Read full review
2022-10-16
2006 views
上次嚟巴依食飯已經係2018年,5年後終於再有機會親臨光顧。今日同朋友大約晏晝一點半到餐廳,等咗大約5-10分鐘就有枱,不過要搭枱。成間餐廳坐滿人,枱與枱之間都幾迫,但環境都算整潔。好明顯係太旺場,伙記唔夠,都真係要舉一陣手先有人理。見評論話服務唔好,但今日侍應阿姨態度都算客氣,起碼我唔覺得有問題。我哋兩個女仔叫咗一個細嘅新疆手抓飯 ($60),一份烤羊肉串,同兩杯原味酸奶。上菜等得唔算耐,第一道先上手抓飯。個飯有淺淺嘅羊油味,雖然油,但有紅蘿蔔伴住食,唔會覺得膩。羊肉本身煮得夠淋亦唔太膻,面頭有啲孜然粉剛好,所以無蓋過本身嘅羊肉味。如果係重口味可能會嫌太淡,但我覺得唔錯。 果然期望越大,失望越大。本身羊肉味唔夠 (膻味都太少),expect佢孜然粉係已經灑上羊肉度,可惜係要自己點嘅,咁樣個羊肉亦無乜孜然味。多年前曾到烏魯木齊街邊食過當地正宗嘅烤羊肉,相比之下今日嘅真係好失色。食完飲番杯酸奶解油膩,剛好。酸奶質地夠濃夠杰身,唔錯。最驚喜嘅係臨走時,隔離搭枱嘅夫婦叫咗羊肉湯,嚟到發現太大鍋,主動請我哋每人飲咗半碗。飲咗一啖馬上後悔點解要嗌羊肉串😂 個湯好清甜,有香濃嘅羊膻味,但亦唔係會令
上菜等得唔算耐,第一道先上手抓飯。個飯有淺淺嘅羊油味,雖然油,但有紅蘿蔔伴住食,唔會覺得膩。羊肉本身煮得夠淋亦唔太膻,面頭有啲孜然粉剛好,所以無蓋過本身嘅羊肉味。如果係重口味可能會嫌太淡,但我覺得唔錯。
新疆手抓飯
$60
153 views
0 likes
0 comments
烤羊肉串
$99
126 views
0 likes
0 comments
原味酸奶
$30
134 views
1 likes
0 comments
清炖羊肉湯
$50
87 views
0 likes
0 comments
Post