2DP (Closed)

呢間係尖沙咀超人氣嘅素食Cafe一直都想試好耐，本身都怕怕地嘅態度去試，點知真係十分之有驚喜！！我地叫左牛肝菌Impossible肉碎闊條麵（$118）、烤菠蘿Impossible漢堡·燒烤醬（$138）、黑松露薯條（$78）、黑芝麻奶油窩夫配鐵觀音雪糕（$98）、木瓜牛乳刨冰（$108）每野食都出奇地好食，個漢堡做到好似真係肉甘，睇既話係完全睇唔出🤣🤣，薯條仲要超大兜，比著係出面既cafe都無甘多！！食到最後都好飽🤣🤣但係都好想試佢地既甜品，因為真係好想試個鐵觀音雪糕，所以窩夫就轉左鐵觀音雪糕，但係食落去反而無咩野特別😳😳，最最最最好食都係個牛奶冰！！好值得再食多次，真係用牛奶既冰去製，蜜瓜都好甜！！二至三人share既話，分量岩岩好😍最好都係book定位，長期有都人排隊

我依家係一間以素食為主嘅餐廳其實我都係去到先知都係行行吓街見到諗住入去食入到去先知原來係素食餐廳既然入得去咁就當然要叫嘢食食啦佢個漢堡包唔係牛肉嚟㗎係一啲齋嘅肉，我都唔知係啲咩不過就幾好食😋佢明顯同牛肉嘅分別都幾大嘅生菜包嘅份量有啲小同埋佢可以揀辣定唔辣我覺得呢樣嘢好好因為我自己本身唔食辣，但係平時成日都好想食生菜包，佢就啱晒我哋呢啲唔食辣嘢嘅人，可以盡情咁食黑松露薯條真係超級好食個黑松露醬係超級之正去親一定要食

🥑 牛油果楓糖芒果吐司 @ 2DP (TST) 🥭今日約咗幾位女友尖沙咀行街食飯。我竟然早咗到，咁岩又未食野，於是就去咗喺厚福街嘅 2DP - Tea & Veggie食啲嘢先。餐廳環境都算舒適，上菜好快。食物選擇清新健康。而且寫明不同成份同有symbol 代表（五辛、果仁、蛋、奶、辣、生酮），唔同嘅素食者唔使估估下，逐個問，方便體貼。因為天氣實在太熱，所以唔想食飯同麵，揀咗牛油果芒果吐司（佢配上沙律同乳酪）。平時都會自己整牛油果醬配麵包食，或者加蕃茄粒。而佢加上芒果粒（而且芒果好甜好靚），即刻開心咗。下次我整都可以加唔同嘅水果粒先。🤪 佢嘅餐牌入面，仲有現時好流行嘅 Keto Diet 菜式。大家都知道生酮飲食比較多油脂、肉，素食生酮就再少啲選擇。咁呢度都可以有選擇食到

喺厚福街食完飯，剛好看見這一家甜品店，兩個人share 一個蜜瓜牛奶刨冰，店家將日本蜜瓜肉刮出，弄成一個個半圓形，然後將牛奶和刨冰放在刮完肉的蜜瓜上面，吃得出店家是使用日本牛乳，牛奶味很重，吃每一啖刨冰的時候也會吃到牛乳味，而日本蜜瓜很甜，非常好吃，賣相亦很美，吃完還會想再食😋

📍尖咀高質 新派素食餐廳尖沙咀有一間新派餐廳💛唔單止有好多素食選擇 亦都配合近黎生酮飲食文化🍴有特色menu 意外地好睇又好食😋無論約咩飲食習慣既朋友都唔洗擔心啦👍🏻🔖炸蜜香蕃薯條🍠 (小) $36 (8.5/10.0)普通嘅薯條🍟就食得多啦，蕃薯條就比較少地方有得食，甜甜地又香口，唔錯👍不過可以再炸得脆身啲😬🔖牛肝菌impossible 肉碎闊條麵 🍄 $118 (9.5/10.0)牛肝菌味極濃，夾雜住嘅芝士味亦幾香🧀值得一提嘅係impossible肉係素肉😱但係同真肉嘅味道同口感都好相似！🔖50/50 蕃茄自家製水牛芝士pizza 🍕$138 (8.0/10.0)原本以為無肉嘅Pizza會好悶口，點知大愛芝士嘅小編依然覺得好吸引🧀芝士多到可以拉絲！🔖蜜瓜牛乳刨冰 🍧 $108 (10.0/10.0)人氣推薦🏆必點！蜜瓜份量多而且超甜🍈鍾意食甜嘢嘅朋友仔，仲可以叫餐廳再加煉奶俾你添🥛_____________________📌環境: 8.0/10.0乾淨企理，唯一唔好就係舖頭比較細，枱同枱之間近左D 🙈疫症期間可能會有少少擔心🤭📌推薦: 9.0/10.0 因為係素食嘅餐廳，所以食多啲

和朋友在諾士佛臺那邊食完晚飯，來到厚福街食甜品，本身想光顧的甜品店已截龍，剛好見到2DP有甜品吃而且未截龍，就選在這裡吃甜品啊！後來才知道2DP是一家素食餐廳丫～～～甜品的選擇都足夠，但由於天氣有點涼，而且仍有點飽，就沒選刨冰類及窩夫，可選的類別只有豆腐花﹑芭菲及中式甜品。我選了泰奶遇上豆腐花，而兩位朋友都選芭菲，分別是鐵觀音阿法奇朵芭菲配抹茶布甸及普洱巧克力芭菲配巧克力布朗尼蛋糕。泰奶遇上豆腐花，豆腐花做底，配珍珠﹑寒天及芋圓，泰式奶茶裝在另一隻杯內，可按個人口味來添加。珍珠﹑寒天及芋圓的size均勻一致，色彩繽紛，整體賣相不錯！寒天爽口，珍珠質感煙韌，芋圓煙韌得來又夠香，豆腐花帶豆味，口感層次豐富。泰式奶茶香滑濃郁，不會太甜，配豆腐花來吃，味道剛剛好！朋友們的芭菲我就沒試，單看賣相就見用料充足～～～味道應該不錯！

尖沙咀厚福街出名多嘢食，包括我最愛嘅韓國菜同甜品🤪🤪今次就過嚟呢條街食甜品，原本想去對面甜品舖，但係真係太多人喇所以都係過嚟呢到唔洗等位就入咗去～泰式奶茶刨冰 ($78)今次嗌咗呢個泰式奶茶刨冰，一上枱其實份量唔算好多，大約係一個水杯咁大嘅大小🙈份量一個人食可能未必夠🤭 不過賣相真係挽回唔少分數，泰式奶茶嘅味都重，而且有埋煉奶更加有泰式奶茶嘅味道 -- 夠甜～😂同埋食到最底都好有泰式奶茶嘅味，唔洗特登留返啲細係最後不過個人覺得仲要+10%之後都$80幾，份量真係有啲細，性價比好一般😢

喺網上見到原個菠蘿偽炒飯即刻被深深吸引襯食lunch去試吓見張相好大個 而且$188所以同個同事兩個人share一個覺得應該都夠食卦點知出事個飯真心好食嘅好香黑椒味全名係原個菠蘿素肉鬆偽炒飯（炒椰菜花飯）整體都配合我好好不過我地兩個人食一個就真係唔夠飽可以始終食椰菜花 唔係真係飯不過對於低醣飲食的確係非常好嘅選擇

🍄牛肝菌Impossible肉碎長通粉 $118邊個話食素一定寡一定無味⁉️呢款可以話係重口味牛肝菌味超濃郁 肝菌醬質地杰杰哋 完美包裹著每一條長通粉配料有幾款唔同嘅菇菇 口感豐富上面亦撒咗啲芝士碎增加層次感

尖沙咀厚福街出名有好多餐廳野食，係尖沙咀shopping完之後就黎到呢度搵野食啦！晚飯時間嘅厚福街好多人，間間餐廳都排哂隊，最後決定今晚同朋友一齊食素食，然後揀左 2DP 呢間創新素食餐廳，去試下佢地嘅菜式！牛油果扁意粉．配烤羅馬蕃茄 ＄110望上去好似好普通嘅一碟扁意粉，但係食落真係好好味！牛油果忌廉汁係用上杏仁奶煮成，再加上有牛油果粒絕不戲場，好有誠意去製作。扁意粉入面仲加入左超級食物秋葵、栗米仔、杏仁碎片，羅馬蕃茄又清甜多汁，同時為整碟扁意粉增添色彩，好讚👍🏻伯爵拿鐵 ＄42我同朋友都係叫左伯爵拿鐵，我果杯係熱嘅，而朋友果杯係凍嘅。伯爵茶味道好突出，伯爵茶同奶嘅比例做得好，入口順滑而同時保留到伯爵茶嘅清香🤩另外，朋友叫左佢鍾意食嘅 烤大啡菇 Impossible 漢堡 ＄138，🍔好大份！

〖 2DP 🍈 尖沙咀 〗零罪惡感蜜瓜山甜品！😍聖誕節食多咗要玩債？😏咁呢間高質特色素食啱晒你！😆邊個話vegan food 一定唔好食架？🤨食齋都可以好好食兼靚靚打卡🉐 【北海道牛乳蜜瓜刨冰🍈 ($108) 】一上枱真係「嘩」一聲！😮蜜瓜山滿到覺得佢隨時會山泥傾瀉😂 最驚喜係牛乳刨冰口感非常輕盈👄入口即溶又帶微甘味道蜜瓜鮮甜夠哂fresh！如果係夏天嘆就涼浸浸一流喇❄️ 【原隻菠蘿炒椰菜花飯🍍 ($188) 】你以為我係菠蘿炒飯？少年你太天真了😂我係健康版嘅椰菜花飯✅ 咸香素肉鬆加上爽口椰菜花估唔到又幾似真。菠蘿炒飯！🉐仲超足料加入提子乾同腰果口感層次豐富得黎又唔怕食多左會肥😏啱晒各位keep fit嘅女士呀！💪🏻 【韓式泡菜素煙肉卡邦尼意粉🍝($188) 】估唔到Kimchi X Carbonara又會咁夾👏🏻意粉醬creamy中帶點微微辛辣巧妙地令Pasta唔會太膩太heavy☺️呢道菜的確係有驚喜！💯 ========================== 好味指數：😋😋😋😋打卡指數：👍🏻👍🏻👍🏻👍🏻抵食指數：🤑🤑 =========================

新一年要爆素！尖沙咀厚福街出名多餐廳，日式，韓式，西式…只要你想的到都有！而且原來還有一間素食餐廳! 平日晚上人很多，要排隊，還好我們早到達，等了一會就有位置了。餐廳裝修偏向Cafe的感覺，再配搭不同的綠色植物。現代人追求健康飲食，餐廳也有生酮飲食，何謂生酮飲食？生酮飲食字面意思是「會產生酮體的飲食」，其為一種高脂肪，充足蛋白質，極低碳水化合物飲食。這種飲食的特色是讓食物嚴重缺乏碳水化合物，強迫身體燃燒脂肪而非碳水化合物，進而產生酮體。因快將新年，餐廳推出”爆素過新年”的新菜式，有新產品當然要試！純素雞脾 $48造型很像雞脾，附上泰式甜酸醬，有點像麥當勞的感覺。一口咬開，原來入面是用腐皮卷着木條，再炸。 很有趣的一道小食，哈哈白金鑽石爆素飯 $188名字有白金，鑽石，還有”爆素(數)”，意頭很好，哈哈材料也很高級，以白蘆筍和切成一片片的野生黑松露為主，再配搭白菌粒和洋蔥粒，加上忌廉的燴飯。每粒飯都被香濃的忌廉包裹，白菌和洋蔥增添口感，最後黑松露的香氣充斥着口腔，很滿足呢!生酮黃金杏仁奶(熱) $48黃金一般指鹹蛋黃，健康版的話就是薑黃粉了。杏仁奶本來是無糖，但加了羅漢果糖後，杏仁香中帶

2DP係一間主打素食/甜品嘅餐廳，小編同朋友係尖沙咀食完晚飯，又唔想咁快走，所以就入去試下。🍧綜合豆乳刨冰 $88👍🏻Taro Balls & Soy Milk Shaved Ice呢間嘅刨冰口感唔錯，係質地綿薄嘅雪花冰👍🏻小編最唔鍾意會咬崩牙嘅碎冰，所以幾鍾意呢種入口即溶嘅質感。有豆乳味嘅刨冰做底，配上珍珠、芋圓、寒天同黑糖蕨餅，冰面再淋上少少黑糖，非常唔錯！成個冰唔會太甜，啲配料都幾有咬口， 煙煙靭靭，值得一試😆🍧泰式奶茶刨冰 $78😐 Thai Milk Tea Shaved Ice小編本身係想試絲襪奶茶刨冰多啲🥲不過賣哂，所以轉移目標，叫咗呢個。一樣都雪花冰質感，不過今次就係比較甜嘅泰式奶茶味，面頭有oreo碎同煉奶。老實講有啲失望，因為無乜特別，成個冰得面頭個少少oreo碎做配料，略為單調。如果佢可以好似木糠布甸咁，個冰中間有第二層oreo碎/其他配料，口感會更佳。呢個價錢黎講唔係好性價比高😐堂食收加一服務費💰食物⭐⭐⭐環境⭐⭐⭐交通⭐⭐⭐⭐⭐服務⭐⭐⭐（最多⭐⭐⭐⭐⭐）📍2DP尖沙咀厚福街12至12號A藍馬商業大廈地下#尖沙咀cafe #尖沙咀美食 #打卡cafe #誠實食

🥗2DP成日見到排哂長龍，見到冇乜人排就去吓🤣🍔雙層牛肉爆素巨無霸 $148包烘到啱啱好，外脆內軟入面有2款impossible牛，一款係漢堡扒，一款係肉片漢堡扒比夠juice，肉片爽口啲配菜既紫花苜蓿芽、蕃茄、生菜絲都好新鮮芝士都濃味🍟薯條 +$26夠脆，正常發揮🍝牛肝菌impossible肉碎闊條麵 $118牛肝菌味道香濃，闊條麵略嫌硬咗少少🤏肉碎超好味，真係有肉嘅口感👍🏼🍨蜜瓜牛乳刨冰 $108賣相好靚💯刨冰勁濃奶味，質感幼滑，蜜瓜清甜推介🌟🌟🌟🌟2個人埋單$440聽日講過好似食素都唔平，不過呢餐飯都算okcp值唔算高，但係啲野食真係幾好食😋推介個闊條麵同刨冰🍧食得多肉嘅可以試吓嚟呢度體驗吓食素🤪

2DP係一間主打素食/甜品嘅餐廳，小編同朋友係尖沙咀食完晚飯，又唔想咁快走，所以就入去試下。綜合豆乳刨冰 $88👍🏻Taro Balls & Soy Milk Shaved Ice呢間嘅刨冰口感唔錯，係質地綿薄嘅雪花冰👍🏻小編最唔鍾意會咬崩牙嘅碎冰，所以幾鍾意呢種入口即溶嘅質感。有豆乳味嘅刨冰做底，配上珍珠、芋圓、寒天同黑糖蕨餅，冰面再淋上少少黑糖，非常唔錯！成個冰唔會太甜，啲配料都幾有咬口， 煙煙靭靭，值得一試😆泰式奶茶刨冰 $78 Thai Milk Tea Shaved Ice小編本身係想試絲襪奶茶刨冰多啲🥲不過賣哂，所以轉移目標，叫咗呢個。一樣都雪花冰質感，不過今次就係比較甜嘅泰式奶茶味，面頭有oreo碎同煉奶。老實講有啲失望，因為無乜特別，成個冰得面頭個少少oreo碎做配料，略為單調。如果佢可以好似木糠布甸咁，個冰中間有第二層oreo碎/其他配料，口感會更佳。呢個價錢黎講唔係好性價比高😐堂食收加一服務費💰📍2DP尖沙咀厚福街12至12號A藍馬商業大廈地下