漁樂 (Closed)

𝓒𝓱𝓮𝓾𝓷𝓰 𝓬𝓱𝓪𝓾#繼續長洲度假篇！今次入嚟主要想試埋呢間新嘢，佢主要係做新鮮即炸海鮮，聽到都流口水，而且款式每日限定，即叫即炸，門口設計十分日式，諗好食咩就同老闆娘落單，佢會問你貴姓，之後炸好就叫你過嚟拎，諗咗好耐食乜，因為每款炸物都想試吓，結果揀咗兩樣最想食🤭今次試左：1- 墨魚厚切 HKD60 份量來講算少，不過真係新鮮即炸，而且厚切，不過略嫌小鹹2-去骨鱭魚 HKD60 開頭未食過呢隻魚，佢講到無骨咁就試吓，食落都幾趣口，同埋唔會腥，啲骨已經可以炸到食埋落肚👍🏾老闆見我哋企喺度食，仲請埋我哋飲凍啤酒，非常之熱情的長洲人🔥🔥📍 漁樂 (長洲)長洲大新海傍路81B地下#foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongko

長洲一日遊系列🇭🇰又來到長洲，試一試之前未食過的小店～1̲ 去骨鱭魚 $60對魚類其實沒太多認知😵‍💫鱭魚原來細細條，去了骨，整條也炸得好香脆，點了些沙律醬食，好邪惡😝不過略嫌單吃偏鹹了一點，相信是適合下酒的小吃呢🤣2̲ 鮮味魚仔湯 $35家中煲湯的家常味，一嚐便會知道沒有味精的感覺！不會口渴🤤雖然是家常靚湯感覺，但亦不會淡而無味，魚味好濃🐟伴著炸物吃能中和口中的油膩感呢👍🏼🅟🅞🅘🅝🅣 店鋪內部是走環保的路線♻️桌面是用支裝汽水的膠盤疊成的，亦有些紙皮箱給客人放置物品呢～

去到長洲，當然是試下d 地道野😠💪🏻！繼🥟餃子冰室，漁樂我都會推介大家去試。講下哩杯🐟🥤鮮味魚仔湯，份量唔算多，係茶記沖華田嘅份量。杯野裡面有蔥花同紫菜，聞落去係有行過長洲街市嘅鮮魚味道，飲落鹹鹹地同成口都係魚味，之後仲有蔥花青澀後勁。飲到咁上下，可能真係鹽分重，而產生咗種似飲完🍜cup noodle 湯底咗嘅頸渴感覺。😃☝🏻不過我又唔會唔推介大家，因為我都覺得係特別野黎，但因為海洋感十足，如果係怕魚腥味嘅朋友可能要比少少勇氣去克服第一啖喇。我哋都叫咗客🐟🦴去骨鱭魚試試。炸左嘅鱭魚外脆內軟滑😍！食落仲有檸檬清新味！不過我就唔太習慣連埋個頭食喇！😅

趁放假入長洲慢活下，好好感受小島嘅人情味🥰長洲有好多特色小店，嘢食嘅種類又多，好啱放假入嚟掃街😋周圍行嘅時候見到呢間用幾個汽水箱疊埋做枱櫈，佈置幾特別，而👦🏻又食厭咗海鮮餐廳嘅海鮮，就決定入去試吓，呢間主打本地即炸海鮮小食🤤本灣海赤米蝦($60)老闆娘推介呢個，話每年得兩造，的確無介紹錯！細細隻嘅蝦🦐炸到好爽脆，鮮味加上有陣咸香，好惹味，送酒一流😍餐廳仲有賣手工啤，不過今次無試到😉去骨鱭魚($60)另外叫咗份炸魚，份量幾多，有六七條🐟，炸粉好薄，魚肉幾鮮甜嫩滑，唔會炸到太乾，美中不足嘅係雖然已經去骨，都仲有唔少骨🙈食嘅時候要小心啲環境﹕7.5/10抵食﹕8/10味道﹕8/10

最後一日long weekend, 誤打唔撞入左來長洲，大癬話話1x年未黎過。對長洲美食既印象仲停留係大粒魚旦、芒果糯米糍同木槺布甸。上網search到呢間食炸魚出名，趁佢閂門前試下先！ 同朋水叫左去骨鱭魚、炸赤米蝦同魚湯一杯。佢地係環保小店，所以唔會提供膠差、膠匙羹、膠飲管、簡簡單單用竹籤👌🏻👌🏻另外唔知係咪呢知原因，亦都冇冷氣的。食物方面，基本上三樣都好食，炸赤米好有驚喜！ 以為唔新鮮先會拎去炸？赤米蝦仍然食到鮮甜，有d個頭仲有羔，食落超香口！第一次食炸既赤米，原來都咁好食！店主好細心仲配上幾甜脆青提，同炸野又幾夾！加埋檸檬同沙律醬實冇得輸啦！去骨鱭魚唔腥，肉都幾滑。至於個魚湯，知道佢標榜冇落味精既，不過都幾濃味幾咸下，胡椒味好重，我ok既但下次就未必再試。臨走前老闆仲送左一小杯冰凍啤酒，真開心。$60/份唔算好平，但對得起個價錢既。下次會再來食。

星期六入長洲行去，係咁食食食🙈去到旁晚5點幾又口痕，想搵啲野食下，天氣熱到未想食正餐，睇到有間新鮮炸海鮮既鋪頭：漁樂一開始叫左去骨鱭魚、厚切墨魚、冷泡冬瓜玄米茶。炸海鮮真心新鮮喎，加杯涼浸浸又足料既冷泡冬瓜玄米茶真心解暑喎😏食到差唔多，老闆見就收工出黎請我地飲啤酒，嘩，真心正，啤酒勁夠凍👍🏼 之前再追加左個炸本灣海赤米蝦，送酒真心爽皮😆老闆Ronald哥隨後出黎同我地吹水，真心好人，野食正不得止，重點係同聲同氣呀，明既就明啦😏 大推，入長洲必試👍🏼

每次去長洲都要食嘅炸海鮮，佢嘅海產好多都係本地新鮮漁獲，夠地道，夠鮮味。-今次叫咗墨魚厚切、去骨鱭魚、冰鎮鮑魚切片，另外嗌咗杯冷泡烏龍同玄米茶。墨魚🦑真係好厚身，炸粉極薄，魚肉彈牙唔會韌，個炸魚最有驚喜最得我歡心，成條連骨食，頭尾好酥脆，中間啖啖肉，好鮮，彷彿聽到海浪🌊聲嘅甘甜滋味，不枉此行❣️鮑魚切片都好軟身，好似5秒前先喺海撈上嚟，少少凍，啱晒熱辣辣嘅午後。最後要讚係佢嘅特製沙律醬，有檸檬🍋皮碎，好FRESH好有層次，真係將食物嘅鮮香帶上新高度，食埋配菜嘅脆卜卜提子🍇，圓滿結束是日行程☺️

長洲黃店都真係不少💛今次決定去呢間人氣小店店主真係好好客 前一晚經過想幫襯點知已經收左爐 但店主都即刻拎左個墨魚比我哋試吓 又黃又好一定幫襯第二日一於中午就去佢哋落完單會叫你名取食物 感覺好親切🥰今次叫左墨魚厚切，去骨鱭魚，日本炸蠔，赤米蝦，魚仔湯同冬瓜麥茶本身店內氣氛同環境已經好有態度坐得好舒服 好岩飲兩杯輕鬆下😌墨魚厚切 墨魚爽口彈牙去骨鱭魚 味道好鮮 但要小心食 始終有dd骨赤米蝦 要睇運氣有冇得食 呢個好好食 連殼食香口 味道回甘😋日本炸蠔 有5隻 比出面餐廳大 不過會覺得比其他菜式無咁吸引🤣魚仔湯 鮮味十足 好好味👍🏻冬瓜麥茶 微甜 非常特別😚店主非常之好客令整個用餐經歷加分💛以後入長洲一定要黎💛

用料新鮮，即叫即炸，冇乜炸粉，食落口就會食到海鮮嘅鮮味而且店入面嘅人都好nice，用心介紹每樣食物。飲品飲咗冬瓜麥茶，吾似平時啲台灣飲料店，係真「微甜」，好香麥茶味。值得黎試下！

有質素，又有人情味，環境簡單的小店。👍🏻👍🏻👍🏻我幫襯過漁樂已有兩次，真係好好食的。我最鍾意去骨鱭魚，因唔使落任何調味料，檸檬汁都唔使落，都食到新鮮嘅味道，因新鮮嘅野落調味料就浪費左食物本身嘅味道，連我唔鍾意食魚嘅朋友都話好食；魚仔濃湯魚湯嘅鮮味再加紫菜及少許蔥花，提升魚嘅鮮味，這個湯男女老幼都啱飲，天氣凍的話飲佢更加正；冷泡麥茶係老闆自家製，冰凍嘅麥茶，入口完全有好香嘅麥味，如果鍾意麥茶嘅朋友值得飲。這漁樂還有啤酒，尤其是西班牙啤酒，好味又抵飲，用來送炸魚絕配。😋😋😋漁樂老闆又好好人，又有人情味，會介紹自己嘅餐牌裡嘅食物，會主動與顧客交談。我咁耐以來都未見過咁有人情味嘅老闆，這已經是令我會繼續回頭幫襯嘅小店。😊😊😊環境簡單，兩個汽水箱加木板已經是一張枱，感覺好似去了日本旅行。🤣🤣🤣

新鮮椰菜在底，用心放置剛炸乾身的美味鱭魚🐟🐟🐟🐟🐟🐟， 再配以青提子，甜酸瓜，lemon, 沙律醬，最後再在魚上加柠檬皮，心思～ 盛意～味道也超讚！👍🏻👍🏻