Video
Read full review
2021-06-30
121 views
食得住家飯多有時都會想加餸食下燒味～朋友介紹燒味滷師乾淨企理質素有保證，開咗唔夠一年已經越開越多分店，今日嚟開長沙灣就幫襯下試試佢。燒味滷水種類五花八門，經過嘅伯伯都話啲掛爐燒鵝幾正。做緊新張優惠益街坊，燒味飯都只係22蚊盒，而家真係唔知喺邊度搵。跟下伯伯眼光嗌咗半隻至尊燒鵝，滷水汁另外袋上好貼心，可以返屋企先淋上，保持番燒鵝嘅脆皮。半隻燒鵝份量都唔可以睇少，燒鵝幾厚肉唔會太乾，鍾意食皮食肉嘅都可以滿足到。要咗50蚊燒味佬叉燒，叉燒肥瘦均勻，我自己偏好燒到帶啲燶邊嘅叉燒，搽麥芽糖燒過特別香，撈飯一流。天氣熱辣辣食手撕雞就啱晒，依度分別有原味、麻辣、胡麻海蜇手撕雞，今次就揀咗原味－手撕雞雞皮脆口，雞肉亦幾嫩唔怕嚡，屋企人話食到有少少沙薑味，唔會太濃味，如果麻油香重啲更正～
朋友介紹燒味滷師乾淨企理質素有保證，開咗唔夠一年已經越開越多分店，今日嚟開長沙灣就幫襯下試試佢。
燒味滷水種類五花八門，經過嘅伯伯都話啲掛爐燒鵝幾正。做緊新張優惠益街坊，燒味飯都只係22蚊盒，而家真係唔知喺邊度搵。
跟下伯伯眼光嗌咗半隻至尊燒鵝，滷水汁另外袋上好貼心，可以返屋企先淋上，保持番燒鵝嘅脆皮。半隻燒鵝份量都唔可以睇少，燒鵝幾厚肉唔會太乾，鍾意食皮食肉嘅都可以滿足到。
要咗50蚊燒味佬叉燒，叉燒肥瘦均勻，我自己偏好燒到帶啲燶邊嘅叉燒，搽麥芽糖燒過特別香，撈飯一流。
天氣熱辣辣食手撕雞就啱晒，依度分別有原味、麻辣、胡麻海蜇手撕雞，今次就揀咗原味－手撕雞雞皮脆口，雞肉亦幾嫩唔怕嚡，屋企人話食到有少少沙薑味，唔會太濃味，如果麻油香重啲更正～
Post
