彩福皇宴 (Closed)

餐廳佈置得好特別 似想營造婚宴氣氛 門口等位處一邊牆蓋滿了不同顏色的植物 （當然是假的）造照片背景好好看。假日/週末中午時分好多人排隊等位 平日就較少人 等候時間沒那麼長。餐廳內座位舒適寬敞 周圍都是結婚擺酒佈置 我好喜歡牆壁上復古的窗花設計 窗口又夠大 讓自然光照入餐廳。我們點左好多點心。從得獎菜式單 我們要了：1. 黃金流沙包 - 賣相不錯，流沙餡好正，包子較小所以不會太漏2. 港式街頭蝦米豬腸粉 - 好大份 ：） 3. 真功夫潮州蒸粉粿 - 我好喜歡！粉果皮有少少彈牙 涵料足 粉葛味道特出4. 蟹籽燒賣 5. 糯米卷 - 甜的！ 口感不錯 不會太硬6. 原個椰皇燉燕窩 - 燕窩配双皮奶 加野肉 很好吃。不太甜 ：）推薦！7. 壽包 - 很可愛 茶費每人$13。價錢不錯，份量很足，上菜很快。很滿意！

趁住今日屋企人都放假，於是到皇室堡逛逛，順便一起吃個晚飯。因爲屋企人都喜歡食中菜，於是預先打電話訂定位。一開來電梯門，就見到一片花墻，好靚！即刻已經幫屋企影左張相。餐廳裝潢很雅致，感覺像是高級的中菜廳，座位舒適。店鋪大概7點的時候就客似雲來！幸好有預先訂枱。店鋪的精選9款小菜碟碟都不過100蚊，好抵食！！想不到吃什麽的朋友可以係裏面揀。椒鹽鮑魚：夠大隻，價錢好抵食！鮑魚Q彈紮實，椒鹽鹹酥香！金銀蛋浸菠菜：好大碟同埋好足料，菠菜鮮甜，金銀蛋增添層次十分惹味。脆皮南乳雞：雞皮夠香夠脆，南乳雞肥瘦剛好，味道香濃多汁，沾上有花雕酒的南乳醬更是絕配。清蒸沙巴龍躉斑：龍躉斑很大條很新鮮！味道鮮甜，肉質嫩滑！有成斤二重都係$148.怪不得差不多每枱都有點。店員都好細心，詢問我們要不要幫忙分魚，服務周到。原個椰皇燉燕窩：甜品時間，天氣凍凍地，食返個甜品滋潤下就最好la，上層鋪滿燕窩，好適合女士們吃。蛋白和燕窩都滑嘟嘟好潤。蛋白仲有椰皇的清甜味。唔好看個椰皇細細個，兩個人分黎食都已經好足夠。屋企人對呢餐飯都好滿意，最主係要味道有水準之餘又夠抵食！！！裝潢雅致又舒服，簡直係超值。

返左成個禮拜工, 星期六緊係要陪下屋企人飲茶啦, 皇室堡9樓呢間彩福皇宴排隊排到出門口呀😮排左大半個鐘終於入得喇, 得獎點心好吸引, 而且價錢唔貴原隻鮑魚燒賣皇 - $35見到得獎點心有我至愛既燒賣, 即點啦😍除左燒賣上面最吸睛既鮑魚之外, 個燒賣本身有2-3隻新鮮大蝦, 加埋唔會太肥既豬肉整成, 所以口感極佳, 汁又香🤤旋風黃金流沙包 - $30貴為另一款得獎點心, 賣相已極為討好, 咬開後陣陣奶黃香味撲鼻而來, 極度流心的確令人招架不住😝而且價錢都係同平時既包差唔多, 性價比高👍濃湯鮮蝦水餃 - $33呢度既水餃絕對唔會欺場, 上湯配水餃能夠激發起蝦既鮮味, 再者原本粒水餃係用新鮮大蝦同埋爽口木耳整成, 加埋外皮又薄又滑, 真係好正呀😍煎粟米花枝餅 - $30慢火煎成既花枝餅, 外面非常香脆可口, 花枝粒亦都爽口彈牙, 配埋香蔥同粟米確係一流👍布拉白腸粉 - $25滑嘟嘟既布拉腸, 淋上豉油後配埋麻醬海鮮醬一齊食, 極具港式風味鮑汁鮮竹卷 - $24用料上乘, 薄薄既鮮竹皮包含左美味既餡料喺入面, 一咬開瞬間爆汁🙈原個椰皇燉燕窩 - $42嘩嘩嘩, 你冇睇錯, 真係有咁多款甜品比你