魚事者 (威德閣)

Open Now

Now Closed

一直都好鍾意食魚麵魚湯， 但香港比較難搵到，今日同友人試到覺得非常喜出望外～ 價錢平得黎仲要好好味😋🌟炸魚無薯條 (明太子+蟹籽醬)係呢度最有人氣之一。係用魚肉整成一條條形狀，然後再去炸出黎。口感煙煙韌韌，同時充滿魚肉嘅味道，非常特別。食嘅時候點埋明太子蟹子醬，真係食到停唔到口🤤🌟Fish-chos 扮墨西哥魚皮粟米片nachos改用炸魚皮版本～魚皮比粟米片更薄更脆，再配埋牛油果醬同沙沙醬，好好味，又一驚喜之作🌱卡邦尼烤雞魚麵撈卡邦尼汁濃味而且非常黏口杰身，完全包全晒啲魚麵，再配上好多舊軟滑嘅雞肉同埋大量煙肉碎，外觀精緻又好味🌱Double扒魚麵撈（跟咖喱汁）兩款不同味道煎豬扒，豬扒仲要唔柴口。咖喱汁比較辛口，咖哩味好香而且都係完美咁包全晒啲魚麵，分量剛剛好🌱卜卜脆鹹豬手(半份)豬皮雖然未去到卜卜脆，但反而配厚厚嘅豬手肥膏，同埋好淋嘅豬手～ 另外仲有德式芥末醬，點埋味道提升幾倍～ 個呢個價錢有咁高質又大份豬手，物超所值

全間餐廳以魚為主食，連麵都係用魚肉嚟整，生酮飲食嘅朋友都食到！依間餐廳真係好抵食，好多嘢都好平！🥢魚湯翡翠苗$13🥢炸魚狗腸（惹味山椒）$18🥢炸魚狗腸（和風紫菜）$18🥢炸魚狗腸係限時優惠，所以先至咁平我哋仲叫咗個主食🥢卡邦尼烤雞魚麵撈$100🥢依個就無咁平，不過晚市$100一份都算正常，佢係套餐嚟，仲有杯野飲食咗一餐魚製品，啲魚好彈牙，我哋兩個人，埋單唔駛百五蚊，晚市嚟講真係好平！

平時食魚麵都係港式粉麵多，但呢到就有好多得意口味，e.g. 冬陰功/麻辣/白汁🤩🤩卡邦尼烤雞魚麵撈味道比較似白汁雞皇飯而唔係卡邦尼🤣我估改呢個名純粹因為上面啲煙肉粒🙈煙肉係有加到分嘅，令佢有返啲脆口野👍烤雞就唔似烤嘅，都只係雞皇飯嘅肉質🤣但真心係幾鐘意佢啲魚麵，每條麵都好似魚蛋咁🤩仲會喺口入面彈下彈下，都需要咀嚼下，幾正👍