分的地方，但環境同氣氛唔錯。一入黎就有條石春路，好似想讓客人坐底前先放慢腳步，離開急速的生活節奏。門口有個大玻璃櫃，擺滿蛋糕，望落好有Cafe feel聽講all day breakfast又貴又冇咩特別，所以冇叫。3個人叫左以下野食：

估唔到將軍澳都會開左一間文青路線嘅cafe，今次就同屋企人食晚餐。我哋叫咗一個卡邦尼意粉，巴馬火腿火箭菜pizza及蕉糖單骨雞翼。另外加左一個沙律同埋送咗兩杯凍檸蜜。 先嚟咗一個沙律，沙律菜非常新鮮，沙律汁亦都均勻蓋上沙律菜。 卡邦尾意粉賣相討好，忌廉汁亦都唔會太多，不過不失。 巴馬火腿火箭菜pizza，切開為四塊pizza，每塊都鋪滿巴馬火腿，配上火箭菜，咸咸地整體味道不錯。 最後焦糖單骨雞翼，每隻單骨雞翼沾上焦糖味道甜甜地亦容易入口，作為小食確係不錯嘅選擇。