炑八韓烤 (荃新天地2)

Open Now

Now Closed

歎冷氣食韓燒確係爽嘅，晚飯唔想同人迫，呢度絕對係好選擇，因為舖面又大又多位。由門口到坐低食嘢，有種好有樂趣嘅感覺。前菜除咗有泡菜、薯仔沙律、仲有豆角、芽菜同酸蘿蔔之類，一d都唔hea。燒肉有油脂最香最肉香，牛五花入口juicy，五花腩d肥膏香夾煙韌，用菜包住食一流。大八爪魚同韓式紅蝦都幾正嘅，一邊燒八爪魚，一邊聞到魷魚酥味。少少辣幾惹味，但略嫌咸左少少。紅蝦燒起上嚟好香bbq同蝦膏味。料理方面泡菜煎餅同韓國水冷麵都幾抵食，煎餅4個人都夠食，水冷麵冰涼酸酸地，韓燒同水冷麵、梳打，絕配。

今日又來荃灣啦😆以前住荃灣已覺得呢度好多嘢食！好方便！突然想食韓燒，所以來咗呢間之前都食過既炑八韓燒，因為呢度菜式及嘢飲選擇多，而且爐邊蛋同芝士粟米都可以無限添加，講真我一直以為間間韓燒都可以，但原來唔係😅今次兩個人食，叫左 特級牛肋骨($288)連骨既肉好嫩好滑，已經調過味，燒完就咁食已足夠，而且都大份👍🏻厚切五花腩($138)連皮原味五花腩勁大份！韓式豬皮($78)第一次食，啱啱燒完既豬皮好腍會覺得好油膩，但只要攤一攤就會好煙韌有口感。韓式紅蝦($98)大大隻已開兩邊，燒完就咁食好鮮甜😋甜辣炸雞(無骨半份)($118)估唔到半份都好多，新鮮即叫即炸炸雞連薯條，好味😋

新年食過 炑八嘅賀年套餐，呢日再來到荃新天地 炑八開餐！呢度嘅 前菜，泡菜，芝士粟米，鍋邊泡菜雞蛋，都可以免費無限追加～吸引度大增！！！先來2 杯透心涼特飲！菠蘿梳打荔枝梳打🐔甜辣無骨炸雞半份 $118脆脆外皮包住甜辣韓式醬汁，非常開胃！雞肉嫩滑多汁，啖啖肉！底層仲有粗薯條，沾滿芝士一齊食最正！🐮特級牛肋骨 $288鐘意食牛既必點！牛肋骨好長，醃得入味，燒熟肉質香軟，醬香味濃郁，仲有海蝦，雞髀菇！🦐韓式紅蝦 $98紅蝦大大隻，中間開邊好快熟！味道比一般海蝦更濃味，肉質鮮甜爽滑，值得一試！🐷厚切五花腩 $138燒好帶微微焦香既五花腩最好食，肥而不膩，沾大醬芝士食唔停口！🐽韓式豬皮配炒芝麻 - $78豬皮炆得軟腍，隨便燒燒已經食得，很方便，入口滿滿的骨膠原，亦帶點煙韌！🍄蒜蓉牛油金針菇 - $48賣相平平無奇，實際底層放滿芝士，金菇燒軟後吸滿蒜蓉，牛油，芝士醬汁，鮮甜香滑，小朋友都中意！📍炑八韓烤📍荃灣楊屋道1號荃新天地二期1樓125號舖🌙月光太太

上個月食完韓燒，個癮又開始起😝之前去過呢間唔錯，所以今次再encore一開始就會上咗韓式小菜同沙律，仲有生菜🥬，可以一陣燒肉嘅時候包住黎食➰特級牛肋骨🐮 $288經典又大份又長形，可以剪到好多件，打卡最啱✔️牛肉醃得好入味，偏甜，類似燒烤醬味。入面仲有一隻大蝦🦐，已經開埋邊，蝦肉彈牙新鮮🤩➰厚切五花腩🐷$138連個碟，同薯仔片伴碟都係豬仔形狀🐖好得意🥰五花腩好厚肉，肥瘦均勻。先燒到兩邊金黃色，然後剪成細細件好似燒腩仔咁嘅size，店員話用完網燒可以叫佢哋換鐵板嚟燒五花腩，受熱會更加平均➰原味牛舌👅 $138牛舌大概每邊燒3-40秒就食得，因為火喉好猛，好快熟，燒到表面開始有油脂就可以反轉，夠薄爽口，蘸少許胡椒鹽已經好夠味➰梨汁雞腿肉🍗 $88雞腿肉冇乜脂肪，啖啖肉，雞肉嫩滑多汁，👉🏻建議搭配韓式辣醬➰八爪魚🐙$108八爪魚夠晒大隻，用韓式辣醬醃過，味道帶輕微辣味，頗為鮮嫩➰甜辣炸雞半份🍗 $118炸雞外層裹滿甜辣醬，味道甜而不膩，炸到脆卜卜，個底仲擺左薯條，半份份量已經夠兩人食。最細心係上菜時已經提供埋手套同茄汁，唔怕食到對手油淋淋，推薦必點💖➰藍天使梳打😇$38見個顏色幾特別所以叫黎打