炑八韓烤 (荃新天地2)

Open Now

Now Closed

歎冷氣食韓燒確係爽嘅，晚飯唔想同人迫，呢度絕對係好選擇，因為舖面又大又多位。由門口到坐低食嘢，有種好有樂趣嘅感覺。前菜除咗有泡菜、薯仔沙律、仲有豆角、芽菜同酸蘿蔔之類，一d都唔hea。燒肉有油脂最香最肉香，牛五花入口juicy，五花腩d肥膏香夾煙韌，用菜包住食一流。大八爪魚同韓式紅蝦都幾正嘅，一邊燒八爪魚，一邊聞到魷魚酥味。少少辣幾惹味，但略嫌咸左少少。紅蝦燒起上嚟好香bbq同蝦膏味。料理方面泡菜煎餅同韓國水冷麵都幾抵食，煎餅4個人都夠食，水冷麵冰涼酸酸地，韓燒同水冷麵、梳打，絕配。