荳子 (PopCorn 2)

Open Now

Now Closed

星期日，簡簡單單想食個西餐，見Beans門口無咩人，等咗15分鐘就入得。最好5:45或之前到，會坐到窗口，又唔使點等。今日無叫牛扒，只叫咗兩個意粉一個西班牙海鮮炒飯。Carbonara 先到，煙肉鹹香，唔錯。4星。明太子就有啲過鹹，攪勻食都鹹，比較失色。三星啦。最好食應該係西班牙海鮮炒飯，海鮮多又新鮮。最後跟餐叫咁個熱檸蜜，秋冬季飯非常合適。埋單不到$400，三個人。BEANS應該係將軍澳食西餐平靚正之選。

抹茶黑糖麻糬流心吐司 $74吐司外面烤到酥脆，但入面依然鬆軟，做到外脆內軟🍞！一切開抹茶醬即刻流出嚟，足夠點哂成個包食🍵。黑糖麻糬唔會太甜，十分煙韌，加埋雪糕🍦，熱熱嘅抹茶醬同冰凍嘅雪糕加埋一齊簡直係絕配。跟餐餐飲 Ice Matcha Latte下午茶仲可以跟一杯$42或以下嘅飲品。叫到杯Matcha Latte仲唔洗加錢真係好抵!🍵黑松露蛋黃醬薯條 +$30每次食Beans必點小食一定係佢。只係加$30，但份量一啲都唔少。粗度啱啱好嘅薯條口感更佳，仲點得更多嘅醬🍟。

lunch hour 去到安排窗邊位，好舒服，有街景望吓好正😍。紅酒燉牛面頰意大利飯，牛肉份量好足，諗住得一兩舊，喜出望外。意大利飲好香蕃茄香草味，牛面頰燉得好軟淋入味，同個飲夾埋夠豐富又唔會好膩，正呀😘。黃金蟹肉意粉，呢款係好 creamy 既意粉，蟹肉帶有蟹鮮味，醬汁混入咸蛋黃，濃稠度啱啱好，又香又滑既醬汁，好好味。

將軍澳區一直都有唔少西餐廳嘅選擇，而喺我心目中，beans係我嘅top 1！淨係將軍澳都已經有3間beans集團嘅餐廳🤩今次介紹嘅係位於將軍澳廣場嘅beans the backyard🍽️店內環境氣氛好好😌夜晚嚟食個燈光偏暗，加上播住一啲low fi 音樂🎶最吸引到我嘅記憶點反而係入面舖喺水吧位置出面下嘅一條石頭路🪨莫名有一種質感⭐️仲有個小細節就係埋位果陣見到個餐牌會擺得好靚🍴喺度好有feel，侍應們都好nice，坐得好舒服☺️紅酒燉牛面頰意大利飯🐮（$132）意大利飯入面有菇🍄同蕃茄🍅加埋一齊燉，飯粒變晒蕃茄紅，軟硬適中，面頭仲加咗少少七味粉同Parsley🌱，唔單止令賣相靚咗，仲增加咗碟Risotto 嘅風味同層次🥰個牛面頰燉得幾稔，然後食落好香牛嘅油香😋同個飯一齊食好夾～～黑松露蛋黃醬薯條🍟（+$30）依個小食係其中一個令我鍾意間餐廳嘅原因🥳薯條新鮮炸出嚟熱辣辣🔥就咁食都好食。黑松露蛋黃醬🥚兩樣本身都好食嘅嘢加埋一齊嘅結果係更加好食🤪每次都清空咗個醬😋墨西哥辣肉醬芝士薄餅🍕（$108）以為佢辣肉醬會好辣🌶️，但冇乜辣味，芝士都用咗幾款🧀切pizza果陣feel到有少少拉絲嘅感覺🍕連埋啲

今晚平日夜晚較為少人，坐得比較星期六日鬆動舒服～我哋叫咗卡邦尼意粉，細沙律，蕃茄芝士pizza ，黑松露醬薯條（熱辣辣好正！），仲有香蕉鬆餅甜品，全部都好好味，賣相擺盤亦佳！意粉同薄餅包兩杯凍熱咖啡或檸蜜～佢哋本新menu好別出心裁，同香港鬼怪合作，都算係推動本地另類藝術文化。最近又搵緊屋企附近有咩早餐好食，我就問店員會唔會有早餐menu可以睇吓，店員亦很幫手拎俾我睇，之後會搵日去幫襯～～

特色推介鬆餅✨呢款鬆餅真係質地鬆軟，表面微脆，搭配香濃牛油同果醬，絕對係早餐嘅重中之重，都令人心情愉悅。 菜單選擇🍳🥓煙肉、雞蛋、鬆餅 選配：鬆餅配牛油粒 ＆果醬（另上） $48🫖🌹荔枝玫瑰花茶（壺） $15 呢杯茶清新又香甜環境氛圍環境評分：🌟🌟🌟🌟🌟 餐廳採用日系裝修，優雅又輕鬆，令人感覺好放鬆。早上坐喺窗邊，陽光灑落，真係最正嘅位置，享受一個慵懶嘅早晨。排隊情況排隊時間：🚶‍♂️‍➡️🚶‍♂️‍➡️🚶‍♂️‍➡️🚶‍♂️‍➡️🚶‍♂️‍➡️🚶‍♂️‍➡️🚶‍♂️‍➡️🚶‍♂️‍➡️🚶‍♂️‍➡️🚶‍♀️‍ 就算朝早10:00，呢度都經常要排隊，顯示出佢嘅人氣有幾高。味道評價味道評分：🌟🌟🌟🌟 整體味道雖然唔算特別驚艷，但食物質素還好，主要食氛圍

三四點有啲肚餓，想搵個地方食少少嘢，所以揀間Cafe食個下午茶。嗌咗小食拼盤同埋凱撒沙律。小食拼盤$168，入邊有單骨雞翼、芝士脆片、洋蔥圈、薯條，仲有三款醬汁，茄汁、牛油果醬、肉醬。單骨蜜糖雞翼好好食。洋蔥圈大大嚿，入邊真係有洋蔥唔會得塊皮😂。凱撒沙律都好大份。推介佢哋連埋嘢飲舖頭，我想和你無所事事，雖然啲嘢飲名好長好無厘頭，每次睇親都一頭霧水，但係嘢飲好好飲，尤其是奶昔。

又黎到假期必做既野💤就係去CAFE啦!!其實呢間真係成日都食架啦😁之前食到有d悶轉咗場，今日見到佢好似update左個餐單甘又黎試下😌🔺豪華英式早餐 $136唔該照舊‼️不嬲All Day Breakfast都係我必點既，呢個可以揀Waffle or 🥯 二話不說一定係bagel啦，口感軟熟，個包係有用牛油煎過既，好香好有咬口。仲有好耐都冇見過既茄汁豆😍有茄汁豆先係英式早餐 !! 有沙律菜有煙三文魚都算係好多配料，抵讚既係個煙肉唔係煎到好乾果隻，用黎配bagel岩岩好🤗🔺車輪牛角漢堡 $138大推呢個包呀‼️中意食牛角包或者酥皮既朋友就一定要點呢個黎試下啦😁牛肉可以自己揀要幾多成熟，車輪牛角包好酥脆，咬落好有空氣感，不過絕對飽肚呀，套餐仲有一大桶薯條，熱辣辣就最好食啦‼️套餐包black coffee同埋茶，特別既係可以order對面店既飲品即減$8，又或者可以加錢要其他店內既飲品都可以=)

今朝難得有一天假期，一早嚟到beans嘆個全日英式早餐。佢片面包好好食，塗上牛油，烘到軟硬適中。半件烘過的蕃茄可減少油膩感。如果可以跟小小沙律菜就更完美了。價錢吾貴，食物擺盤精緻，餐廳環境舒適，服務員態度非常好，讚👍

我同家人一起在星期日去呢間餐廳食早餐喺入咗位之後我哋等咗半個鐘枱上面仍然乜都冇一杯水都冇咁我哋就嗌侍應啦佢就話呢唔小心將啲單混淆咗但係我哋等咗40分鐘先有嘢接同飲品喺40分鐘miss餐廳員工淨係識得講唔好意思唔好意思一句對唔住都冇講咁我哋嗌咗兩個all day breakfast佢哋非常普通係蛋、包、沙律菜、豆只有黑松露蛋先還可以樓下嘅coffee art仲畀佢哋更加好呀😡😡😡😡浪費咗我哋成朝心情

平日我都好鍾意食Beans 無論早餐午餐定下午茶😂出咗新嘢梗係試試🏃🏻‍♀️👓車輪牛角酥漢堡 SINGLE $ 78，DOUBLE $128（以上均跟配飲品乙杯）Benedict有4款：班尼迪蛋配 香脆煙肉/手撕豬肉/大啡菇/煙三文魚黑魚子．都係牛角酥底，幾香脆有酥皮層次，而且唔太油膩。對比起普通egg Benedict嘅鬆餅底，頗有新鮮感可以一試！不過我個人比較鍾意食返原始嘅鬆餅/酸種多士，感覺健康啲😂．手撕豬肉好重手比好多，配上牛油果醬+切開流心蛋汁 大滿足！個人鍾意呢個款式多啲🫶🏻

將軍澳Popcorn人龍兼打卡店 - “荳子” - 其實真係一間純打卡店。講起荳子，其實淨係呢個站都有好多 - cafe，冰室，bakery都有。個人最鐘意Beans Bakery。至於呢間歷史最耐嘅”荳子”…如果唔特登request窗口位…如果唔係特別嘅流心toast甜品…如果唔係要影立體咖啡…我想以其食物質素、服務和價錢，實在不用專程來排隊。仲有，呢度冷氣凍，啲嘢食一陣就凍晒。奈何，靚食靚景，像是已經take over了所有因素。

上星期放假約咗朋友去咗呢間餐廳食lunch，兩點幾去到，好好彩唔使等位就有得入座入座之前職員有介紹返佢哋有啲香港小店製造嘅香薰酒精搓手液，有幾款不同味道，入座時同離坐嘅時候都有用！好香呀！我哋分別叫咗：我哋焦糖香蕉窩夫all day breakfast，芝士薯條，軟殼蟹意大利粉。今次係第二次食呢間餐廳，之前都係食甜品，今次試咗佢嘅主食。質素都唔錯，意粉份量幾大，軟殼蟹好脆個調味好啱！個窩夫好似bagel咁幾得意好好食，都幾有蛋味！大推！

之前都已經去過青衣同沙田嘅分店，今次就係第一次去將軍澳嘅分店，嗰日係一個星期六嘅夜晚，排隊都已經排咗半個鐘，都已經顯示出呢間嘢有幾受歡迎。個菜單種類到幾多，又比較健康嘅沙律前菜，亦都有一啲小食例如焦糖雞翼等等，亦都有其他例如意粉、薄餅、main course等等。嗰日我同另一個人就嗌咗焦糖單骨雞翼、薯條、譏燒鮑魚意粉、green tea latte 同埋千島醬蟹籽帆立貝薄餅。除咗個薄餅之外其他嘢都好好食，個薄餅就稍微中咗伏，因為都幾油膩，令人好快飽。我覺得以咁嘅人流同咁忙碌嘅環境嚟講，個服務已經算係幾好。整體嚟講我都幾推薦呢間食肆。

🍕開心果馬蘇里拉芝士薄餅配蜂蜜 $102這個薄餅底比較像麵包，但周邊都是脆口的。因為只有面層有開心果碎，所以開心果味不算濃郁；反而是芝士味香濃，而且芝士的拉絲效果很強勁，配上畫龍點睛的香甜蜂蜜，無論味道還是打卡也一流🤗🖤黑蒜 磯燒鮑魚 蜆肉 白酒意粉 $138 甚少看到這配搭的意粉，而且很少吃沒有汁醬的意粉；這碟意粉卻比想像中惹味： 磯燒鮑魚彈牙又入味，蜆肉新鮮且份量不少，意粉亦滲入了黑蒜和白酒的香，吃膩了白汁或茄醬意粉的朋友不妨一試😋▪️薑母茶(少糖) 跟餐🌈彩虹茶拿鐵(鮮奶；少糖) 跟餐+$40 前者跟餐免費反而更出色，後者昂貴而且偏甜，感覺重焦糖味，這杯所謂的彩虹其實也只有紅色和綠色，沒想像中繽紛，好像喝普通一杯拿鐵還比較好🙈