2DP (Closed)

我們在平日晚上來食晚飯，餐廳較細又多人，非常嘈，每枱只限90分鐘，我們叫了三個主菜、三杯特飲及兩個甜品。坦言，今次是慶祝生日，90分鐘實在不太足夠吧！當我們超出90分鐘後，職員叫我們結帳，當時還未食完甜品。食物好食又健康，可以不加奶或蛋，我們不是素食者也非常喜歡每款食物，特別喜歡推介的沙冰特飲。甜品也很好味。訂位時，我也問職員要加生日牌及蠟燭，要加$18 雖然未能寫名，原來是有兔仔的生日牌及金色的蠟燭，總算很靚

次次經過厚福街都見到2DP排滿長長人龍，有時都會心郁想試下究竟點解佢咁受歡迎！直到有日落雨天，終於唔算太多人就比我同朋友搵到機會喇～出面等位唔多，但入面依然坐滿晒人，所以惟有退而求其次去左吧枱位坐～其睇餐牌之前，其實都唔知佢係一間素食餐廳，整係知佢有個原個蜜瓜沙冰好出名，睇過之後先發現原來素食都可以有好多花款煮意，賣相都相當吸引！原個南瓜忌廉大麥飯，比餐牌張圖完全吸引左，每粒飯都充滿淡淡忌廉香，食落唔會膩口，飯粒好有口感，最令我陶醉既係，每食一啖都加上側邊南瓜蓉，提升左唔少層次感！忌廉牛肝菌素肉碎闊條麵，闊條麵煙韌彈牙，加上素肉碎味道同口感都同真肉碎好相似，但忌廉牛肝菌個汁我就覺得略為少左啲，令到個麵底偏乾身，我自己就比較中意濕潤少少既口感～純素雞腿，好有驚喜既一款菜色，外觀上同雞腿係冇分別，再加上有酸辣汁坐鎮，而第一下咬落去口感相當脆身，內裡係一層層令到素雞腿脹卜卜既腐皮，估唔到純雞腿都可以整到咁出神入化！火龍紅茶乳酪，嗌左杯火龍紅茶乳酪，乳酪相當出眾，味道上去健康又開胃～蜜瓜碗 農埸牛乳刨冰，最後緊係唔少得人氣大熱佢地既蜜瓜碗！粒粒果肉相當香甜，而且凍冰冰消暑解渴一流～牛乳刨冰又香

佢地初初開既時候試過個時都無咁多款式而家多左好多素食既選擇唔講唔知原來2DP 係2 decimal place 既意思即係對於佢地既餐廳質素抱有好細心既態度其實從佢地既裝修、格調同食物都感受得到．原隻菠蘿炒椰菜花飯（$188）上枱既時候好澎湃整個菠蘿上枱時鋪滿素肉鬆同埋雞蛋絲份量多到好易就跌左落枱所以記得慢慢食酸酸甜甜既菠蘿粒係底調帶起左椰菜花、提子乾、素肉碎、同腰果粒既味道每一啖既層次好豐富之餘用料都好健康雞蛋絲切得夠薄身就咁單食都得．炸蕃薯條（$32/細）有得揀大份或者細份好貼心咁就可以試多樣野食又唔怕食唔哂呢個炸得夠香脆加入黑椒粉就仲香口．原個南瓜忌廉大麥飯（$158）見到佢地餐廳宣傳品有好多佢既相好似一定要食咁就叫左黎試下佢用類似risotto既concept黎創作放入南瓜入面已經幾特別用既米仲要係類似薏米口感既大麥好有咬口加入左忌廉令到食落幾creamy幾滑反正南瓜味就相對無咁突出亦唔會好漏去到尾又可以連埋南瓜蓉一齊食好滿足．蜜瓜牛乳刨冰（$108）大量蜜瓜粒疊左個山出黎入面既刨冰乳白色因為係用特濃牛乳整既再加入左RN最愛茶走入面既煉奶令到個刨冰甜度增加最後仲可以刮蜜瓜球底部

今次係第二次食2DP，因為食過覺得好正，所以翻尋味😝今次終於試到佢個招牌菜----原個南瓜忌廉大麥飯🎃真係不得了🤤首先，佢個賣相已經無得頂😇將成個南瓜整成一個咁精緻嘅容器，真係好犀利👍🏻而佢絕對唔係有姿勢無實際ga，有得睇之餘仲有得食😹個飯好香南瓜味，同埋個南瓜入面啲肉好淋，好容易bud黎慢慢食🤗一開始見到個口咁細，以為唔係好多飯，原來入面都仲有好多飯，份量絕對足夠😆另外個黑松露忌廉大麥飯都好creamy，黑松露啲味都幾濃，推薦大家去試試佢地☺️

約咗人嚟 附近 食飯，見到呢間餐廳好名特別，睇下個 menu， 都幾吸引入去食咗餐飯。入到去 店員態度都好好， 裝修環境都好舒服 睇得出店主有花心機落去。抵讚。兩個人叫左三樣野，南瓜大麥飯， 冬陰功 蒟蒻麵， 同埋一個甜品桃膠豆花。睇到幅圖以為個南瓜飯唔係好大， 點知嚟到之後， 好有驚喜。原隻南瓜不在話下， 個南瓜 都幾大下， 食落都好厚肉，個飯係 洋薏米大麥，好有咬口；食落 好香好滑 原來仲加左啲Crean落去，味道好夾。而且個南瓜好香甜。個冬陰功蒟蒻麵開頭以為係湯麵， 原來唔係。 個冬陰功唔會好辣， 好啱唔食得太辣嘅人。

今日同女友人黎左尖沙咀呢條好多人又好多野食既厚福街覓食.. 之前係附近食過其他餐廳都好正，今次女友人帶我黎話要食d好特別既野喎.. 佢介紹左我黎呢間2DP, 佢仲解釋話2DP呢個名係間餐廳特登改因為佢地既野食既誤差率係最多只會去到2 個Decimal Point.. 好囂張哦.. 咁就令我忍唔住要去試下啦..我地野食分別叫左黑松露薯條， 蕃茄水牛芝士薄餅同原個南瓜忌廉大麥飯.我想講我平時食素都唔會夠飽..但呢間餐飯真係唯一一間令我飽住走既素食餐廳.仲要好好味. 佢個黑松露薯條超多醬仲要炸得軟硬適中,佢個蕃茄水牛芝士薄餅好濃味餅底好脆,食落完全唔似素食..超惹味...,佢個原個南瓜忌廉大麥飯好靚..入面超多料勁creamy.. 好特別既risotto令我忍唔住好飽都要食晒佢,以素黎講真係幾特別..我食完餐飯後既感覺佢地好有水準好滿足.