幸福班戟 (Closed)

還有約一星期就到新年 🧧難得放假就出黎濕平 ，食完個lunch冇耐 男人醒起有間好出名 長期排長龍既人氣甜品話要試下問佢係乜佢話唔知黎到都冇人排 入面見到大把位 但有人黎到都要企下先帶位。 一坐低就睇下有咩好野食啦 點知話要等20分鐘 即整 咁就那那聲叫住一個先啦 加$28有杯特色d飲品 叫左凍朱古力咖啡。（男人想飲朱古力味）所要打算叫住一個餐再睇下嗌多杯飲品，服務員串串地就話每人最低消費$48（當然我仲望緊餐牌） 佢等左幾秒就走開左.. 我叫另外一位有禮貌少少既男仔加單，叫左杯雲尼拿咖啡凍朱古力咖啡 冇咖啡味 冇朱味 問侍應係咪落錯..佢話佢地既朱古力漿係淡 唔濃既，一係叫過第二樣 雲尼拿就都幾好

今日小編去左排隊送死，話說朋友仔想試好耐其實小編都心思思，不過下個月又去名古屋，唸住去名古屋食好過，不過今日得閒冇嘢做就5:40去排下，睇食評話起碼排一個鐘、朋友仔6:30銅鑼灣放工、過黎就剛剛好啦，點知、唔知電解今日條隊快到呢～唔知係人少or d食客食得快or d職員整🉐️快呢？大約35分鐘已入🉐️，基於朋友仔未到、小編唯有繼續等啦、好啦朋友仔一到我地就即刻有位啦叫左一個原味一個奶茶，等大約15分鐘原味到達、勁香蛋味又滑、真係幸福返曬黎，值得等既。反而隨後既奶茶勁失望！奶味over茶味，小編同朋友仔都極度憎奶騷味重既嘢、好難食呀！抹開曬d奶茶至入得口極度推薦原味！絕對一試難忘呀！

日本過江龍 班戟熱潮仍未減退呢間幸福班戟好誇張，我特登揀平日黎，都要排隊！真係唔知星期六日要等幾耐先食到餐牌上分左鹹班戟和甜班戟我同男友一於叫一鹹一甜試試佢店內光線充足 廚房有大片透明玻璃，讓顧客可以睇住整班戟嘅過程。望住啲班戟一個個咁樣整好，真係好治癒！因為班戟係即叫即整，可以坐低都等左成20分鐘先上菜。原味班戟，真係好厚。侍應一放低已經香氣撲鼻，濃濃既蛋味真係令人連相都唔想影就咬一啖食落好厚滑，但又冇膩既感覺果然名不虛傳，有幸福嘅感覺鹹既班戟又係另一個質感，班戟加入小麥，食落好香麥味！與奄列好夾一鹹一甜好令人滿足！但問我，我都係鍾意食甜既班戟多d!因為幸福感會更多！當然，同另一半黎食，會令幸福感再加乘

朋友剛去完日本的Happy Pancake，說很值得試，所以回來後又一起去香港這間分店。在5:45PM 開始排隊，等了45分鐘左右有位了。因為一人需要點一份Pancake 或正價飲品，我們點了兩份pancake，一份是原味一份是奶茶味。等了20分鐘左右食物就來了，朋友說賣相跟日本的差不多。但一用叉去品嚐的時候，Pancake 就黏到不得了，烤得不夠時間？尤其是奶茶的那份，最後沒有吃完就走了。很失望。整體上，地方蠻舒服，水是要自己斟，食物味道都可以，但質感水準實在不能接受。幸好此店不用加一，但都不會再光顧了。又一過江龍失敗例子。