泰屋

Open Now

Now Closed

為了對抗Blue Monday，約左朋友去旺角食泰國菜，再去行下街。炭燒豬頸肉 $86份量多，肉質爽口，配上泰式酸辣汁，味道更開胃惹味。泰式乾炒河 （牛肉） $86有不同的配料，均勻沾上醬汁的蔬菜、蛋、牛肉同河粉，鑊氣十足，調味不會過鹹。原個椰盅海鮮焗飯 $92份量驚人，是飽肚之選。一上枱已經聞到香濃的椰汁香味，除了脆口的腰果、蝦、青口、魷魚，表面更有炸至脆身的椰絲，食到中間會有嫩滑的椰子肉、提子乾及雜菜粒，豐富的材料加上由椰汁及椰青水烹調的焗飯，口感上有不同的變化，鹹甜鹹甜的味道令人不自覺一啖接一啖。鮮芒果糯米飯 $48芒果香甜，加上雙色糯米飯，是開心的飯後甜品。泰國椰青 $48冰凍清甜，食泰國菜必點的飲品。餐廳環境同食物味道都不錯，而且份量大，是抵食的晚餐選擇。

我哋連一位小朋友(需BB椅)一行8人訂左週末6點半晚餐。一開始冇咩人, 我仲以為間餐廳喺樓上比較人少嚟, 點知到7點左右愈嚟愈多人, 好快坐滿左。店既裝飾有泰國感覺, 我哋坐低冇耐就點餐。簿餅, 蒜蓉包前面係, 後面係農夫包咖哩軟殼蟹, 我哋既必食推介之一。泰式濕炒河泰式香芒羊仔柳原個椰盅海鮮焗飯, 我哋既必食推介之二, 好有椰味。最後再點多一樣泰式鮮魚爐, 今次既晚餐價錢合理, 味道幾好。泰式鮮魚爐今次已經唔係第一次嚟幫襯, 有機會可再嚟。

朋友生日話想食泰國菜, 記得早排去彌敦道726嘅果座時, 立眼見到其中一間泰菜餐廳好多人排隊, 心思思想試, 正好book定檯今晚同朋友食返餐。餐廳環境開揚企理,一般泰菜款式都有, 款式多…. 【泰式蝦餅】HK$82蝦餅炸得金黃香脆不油, 口感鮮甜彈牙, 蝦餅中還混入了蝦粒碎, 鮮味有層次。 【泰式沙爹串】HK$88可自選兩款 (豬/牛/雞), 一共半打, 揀咗豬同埋牛, 肉味重, 但很有咬口感, 配有沙爹醬食, 提升味道。 【椒鹽鮮魷】HK$85鮮魷炸皮透薄, 但外層不算脆, 放了炸香蒜, 香口又能帶出鮮魷嘅鮮香, 爽口唔韌。 【原個椰盅海鮮焗飯】HK$88原個椰盅裝了滿滿海鮮焗飯, 淋上椰漿至滿瀉狀態; 海鮮有兩件大青口、爽口蝦球、魷魚, 焗飯中還有提子乾、椰肉, 飯質濕潤, 椰漿平均包住了飯粒, 每淡都食到香甜濃郁椰香味。 【椰汁西米糕】HK$13甜甜地嘅椰汁西米糕入口即化, 西米令口感有層次。

今天在旺角下班，因家人都外出了，所以要找地方吃一下晚餐，看了一圈沒什麼想吃的，看到這間泰國餐廳，就想起之前在別的地方吃過很好吃的焗飯，就想再吃一下，就選了這間了！原個椰盅海鮮焗飯（８８元）自從上次吃完椰盅焗飯後，就一直想再吃！所以這次就再選了一份來吃！這裡的椰盅是比較大的一款，滿滿的一大盅，又看到椰汁都流出來了，感覺是真的浪費了！這個椰子味非常香，無論是面上的椰汁或是內裡的焗飯，都是散發出椰子的香味，而椰汁味道的香甜的口味，配上鹹香的焗飯是比想像中的要好的配合！而海鮮方面，就有鮮蝦，青口和魷魚，都挺新鮮的，特別是青口的質素真的挺高，平常我都不太喜歡吃青口的！椰汁沙冰（３８元）這個也是大大杯的，椰味非常濃，喝起來冰爽！椰汁鮮芒果西米露（３０元）這個吃起來是清甜幼滑的，椰子味挺濃，配上微酸的芒果，更能突出西米露的清甜！鮮什果黑珍珠涼粉（３０元）這個分別有西瓜，菠蘿和芒果，還有一個圓形的不知道是什麼，搭配上滑嫩的涼粉，味道吃起來挺清甜，帶點水果香，甜而不膩的感覺！

今日搵食黎到旺角，一早聽聞係旺角道同彌敦道交界位置多左一座好多野食既商業大廈，而今日我地就黎到呢到搵到間泰菜同大家介紹下。一上到2樓，門口已經好泰國風，裝修都以木材為主，環境都唔錯，不過當日去到見到好多團餐既遊客，驚中伏😂但黎左d食物後就安心返好多😂首先我地叫左個小食拼盤開下胃，包括左魚餅，蝦餅同春卷，三樣都非常香口，加埋泰式酸甜醬都幾唔錯，呢個價錢食到算抵👍🏻👍🏻跟住再叫左個炭燒豬頸肉，肉身非常爽脆，加埋泰式辣醬就梗加惹味～仲有值得一提既係佢個椰盅海鮮焗飯，一黎到份量多到嚇親，海鮮都係放面頭為主，椰汁流哂出黎一上台就聞到椰香，抵食!😆最後我地仲叫左個椰青，近排天氣咁熱，飲返個清甜既椰青認真唔錯架😋😋🔹迷你小食拼盤 ($82)🔸炭燒豬頸肉 ($80)🔹原個椰盅海鮮焗飯 ($88)🔸泰國椰青($42)

我地D貓奴，咁上下就要去太子金魚街上下糧，我唔會星期六日同人迫，weekday 收工補給左比貓貓，順便都去Sky 726 度補給下自己，一見泰屋即刻就按2字🤪夏天熱辣辣食泰國野最夾，必點椰青清甜又滋潤，清新椰子🥥香氣濃郁，加碼點左椰盅海鮮焗飯，厚厚椰漿好似雪山一様，青口、鮮蝦、魷魚🦑掛滿椰子香氣，拌著黏黏軟熟嘅米飯一齊焗，第一啖有點像吃芒果糯米飯，唔好以為係甜點，椰子🥥同海鮮非常夾，未吃過的一定要試吓，味道實在太迷人喇👍👍👍有清甜潤喉嘅椰青，涼住冷氣我就唔怕食BBQ,點左鹽燒烏頭魚，大碼身材佔了半張枱，打開鹽焗外層，魚肚內嘅醃料仍在冒煙，幽幽嘅香葉味道好吸引，暖暖魚肉點一下泰式酸甜醬，幾時食都咁好味⭐️⭐️⭐️⭐️⭐️馬拉盞通菜又係百吃不厭，來自泰國嘅通菜特別脆口，火喉又炒得到位，惹味勻均，不會太咸同過火，呢度嘅廚房手勢好得，英雄所見略同，閒日的晚上全場爆滿，證明呢度抵食又好食🤩🤩🤩

又同朋友出旺角飯聚，今次揀間泰菜，抵食又好味，岩哂夏天食。泰國金柚鮮蝦沙律 $98，睇落細細碟，原來都有四隻蝦，金柚份量也算多。金柚飽滿多汁又甜，仲有清新果香，配爽口大蝦，醬汁微辣帶酸甜，仲有椰子香，清爽開胃。泰式沙嗲 $85，有牛、豬、雞，可選兩款，份量半打，都好啖啖肉，燒得幾香口。牛肉夠嫩腍，唔會乾，沾沙嗲醬更惹味，個醬有花生粒，亦帶果仁香，不像一般餐廳的偏甜，咸味剛好。雞肉有彈性，比牛肉更有咬感。迷你小食雙拼 $82，原本想選香葉包雞，但無哂，所以揀魚餅，而蝦餅係我常點的小食。小食即點即炸，真係好熱辣辣，蝦餅炸得香脆，個炸皮好正，蝦膠極爽彈，有蝦肉粒，啖啖肉之餘，有蝦味突出，食完唔膩。魚餅令我驚喜，估唔到冇我食香葉包雞，但魚餅都唔錯，魚肉真材實料，也微彈好咬，仲加左豆角粒增加口感，味道很泰式，因為好重香料味，食出明顯的香茅風味，好好食。原個椰盅海鮮焗飯 $88，唔好睇表面個層椰漿好少會唔夠味，的確加了椰漿味道更香更濃，但個飯加左椰青水煮，越咬越出椰子味，炒得粒粒分明夠爽口，配埋海鮮食一流。蝦爽滑、魷魚好彈牙、青口肥美脹卜卜，不會腥。整個飯份量頗多，保證飽肚抵食。鮮芒果糯米飯 $4

八點幾嘅晚上都唔知去邊食好同女朋友兩個人上openrice搵下旺角有咩食其實openrice係咪真係有齊晒所有嘅食肆？唔理呢樣先 去到旺角 揀咗間726大廈嘅泰屋一出𨋢就見到佢啦 得個頭嘅另一個角度先唔駛等位 仲好多位添睇下裝修幾好望落整潔影咗主食嘅兩版當然仲有其他啦 但我冇影啦飯 粉個啲都七十以上湯粉都要五十價錢唔平 泰式手撕雞湯粉 $50都算幾多雞絲嘅一碗糃粉份量適中 湯好好飲 比碗粉出色清甜嘅湯 飲落都滑粉就冇乜特別 原個椰盅海鮮焗飯 $88見佢張圖好似幾過癮所以我就點返個黎食個椰盅幾得意炒飯唔算出色 冇乜獲氣 炒得唔香上面有椰汁 甜甜地 個椰汁幾好味海鮮一般般 但可以接受菠蘿冰 $30好甜 甜度好高 高到飲唔到菠蘿味咁滯但佢有差微菠蘿味嘅係太甜囉總括黎講價錢偏貴嘅食物質素可接受 唔算特出 人客量都唔多

1. 泰式珍寶拼盆(蝦餅/魚餅/素春卷/雞中翼)（細$128/大$208）當中炸蝦餅特別出色，爽口彈牙，🦐蝦味又濃，炸粉夠晒薄，魚餅就冇炸得咁香脆，肉質結實D，素春卷入面有粉絲木耳，配甜酸醬就最啱🤤雞中翼都唔錯彤樂評分：8.5/102. 原個椰盅海鮮焗飯（$82）🥥未食都聞到好濃椰香味，味道香甜，加上飯入面夾集左椰子肉🥥，啖啖飯都有椰香味好滿足😍海鮮唔算特別多，但夠鮮甜，有魷魚、蝦、青口各兩隻😁彤樂評分：8.5/103. 醃肉碎生菜包(豬)（$82)🌮🌶提提大家，依款食物接近二至三小辣架🌶加上辣味，醃肉碎勁惹味，放係爽脆生菜一齊食就啱晒🤤彤樂評分：9/104. 泰式沙嗲(豬/牛/雞)任選兩款半打（$82）所有肉都燒得好香，肉質唔算好滑，但絕對唔韌，一定要點有花生味嘅沙嗲醬🥜，咁先食到個精髓😂😂😂彤樂評分：8/105. 海南雞(半隻)（$128）個樣係唔差，但真心唔夠溝，仲有D韌，好失望彤樂評分：4/106. 泰式香芒軟殻蟹（$138）香脆軟殻蟹沾上濃濃芒果味，食落又幾清新😍，不過唔知點解D配料有D辣味😅彤樂評分：8/107. 馬拉盞炒通菜（$72）通菜炒得好爽脆，加上馬拉盞提味，點都唔

這天突然想食泰國菜, 朋友選了泰屋, 一進去已感到環境乾淨舒適, 令人心曠神怡, 好像特別開胃。食物整體都好吃, 配合舒服環境, 價錢合適! 我和朋友們點了四樣食物, 先是青木瓜沙律, 一條條木瓜絲加上蘿蔔絲, 切半蕃茄仔及花生粒, 配上甜甜酸酸的汁均勻攪拌, 惹味也很開胃。接著是馬拉盞炒翡翠苗, 菜很鮮甜, 有蒜碎, 辣椒粒, 紅椒及蝦米仔! 朋友嫌它炒得不夠香, 但我個人不喜歡太鹹的菜, 以我的口味, 我覺得它炒得剛好, 加上它不算乾身,有點湯汁, 入口鮮甜又不會太辣, 不錯! 主食點了兩款, 先是椰盅焗海鮮飯, 很香椰子味, 椰醬味濃, 完全提昇了食慾, 而且當中的海鮮很軟, 配起上來很滑但不糊口, 而且有椰肉粒, 提子乾和雜菜粒, 充滿豐富咬感。最後是農夫包咖哩焗海鮮, 特別喜歡其炸蝦和炸魷魚, 很香而可口。包軟熟, 配著咖哩很易入口。如果再多點咖喱香, 其味道會更搶更香濃惹味。坐得舒服, 吃得開心, 服務貼心, 值得一試!

沒想過這裏星期一晚也那麼多人, 未夠七點半外面已經開始排隊。我認為這裏的泰國菜整體水準也不錯 而且價錢合理, 抵吃。我們點了一碟清炒西蘭花、一個原個椰盅海鮮焗飯來分享。前菜方面，我們點了一客泰式生蝦刺身。這裏送菜的速度很快, 只需約十分鐘，所有食物就差不多送到上來。清炒西蘭花得很惹味, 吃下去有蒜蓉香, 它也炒得夠淋。它的醬汁也很多，很juicy。 我試過在其他餐廳吃過一些非常難咬的西蘭花。原個椰盅海鮮焗飯的賣相很吸引, 看落去很大份，上面有青口和蝦。不過, 飯裏面的配料不多。我們本來以為裏面會充滿著海鮮，但是椰汁飯很多，配料卻很少，裏面亦有提子乾。

我成日都去九龍城食泰菜，質數不洗講一定高。但近日天氣凍凍地真心不想長途跋涉四圍覓食。見到樓下開了間泰屋不防試試它們水準。裝修高雅有泰國風情，感覺舒服，同朋友食飯不錯選擇。簡約木系檯面，地方都開揚，不係擠迫。首先 order我最愛的芒果沙冰,好夠芒果味道，可惜天氣冷，要慢慢飮先可以完成。這個真是必食原個椰盅海鮮焗飯，出煙椰汁漏出來，有好多椰子粒做炒飯底。有大蝦、魷魚、青口、帶子，仲有其他蔬菜配合做炒飯底。之後再原盅去焗，要二個人先食完。醃酸辣鳳爪味道酸辣適中，又無骨，又有酸辣菜一齊食十分開胃，也是泰國菜特色。但嫌細碟少少。這個又真的不錯，啖啖蝦肉，不多粉，炸嘢最緊要新鮮炸起熱烘烘不油膩。再點上泰式辣汁再配一支啤酒就一流😋食完肉要叫個菜平衡飲食金字塔。芥蘭出奇地爽甜, 配上咸肉是我之愛，二個人食完真的滿足。二個人埋單每人百幾元是好合理及抵食，下次再幫襯.

東南亞菜方面，最鍾意喺泰菜同馬拉菜，睇番自己嘅食評，原來都有一段長日子無食泰菜，可以講喺一時癮起，同老婆揀咗晚閒日食番餐泰國嘢。泰菜館唔喺咁多心水，不過，佢話出開始創入啲雜貨，網上搵搵就點中「泰屋」。726呢幢商廈都嚟過幾次食嘢，知道每層格局大概喺點，一出電梯就喺餐廳。不過，店家巧妙架起一道屏風，予人感覺分番用餐區區域，而內裡裝修摩登簡約，無傳統泰菜館滿天神佛般俗氣。深啡嘅木餐枱，配搭青綠色梳化椅，幾有種小叢林嘅氣息，而最喜歡喺近窗天花掛滿綠葉，雖然明知喺假嘅，但令餐廳睇起嚟更好睇，如果天花都掛多少少，整體感覺仲好。依家好多餐廳都提供免費wifi，大多數都需要密碼，既然又開放俾客人用，但絕大部分都唔會擺個密碼出嚟，吓吓要問店員就嘥佢哋時間啦，「泰屋」就好喇，索性印埋問張枱墊紙度，唔使多此一問！香港嘅泰菜館一向都提供好多款菜式，由頭盤、燒烤、湯類、沙律、蔬菜、咖喱、肉類、海鮮、飯品、粉麵、甜點都一應俱全，唔使點數，目測一次都睇出足足有過百款食物。飲品方面，除有慣常見到嘅泰式特飲，如椰青、珍多冰、三色冰……之外，仲有一系列特色沙冰，以及啤酒、餐酒。咖啡榴槤沙冰 $38咖啡、榴槤兩種皆喜愛嘅

馬拉盞炒通菜唔係講笑，呢碟馬拉盞炒通菜份量超多🖒，好似一座小山丘咁，仲要已經將d菜壓得幾實。上面加左蒜同辣椒粒，辣度都足，夠惹味！迷你小食雙拼可以揀2款小食，有蝦餅、魚餅、香葉包雞同春卷選擇，k揀左蝦餅同魚餅！新鮮炸起熱辣辣咁上枱，兩款雖然切半咁上，但都幾大粒。蝦餅蝦肉好彈牙，吉列外層脆卜卜😍；魚餅裏面有香葉，食落香料味幾出。原個椰盅海鮮焗飯同樣又係份量超多既一款，椰青肉已經刮哂出黎，糯米飯粒塞滿左成個椰盅，兩個人食，每人都分到大約兩碗飯。裏面有提子乾、粟米粒、雜豆粒，仲有蝦同埋係面層既大大舊青口，椰漿飯味道幾香！鮮芒果糯米飯 $45 芒果雙色糯米飯暖暖地，淋左不少椰漿係面😋，味道幾香甜，紫米有咬口；白糯米夠煙韌，芒果肉亦幾甜，係泰國菜晚餐既完美作結！