西塔老太太烤肉

Open Now

Now Closed

尖東新發現，西塔老太太烤肉，$298 兩人餐真歡樂，在尖東 西塔老太太 烤肉為你帶來了一場味蕾的盛宴，性價比超高，實惠又抵食。交通便利，還設有包廂房間，聚會共享美好時光的理想選擇。餐廳內部裝潢簡約而不失雅致，氛圍輕鬆愉悅，服務周到，若服務員有時間，會專人為你燒烤，每燒一兩碟就會幫你換燒網，讓你全程無憂，盡情享受美食。西塔老太太烤肉(尖沙咀)地址: 尖沙咀科學館道14號新文華中心地下1A-1C號舖歡樂二人餐- **老太太特色肥牛**：肉質鮮嫩，油花分布均勻，讓每一口都充滿肉香。- **老太太特色瘦牛**：精選部位，健康美味，適合各種口味，點上醬汁，味道更滋味。- **雪花肋條**：細膩的雪花紋理，輕輕一烤即化，令人陶醉。- **香翁鳳梨牛排**：獨特的鳳梨燒烤，亦保持鳳梨嘅果汁果肉味道，酸甜可口，為牛排增添新意。- **特味雞腿肉**：香辣入味，肉質鮮嫩。- **白蘑菇**：鮮香可口，而且仲超出蘑菇水，更能品嚐蘑菇的鮮味，亦為烤肉增添清新口感。- **牛肉海帶湯**：濃郁的湯底，搭配柔軟的海帶，暖心又美味。西塔老太太 烤肉都能為你提供一份難忘的美食體驗。快來品嚐吧！

去「西塔老太太」烤肉，如果冇試過佢哋嘅「老太太特色肥牛」，真係等於冇嚟過！呢碟肥牛絕對係鎮店之寶，食過返尋味嘅人多到數唔晒，包括我！點解必食？睇落去：靚肉靚到犯規！ 佢哋用嘅係特級雪花肥牛，油花分布靚到好似大理石紋路咁，一上枱就知唔係普通貨色。肉色鮮紅帶光澤，厚薄切得啱啱好，唔會薄到一烤就碎，又唔會厚到韌，口感超平衡。秘製醃料係靈魂！ 聽講係東北老家傳落嘅配方，微微帶甜同醬香，醃得超入味但完全唔會蓋過牛肉本身嘅鮮味，反而吊出肉香，烤完唔使點醬都已經勁好食！烤完入口即化！ 關鍵係佢啲油花超甘香！放上炭爐「滋滋聲」一烤，油香爆炸，外層微焦脆，裏面軟嫩到離譜，真係一放入口就融嘅感覺，肉汁多到瀉出嚟，食落超有罪惡感但幸福到笑！配麻醬係神來之筆！ 跟住嚟嘅係佢哋招牌麻醬（偏甜口，超濃芝麻香），點一蘸——不得了！鹹甜香滑撞埋肥牛嘅油脂，層次暴升，味蕾直接放煙花！點食最爽？建議你直接點大份！細份真係唔夠喉，我同friend次次都忍唔住追加。烤嘅火候要掌握好，每面烤到變色微焦就食得，千祈唔好過火，否則浪費咗咁正嘅肉啊！總之，「老太太特色肥牛」係呢度嘅終極王牌，肉質、醃料、烤功、醬汁全部滿分。你問我尖沙

去「西塔老太太」烤肉，如果冇試過佢哋嘅「老太太特色肥牛」，真係等於冇嚟過！呢碟肥牛絕對係鎮店之寶，食過返尋味嘅人多到數唔晒，包括我！點解必食？睇落去：靚肉靚到犯規！ 佢哋用嘅係特級雪花肥牛，油花分布靚到好似大理石紋路咁，一上枱就知唔係普通貨色。肉色鮮紅帶光澤，厚薄切得啱啱好，唔會薄到一烤就碎，又唔會厚到韌，口感超平衡。秘製醃料係靈魂！ 聽講係東北老家傳落嘅配方，微微帶甜同醬香，醃得超入味但完全唔會蓋過牛肉本身嘅鮮味，反而吊出肉香，烤完唔使點醬都已經勁好食！烤完入口即化！ 關鍵係佢啲油花超甘香！放上炭爐「滋滋聲」一烤，油香爆炸，外層微焦脆，裏面軟嫩到離譜，真係一放入口就融嘅感覺，肉汁多到瀉出嚟，食落超有罪惡感但幸福到笑！配麻醬係神來之筆！ 跟住嚟嘅係佢哋招牌麻醬（偏甜口，超濃芝麻香），點一蘸——不得了！鹹甜香滑撞埋肥牛嘅油脂，層次暴升，味蕾直接放煙花！點食最爽？建議你直接點大份！細份真係唔夠喉，我同friend次次都忍唔住追加。烤嘅火候要掌握好，每面烤到變色微焦就食得，千祈唔好過火，否則浪費咗咁正嘅肉啊！總之，「老太太特色肥牛」係呢度嘅終極王牌，肉質、醃料、烤功、醬汁全部滿分。你問我尖沙

今日同朋友去咗尖東食燒肉，食物質素不錯，最重要嘅係服務一流🤩我哋叫咗個$298二人餐，食物款式都好豐富😝牛肉方面，有老太太特色肥牛、瘦牛；肥牛食落油脂豐富綿滑，但略嫌過油；瘦牛肉質鮮嫩，入口即溶；調味適中。雪花肋條油脂分布均勻，咬落無筋，肉味濃郁；特味雞腿肉帶微辣，調味較濃，但十分惹味。餐廳嘅特色招牌菜係香翁鳳梨牛排，新鮮整大片嘅牛排肉加上酸酸甜甜嘅菠蘿一齊放上鐵盤上燒，菠蘿嘅鮮甜中和咗牛排肉嘅油膩，食落十分特別，值得一讚。另外餐裡亦都包括咗小磨菇一份，燒好嘅磨菇中間會出咗水，飲落好清甜。餐入面亦都入唔同嘅調味料，任添生菜，同埋牛肉海帶湯，食完滿載而歸。值得一提嘅係，店員全程會幫你燒嘢食，完全唔使擔心燒過龍或者生得滯😆

講起尖沙咀烤肉，最近真係成日聽到人講「西塔老太太」！試完之後，真係明點解咁Hit！佢哋主打嘅老太太特色肥牛，真係一試難忘！薄切得嚟油脂分布超靚，落爐「滋滋聲」幾秒就熟，重點係點佢哋獨門秘製嘅麻醬！甜甜地帶啲香，同肥牛嘅油香夾到爆，完全唔膩，食完一碟真係想Encore多碟呀！跟住一定要試嘅係雪花肋條！呢個部位真係正，一條條切好，啖啖肉得嚟帶少少筋位，咬落超有口感！重點係佢哋啲雪花紋靚到呢... 烤到外層微焦，入面仲Keep住Juicy，唔使點醬淨食都已經好香濃牛味，鍾意原汁原味嘅你絕對要點！最後個驚喜位係香翁鳳梨牛扒！成個鳳梨上枱已經夠晒吸睛！入面塞住塊厚切牛扒，醃得夠入味。烤嘅時候，鳳梨嘅香甜果汁慢慢滲入牛扒度，食落牛扒勁嫩之餘，仲帶住陣陣果香，好清新！烤完鳳梨仲可以當水果食，甜甜酸酸解晒膩，呢個配搭真心有心思！總結嚟講，西塔老太太呢三款真係鎮店之寶，肥牛嘅麻醬、肋條嘅肉感、鳳梨牛扒嘅創意，款款有特色，食完大滿足！環境同服務都唔錯，係尖沙咀想食高質啲嘅烤肉，呢間真心推介！記得早啲Book位呀，晚市真係好旺場㗎

唔洗返大陸，係香港尖東就有得食西塔老太太烤肉啦，真係好方便，紅磡站一出行天橋就直達。 今日黎得早，唔洗等就有得入，真係好。而家做緊既套餐真係好抵，我地叫左2人餐，只係$298。一坐底已有好多碟仔既小食，好好味，同好有特色既汁醬。 最先就飲左開胃既牛肉海帶湯先，一路飲湯，店員就開始燒白磨菇，燒到滿滿既磨茹汁出晒黎就食得啦。 有磨茹既清香，好特別。個餐有特色既肥牛，好靚既雪花，燒落好快熟，油花燒完一啲都唔膩。 瘦牛肉質均等，燒完都仲幾稔身。 雪花牛肋條，好夠份量。最正係全程都有店員幫我地燒，佢燒得啱啱好，又會教我地應該點咩汁，超貼心。 仲有雞脾肉，肉厚又唔肥。而最有睇頭係香翁鳳梨牛排。 大大件既鳳梨燒完已夠香，仲要夾埋牛排食。 牛排一舖開，已經好有視覺效果，2樣夾埋食又真係另一番風味。全程食得好享受，好滿意，下次真係可以再食。

今餐同朋友試咗間人氣燒肉店嘅歡樂二人烤肉套餐，款式夠多又有特色，真係每樣都想試晒。第一款出場嘅係老太太特色肥牛，油花分布靚到好似雪花咁，落爐燒一燒已經香氣四溢。咬落油脂即刻融化，肉質嫩滑又唔覺膩，簡單點少少鹽已經夠晒味，真正入口即溶，唔講真係唔知平時肥牛可以咁高質。🥩再試埋老太太特色瘦牛，呢款就完全唔同路線，啱晒唔鍾意食肥膩嘢嘅人。瘦牛肉薄切得嚟唔會乾巴巴，燒完口感依然嫩，重點係佢腌料好出色，帶淡淡甜味同蒜香，配啤酒一流。🧄跟住燒嘅雪花肋條就更有咬口，肉味濃得嚟仲帶筋位，一咬落去有種爆汁嘅感覺。燒到微焦果陣特別香，啲肉汁鎖住晒入面，咬住慢慢食，好過癮，係成餐最有口感嘅選擇。🔥香翁鳳梨牛排就比較新派，牛排肉厚實多汁，入面竟然夾住啲鳳梨粒，微微果香中和咗牛排嘅濃味，食落唔會太heavy。燒完之後牛肉多咗一份清新感，幾有創意又真係match得幾好。🍍配菜方面有白蘑菇，燒完保留住佢原本啲水份，一咬爆汁，加少少鹽或牛油已經好香好甜，清新得黎啱晒夾住肉食中和返個味道。🍄最後仲有碗牛肉海帶湯收尾，湯底好清甜，唔係濃味嗰種，反而飲得出牛肉同海帶自然煲出嚟嘅清香，啖啖湯暖笠笠。🥣

近來好評如潮嘅人氣烤肉店，今日叫左個二人餐，呢個價錢有呢個份量同質素，確實非常唔錯～先來多款前菜，包括有沙律菜、醃青瓜蘿蔔、薯仔沙律、麻辣花生等。二人餐入面主要有：🥢香翁鳳梨牛排🥢雪花肋條🥢老太太特色肥牛🥢老太太特色瘦牛🥢特式蝦肉腸🥢白磨菇🥢牛肉海帶湯🥢冰糖山楂香翁鳳梨牛排絕對係打卡之選～兩大塊頂級牛扒，肉嫩多汁，伴以酸甜多汁嘅菠蘿，好味。另外最得我心嘅係老太太特色肥牛，肥牛片薄而均勻，燒至帶微微焦香，肉汁豐富，油香四溢。特色蝦肉腸都好好味，好香，口感帶點煙靭，有啲似食緊台灣腸～除左有靚牛之外，呢度嘅醬汁亦好出色～有烤肉汁，肉汁、干料，同特製芝麻醬。不同嘅肉配以不同醬料，味道更加突出。食完肉之後食埋甜甜酸酸嘅冰糖山楂，清新一下～不錯。

行街見到呢間好多人講嘅燒肉店，就去咗試吓！入嚟環境好好，座位都好闊落。我哋嗌咗一個雙人餐，一入到去就會上好多前菜，有生菜可以俾你包住牛肉食，亦有啲沙律薯仔等等，可以俾你開咗個味蕾先🤤牛肉海帶湯海帶味超重，飲落去好舒服唔會太鹹，食完燒肉可以攞嚟解膩。份量好多，大概有4-5碗！白蘑菇香口多汁，配埋牛肉食一流！特色蝦肉腸平時冇食過呢一種腸，一開始係軟腍腍，但係燒完就會變到脆卜卜，食落超級多汁，勁香，反而呢個腸真係估唔到咁好食！香翁鳳梨牛扒擺盤好靚，雖然牛扒相對會韌身少少，但係換來嘅係更濃嘅牛味，而且隔離仲會有原塊嘅菠蘿俾你燒嚟配住食，菠蘿嘅甜味同牛扒相容～老太太特色肥牛/瘦牛呢兩隻都係相對薄切嘅牛，所以食落去更加有種入口即溶嘅感覺，我自己就最鍾意食呢兩隻，加埋本身條配好嘅芝麻醬，值得encore！冰糖山楂本身自己唔係好鍾意食好甜嘅嘢，但係呢個冰糖山楂食落去真係冇想像中咁甜，都幾有驚喜的！總括嚟講價錢絕對對得上個質素，同價位嘅燒肉嚟比真係好高質😋

其實你哋知唔知尖東都有西塔老太太的分店？今日我就嚟食燒肉啦‼️呢間係我做完facial後成日來的飯堂😂見我素顏都知咩料啦🥹📌老太太特色肥牛及瘦牛🐮我睇住職員燒以兩款牛肉，燒到好搶火🥹如果係我燒應該淆底💀我就中意夾埋生菜同泡菜食，或者可以配搭特色芝麻醬一起吃，咁食就冇咁油膩。
📌香甕鳳梨牛排今日MVP🌟牛排帶點鳳梨的清香，肉味香濃。我就喜歡燒至七成熟口感細軟👍🏻最後還烤上新鮮菠蘿味道很甜🍍 📌雪花肋條肉質很嫩，帶有豐富的油脂，令人食指大動😋📌牛肉海帶湯有勁多海帶！味道很鮮甜！是一個白飯小偷🍚📌特色蝦肉腸一碟有12條🤤口感及味道很像脆皮香腸！唔好睇佢生時扁平的，烤熟咗就會漲返‼️很好味😆📌烤白蘑菇🍄‍🟫燒一會兒後，釋出水份後便可食用！第一次冇燒燶到仲好Juicy！讚👍🏻📌冰糖山楂完全冇人工甜，只有山楂的酸甜味，解油膩一流

尖沙咀食午餐多數都係茶餐廳，今次比我見到有韓國嘢。門口見到餐牌唔止烤肉，仲有水冷麵、石頭鍋飯、辣炒魷魚、溫泉蛋肥牛丼，賣相好吸引，價錢可接受，一於試下啦🤭一個人就叫左個溫泉蛋肥牛丼試試，估唔到勁大碗！！而且相當足料，肥牛鋪滿一層，上面仲有隻溫泉蛋，大大粒👍🏼👍🏼味道正正常常，$78唔使加一，仲有免費前菜同餐飲，冇得彈啦～😗

今次試咗尖沙咀新開嘅「西塔老太太烤肉」，$298歡樂二人餐有齊5款肉+配菜+海帶湯，份量夠晒兩個女仔share！ 🥩 烤肉拼盤亮點 ▫️老太太特色肥牛：油脂花紋靚，烤到微焦入口即化 ▫️老太太特色瘦牛：醃得入味，肉質軟嫩唔乾柴 ▫️雪花肋條：牛味濃郁帶嚼勁，油脂香慢慢滲出 ▫️香翁鳳梨牛扒：創意配搭！鳳梨烤過後甜味爆發，中和牛肉膩感 ▫️特味雞腿肉（辣）：韓式辣醬醃得透徹，嫩滑帶微微後勁🌶️ 🍄 配菜驚喜 ▪️白蘑菇：反轉烤到出「蘑菇湯汁」超鮮甜 ▪️海帶湯：清甜暖胃，海帶煮得夠淋 👵🏻 老太太獨門吃法 店員教路用生菜包肉+蒜片+韓式大醬，再加片烤鳳梨，酸甜清爽好解膩！ 💡 小總結： 人均$150食到捧住肚走，全程有店員幫手烤肉超貼心！特別推薦鳳梨牛扒同肥牛CP，性價比完勝連鎖烤肉店～ 📍西塔老太太烤肉 (尖沙咀)尖沙咀科學館道14號新文華中心地下1A-1C號舖

內地好出名既西塔老太太烤肉終於都可以係香港食到啦 今次就試左位於尖東既分店見到佢地既2人餐就覺得好吸引 因為睇到咁豐富就覺得一定要品嚐品嚐餐廳環境最岩同三五知己燒住肉飲下酒咁加上坐得好舒服二人餐 $498白磨菇 完全估唔到磨菇既食法唔係食係飲 係飲磨菇係燒緊既時候所自帶既磨菇水 味道十分清甜牛肉海帶湯 海帶味道完全融入左湯頭入面加埋牛肉既鮮甜，味道十分有鮮味調味都岩岩好特式蝦肉腸 蝦肉腸係炭火燒烤後有咬口 仲會脆脆地口感好好老太太特色肥牛瘦牛 2種都各有特色牛味都十分濃，個人覺得肥牛既口感更佳配合生菜就更加豐富香翁鳳梨牛排 上到台牛排花紋十分有層次都十分新鮮 燒完後油脂更加濃郁左口感十分滿足 最推介一定要試呢樣小菜配菜都可以添食咁一定食到飽飽啦

今日放咗工之後，喺尖東附近搵嘢食，跟紅磡呢邊有間地舖，見到餐牌推介「一周年慶二人餐」價錢唔貴，好抵食，所以就入咗去。餐廳裝修新淨，座位寬敞又舒適。入到餐廳，服務員服務非常殷勤，先會遞上一啲前菜、同埋茶。我哋order咗二人餐，食物包括：「老太太特色肥牛」、「老太太特色瘦牛」、「雪花牛肋條」、「香翁鳳梨牛扒」、「特味雞腿肉」、「白蘑菇」、「牛肉海帶湯」，仲有多款特色調味料。服務員非常貼心，佢會幫你剪肉、同埋燒肉，亦都會教你點樣燒得好食，燒幾耐先至熟，等等……整體食材非常新鮮，牛肉香滑幼嫩，最特別係白蘑菇，燒完入邊仲係好Juicy，好好味，非常推介。埋單並無收額外附加費，價錢合理，性價比高，兩個人食啱啱好，美味有好抵食。

平時都係食日式或韓式燒肉，想平平哋燒烤肉有咩選擇？內地過江龍西塔老太太烤肉嚟咗香港已非常親民價吸引客人，最近一周年更推出超值套餐，平時要$488而家只需要$288就可以享用到二人套餐非常抵食，一於去試吓。餐廳包括咗所有前菜醬汁，另外有五款唔同嘅肉類，搭配了蔬菜及海帶湯。最推薦嘅係豐利牛排，用上高質牛小排，入口軟滑油香爆滿。另外亦有一款肥一般瘦嘅牛肉收牛主要食得出牛肉嘅肉味另外肥牛搭配了自家調配嘅芝麻醬汁，自家製調背脊汁建配上肥牛非常夾。套餐仲有雪花牛肋條，雞腿肉，白蘑菇。白蘑菇餐廳侍應仲教我哋先燒底部3分鐘再反轉，蘑菇汁保留咗喺蘑菇入邊好似一個杯咁裝住，唔會燒到乾，果然好介紹。大家而家唔使再返內地香港可能比內地更超值。