火鍋撚 (雲明行)

Open Now

Now Closed

想係中環搵間平平地嘅麻辣火鍋，呢間可能最岩你！一早訂左位，可能因為太full，餐廳都打黎double confirm係咪會到，入到去古色古香，坐嘅位置寬敞，不過抽氣同冷氣唔夠猛，好大味同埋有d焗，叫左秘製麻辣鍋同豆腐白湯底，問左鴨紅同豆腐可以任加，不過鴨紅麻麻，唔夠實，好似豬紅⋯所以我地都冇添，野飲有好多款，我地叫左杞子龍眼菊花蜜同柑桔檸檬蜜，柑桔較濃味而且酸酸甜甜，菊花蜜較清甜，打邊爐個人鍾意配柑桔蜜最後埋單每人都係300蚊左右，叫左咁多野，又係中環，仲唔係平價打邊爐之選？

今晚約了大食老友打邊爐，聽聞火鍋撚的台式湯底好正，而且材料亦新鮮好味，於是收工就爬咗上蘭桂芳開餐。搭電梯上到火鍋撚個層，都未坐低，已經聞到好香嘅麻辣味一坐低，即刻點個湯底先。我地點左個雙拼湯底：秘製麻辣鍋（小辣）拼酸菜白肉鍋個麻辣鍋好有台灣風味，好香，味道幾濃，仲有好多鴨血同蜂巢豆腐！鴨血口感好軟嫰，一啲都唔腥；蜂巢豆腐吸晒湯底嘅味道好好味，而且鴨血同埋蜂巢豆腐都可以免費添加個湯一開始唔太辣，但煮煮下會愈來愈辣，真係會食到出汗酸菜白肉鍋味道更好，酸酸地好開胃，白肉比較多肥肉，但夾埋啲酸菜一齊食真係好正，如果酸菜同埋白肉都係任加嘅！啲酸菜真係好好食，又腍又唔會太酸，我哋加左兩轉，早知唔使叫蔬菜籃落單之後當然要做打邊爐嘅指定動作：混醬！之後火鍋料好快就到，馬上可以開動兩個女仔食一碟大嘅手切肥牛都幾誇張不過碟牛肉真係好正！手切肥牛有質感，食落真係好嫰滑；脂肪分布好均勻，牛嘅味道好濃 根據指示，灼8秒食就啱啱好！呢碟鴛鴦雙蚌幾抵食，$118已經有兩款海鮮，雖然每款份量唔係好多～～兩款蚌口感都好爽脆，不過我覺得貴妃蚌比珊瑚蚌鮮味！酸菜白肉湯灼海鮮會比較好，唔會掩蓋咗海鮮嘅鮮甜打邊爐當然唔少得食響

夏天開冷氣食火鍋呢個道理大概只有香港人才能理解箇中奧妙；今日氣溫32度 我地決定走辣 轉食醒胃嘅酸菜白肉鍋+養生鍋酸菜嗰邊嘅薯粉、養生鍋呢邊嘅豆腐/鴨血都係可以不停添加架🔃大份御用手切牛肉排靚靚 仲提示住所需煮嘅時間 當然亦可按個人口味而調整嘅😌呢個牛有啲肥 白色牛脂密度頗高 怕肥人士可能會有啲抗拒 😆呢個確實令人有蠢蠢欲試之感嘅標題 令我地要左六粒 好有氣勢咁啊！多數都係甜嘅 宜稍後食用。熟後水晶皮出現 此見有麻蓉 蜜瓜等。又幾趣緻 感覺似...淥熟左嘅雪米糍🍡♨️響鈴係火鍋必點之物 黎嘅時候仲熱架就咁食或放入滾湯燙兩下 你識啦💟脆鯇魚腩 我提議放入罩灼較好 容易搵得番又唔怕甩骨 呢個份量每人一至兩件：）龍蝦湯牛丸我第一次食 好香濃好有汁 仲淥親個咀😲⋯⋯'小心爆漿' 唔好輕視☝🏽一開始想飲鮮榨西瓜汁 但眼見有冬瓜檸檬沙冰又心郁叫左 唔好放喺爐附近啊否則會溶得超快 記得啊！😉埋單時送甜點 又係沙冰 味道係腐竹糖水 我鍾意呢個多啲 好解渴又有新意👅

老實說：我唔講粗口⋯⋯但今日黎到中環一間有粗口字的火鍋店~"火鍋撚"，上三樓見到大門口有個兵馬俑好型，沿路有著古色古香格局裝修精緻，滲透著中國文化且高雅感覺。檯上擺放著精緻調味料及醬油，任君撈調，另外一提每碟都細心提示淥幾耐仲有海鮮比你揀先叫麻辣湯底小辣，辣度夠加小小麻唔會太油,好多花椒,完全唔偷工減料，蜂巢豆腐鴨血竟然無限添加，而且鴨血吃落軟滑，淨食鴨血已飽響玲即炸熱脆食好鬆化， 浸入麻辣鍋味更濃鴛鴦雙蚌包括珊瑚蚌及象拔蚌，夠彈牙新鮮五色丸丸拼盤食落好爽口，試到多款五種顏色丸丸，除左墨魚每款都有漿，蝦丸，牛肉冬菇丸和其他丸爆汁之余亦好彈牙，粒粒真材實料最後還贈送腐竹雞蛋糖水沙冰，個杯用中國古代杯盛戴，非常特色，沙冰解渴腐竹雞蛋清甜呢個甜品好特別當晚有三個顧客生日，餐廳半關燈為客人慶祝，更播放不同的生日歌曲，令整晚氣氛更加熱鬧親切，員工服務態度殷勤友善，亦常常為我們添加鴨血，反而讓我感到不好意思，真心覺得食物真材實料，環境有特色感置身於古代，值得再來。