燒味滷師 (安發大廈)

Open Now

Now Closed

今日去完九龍行街買野，正打算返入元朗之際，突然好想食吓燒味。於是專程去番之前食過嗰間，位於長沙灣嘅「燒味滷師」外賣店。其實我一直覺得佢個名改得幾唔錯架。目測今日店鋪很繁忙，所以等候期間周圍睇下，睇到店內掛了很多在風乾中待燒的靚鵝，同時有很多外賣推廣優惠，大家行過路過，或者突登經過，吾好放過，真心值得一試。至於悶蛋嘅我真係好專一，所以今日决定encore 番我嘅至愛三寳，就係必食嘅皇牌燒鵝、义燒，同埋手撕雞。返到屋企立即開餐，果然高質燒味，肉質香嫰，鵝味十足，連平畤吾好食肉嘅貓咪都忍唔住，埋來想偷吃。

食得住家飯多有時都會想加餸食下燒味～朋友介紹燒味滷師乾淨企理質素有保證，開咗唔夠一年已經越開越多分店，今日嚟開長沙灣就幫襯下試試佢。燒味滷水種類五花八門，經過嘅伯伯都話啲掛爐燒鵝幾正。做緊新張優惠益街坊，燒味飯都只係22蚊盒，而家真係唔知喺邊度搵。跟下伯伯眼光嗌咗半隻至尊燒鵝，滷水汁另外袋上好貼心，可以返屋企先淋上，保持番燒鵝嘅脆皮。半隻燒鵝份量都唔可以睇少，燒鵝幾厚肉唔會太乾，鍾意食皮食肉嘅都可以滿足到。要咗50蚊燒味佬叉燒，叉燒肥瘦均勻，我自己偏好燒到帶啲燶邊嘅叉燒，搽麥芽糖燒過特別香，撈飯一流。天氣熱辣辣食手撕雞就啱晒，依度分別有原味、麻辣、胡麻海蜇手撕雞，今次就揀咗原味－手撕雞雞皮脆口，雞肉亦幾嫩唔怕嚡，屋企人話食到有少少沙薑味，唔會太濃味，如果麻油香重啲更正～

聽聞長沙灣有間人氣燒味店，假日經過，就買個外賣返屋企慢慢食。由地鐵站慢慢行， 5分鐘就到，好方便。黃昏六點的時候， 已經有長長的人龍，人氣十足，櫥窗亦掛滿新鮮的燒鵝叉燒燒味，很光猛，令人胃口大增。等候的時間也很快，三位店員很合拍，落單收錢，兩位負責打包外賣。燒鵝半隻$180買了半隻，皮脆肉嫩，確實燒得很香酥。叉燒$50叉燒肥瘦均勻，不會很鹹，味道適中。原味手撕雞$60手撕雞份量很多，下次要試試麻辣手撕雞。燒鵝確實令人回味，價錢合理。下次再買。