西塔老太太烤肉

Open Now

Now Closed

為避過五一黃金周, 這星期決定留港消費, 同朋友去咗尖東呢間內地人氣燒肉店---西塔老太太烤肉。餐廳環境企理光鮮, 入座隨即送上多款前菜、配料、秘製醬料, 所有均為免費無限量添加。 今次散點了數款烤物share, 全程由店員即席協助燒烤, 服務貼心。西塔特色鮮烤鰻魚每日限量鰻魚去骨切成一件件, 每件都好厚肉, 店員協助將其燒至金黃, 皮脆, 有鰻魚獨有魚鮮味。分別配上兩set配料搭食:一) 以紫蘇葉+紫菜包住鰻魚食, 能於清香中吃出鮮味二) 鰻魚汁加上薑絲, 令鰻魚更為提鮮美味不過間中有幾件還是連帶幼小魚骨, 食嘅時候要小心 厚切豬五花肥大肉厚豬五花原條上, 由店員剪成兩條, 烤到咁上下再切成小塊再燒至金黃色。 表面香口, 肉質稍帶爽口彈牙, 連埋生菜加蒜片夾住一齊食, 有助平衡五花腩嘅油膩, 又能食到油脂肉香。老太太特色瘦牛醃製過嘅瘦牛無肥牛咁多脂肪, 但薄切令烤後肉質keep到好林冇渣, 配埋店內特製的芝麻醬, 更加香口美味。錫紙金針菇金針菇包中加入了蒜蓉、少量蔥同埋辣椒粒一齊烤, 金菇盡吸調味汁料, 惹味非常。牛肉石鍋拌飯拌飯熱辣辣滋滋聲上檯, 配料非常豐富, 有多款蔬菜絲, 牛

今日係尖沙咀食左在內地擁多間分店的烤肉店。入到店舖，環境好舒服好大；卡位仲有落地玻璃，感覺好有空間感及通透！ 而且見有2間獨立房，如果多人gathering嘅朋友可以book，好好享受晚餐！一坐低，已經上左幾樣前菜及醬汁。前菜可以無限refill，我都encore左幾次薯蓉及泡菜！ 醬汁都有四款，而且有埋教學教咩肉點咩汁;胡麻醬係一大球可以自己撈，好香！Staff們服務態度好好，見到餐牌太多選擇都有比idea我哋，今次叫左牛豬雞秘製雞腿肉呢個比想像中驚喜！雞腿肉汁嫩滑，就算燒耐左都唔會韌。值得一試！老太太特色肥牛見到脂肪分布均勻，食落好有牛味！一碟都有十塊左右。厚切豬五花捲住原條上，好有韓式風味！切到有一定厚度，加配生菜、蒜片和韓式醬汁，燒完出黎唔會好乾，Juicy!香翁鳳梨牛扒原個菠蘿加兩塊原塊牛扒，賣相吸精！可以按喜歡自己燒什麼熟度也可以，牛排有一隻手掌大細；加上燒菠蘿又鮮又甜，食完感覺好Fresh！燒金菇餐廳已幫手用錫紙包住，方便我們！ 加配蒜蓉辣椒去燒焗， 好入味！

尖東新店 西塔老太太烤肉主打朝鮮族傳統老式泥爐烤肉今次點了開張二人餐🥩本來想試單點既水冷麵 但食到一半已經飽了🥲餐點包括六款前菜泡菜/沙律/薯仔沙律/醃荀,蒜頭,黃瓜,洋蔥 及生菜 以上既前菜都可以任添的🥰牛肉海帶湯同平時飲開既海帶湯一樣味道 只係多左牛肉絲肉類方面🥩秘製卷牛肋排 推介👍🏻肉質唔錯 配埋特色白芝麻醬食 味道層次會提升 順帶一提呢款麻醬有白醋 糖 同蔥花 酸酸地可以一解麻醬既油膩感😋😋厚切豬五花 推介👍🏻🐖煎得好香口 個人覺得唔點醬料即食已經好好味 而且煎既時候已逼出大部分油脂 所以食落唔膩而配埋生菜🥬連蒜頭泡菜一齊食 風味十足😋老太太特色肥牛老太太特色瘦牛以上兩款不過不失 本來都冇太大期望😂飲品方面提供韓國汽水作選擇餐廳座位寬敞舒適加上新裝修嘅關係 感覺乾淨企理店員會幫手烤肉 亦會講解醬料食法同附近新餐廳相比 性價比OK如果食得辣既朋友 建議試埋店家既特色辣椒粉 味道別有一番風味👍🏻