橫綱

Open Now

Now Closed

同長輩傾偈傾到香港邊間拉麵比得上日本食嘅始終喺香港好似食唔到日本風味嘅拉麵之後就介紹我食呢間日本人開嘅橫綱拉麵過幾日我就去咗食星期六大約2點去到都幾多人等咗20分鐘到就入得去啲拉麵都幾多選擇 但第一次食就想試吓喺日本普遍見到嘅醬油拉麵再加咗$18溏心蛋都要等一段時間先嚟到 唔緊要啦 好彩唔係太餓第一時間試吓啖湯 超級好飲而且啲拉麵真係好似喺日本食嘅一樣 好彈牙叉燒唔肥唔瘦 入口即溶好夠味叉燒係menu上邊有5塊 但係嚟到得2塊店員太忙冇問到唔緊要啦但係有少少錯重點嘅係我更推薦溏心蛋$18係偏貴 但係超級超級超級超級好食但係一定要加下次都會再去試吓其他味嘅拉麵🍜$70-80食到咁好食嘅拉麵真係好抵香港其他過江龍都要過100先食到 仲要未必好食

🌟叉燒拉麵 🍜 $85 (8.5/10)叉燒份量好多 有成7-8塊 一個女仔食有啲吃力😂😂 叉燒煮得好淋 入口即溶呀 有4種湯底可以揀: 醬油 豆醬 辣味 清湯 今次試咗醬油 湯底好濃郁 又唔會太鹹魚豚骨拉麵 🍜 $85 (8/10) 魚味湯底幾濃郁 塊肥肉好淋 完全入口即溶 但自己食哂一塊就太膩啦煎餃子 🥟 $38 (7/10)一客有6隻煎餃 不過煎得唔夠香口 如果個邊可以脆啲同個餡多啲就更好啦OVERALL: 推薦😆 (8/10)據聞係油麻地拉麵名物 所以平日lunch time好爆 不過weekend 1230去排左10分鐘就有位啦🌟為推薦

油尖旺區嘅朋友今次有口福啦😋如果你住喺油麻地嘅話一定知道呢間舖頭( ´▽｀) 我好細個嘅時候佢已經喺度㗎啦！應該都有20幾年啦至少長期搭巴士經過或者行過都會見到好多人排隊 我哋個一日係夜晚去食 男朋友靈機一觸突然間想食呢間 就去咗排隊 點知夜晚都咁多人差唔多等咗一個鐘先入到去啊ಥ_ಥ快餓死了。。。。。。 - - - - - - - - - - - - - - - - - - - - - - - -入門口之前 記得要去攞飛先 可能行一陣街再返嚟 或者可以喺門口等吓 差唔多到你嘅時候舖頭嘅員工會出嚟幫你落單先 我哋兩個人就叫咗兩碗叉燒拉麵🍜-叉燒拉麵 🍜 $76 可以選擇醬油，豆腐，辣味，清湯湯底我哋就揀咗醬油湯底😋鍾意重口味haha仲叫咗幾隻餃子同埋加咗隻溫泉蛋 價錢都唔算太貴終於嚟到啦登登登登!!!!!!^ω^ 係5塊叉燒啊 你冇睇錯🥺估唔到呢一個價錢可以食到5塊咁大嘅叉燒 咬落去軟林林 又唔會太咸 飲一啖湯 正呀😋啲肉又唔會太肥重點係大大塊呀呀呀😋 平時呢一個價錢通常都只會得大概兩塊叉燒 如果想食多啲叉燒就要再加錢😔😔但係有啲唔抵囉拉麵勁既硬度都適中 係幼身嘅拉麵 都好有咬口 唔會話

第二次嚟幫襯，從未坐過水吧位，咁啱上一檯客剛剛離開，我哋兩個人就可以試吓坐。縱然拉麵店一貫座位狹窄，然而店家貼心地將座位設計成凳底可以擺放隨身物品，一讚。大堆調味料任君自行調味。細飯先上，嗱幾時都係咁話，唔好貪口爽响主打食麵嘅地方點飯食，認真麻麻哋。日式咖哩嘅所謂「甘口」甜味，個人唔係太識欣賞，而只有兩小塊牛肉嚟講，個人覺得小器咗啲。之不過咁，呢個飯絕對係唔難食嘅。所謂嘅「味玉」就即係有調味嘅糖心蛋，蛋嘅熟度恰到好處，除咗勁正嘅日本蛋味之外，佢仲有一啲酒味咁嘅獨特調味，好食！雖然呢個麵冇叉燒，但係佢有一啲疑似係叉燒切片時剩低嘅邊角料，咬落焦香爽口，拍得住叉燒，仲冇咁多肥肉添！個人其實唔建議食醬油味嘅湯底，點解呢？因為佢個湯底好似冇熬過咁，好似只係用醬油溝出嚟咁樣，但係飲落又幾清甜，冇豬骨湯咁滯。麵絕對係爽口靠得住，而且配菜都係清新好味嘅。叉燒更加唔駛講啦！足料油潤香口好味！

拉麵控又黎喇😂 橫綱拉麵長期都係排曬長龍 今次等左一個幾鐘先入到去😩 叉燒拉麵既醬油湯頭咸淡適中 拉麵煙韌爽口 可以自選軟硬度、粗幼度🍜 叉燒份量亦都好足料 有至少四、五片🍖😍 我仲加左味蛋 食拉麵冇溏心蛋會好失色～🍳 半熟蛋黃既蛋香滿足味覺享受 😋💓 拉麵係好食 但服務態度認真麻麻 雖然我都明白人多會手忙腳亂 但佢地真係零笑容 語氣亦都頗差 有個店員甚至十問九唔應。。。😑

久仰「橫綱」既大名，今日心血來潮諗住黎一黎朝聖，點知係惡夢既開始！等了又等了又等，7點鐘攞飛差唔多等到九點先有位坐，由本來「唔係太肚餓」一路等到「餓到暈低」都未有得食！未入去既時候聽到好多人話「係咪真係咁好食呀？兩個鐘一蘭都等到喇！」etc之類既說話，睇黎大家都好擔心值唔值得！入到去侍應首先極速放低杯冰凍既麥茶。非常解渴又涼快不特止，透心涼既感覺更加令我等到好忟、就黎快爆炸既感覺即時平復了唔少！由於被安排坐喺廚房出面，所以可以一眼睇晒師傅既工作，一目了然。不過，亦都因為咁睇到佢地好烏糟既一面！唔單止將D洗完既碗裏面既水就咁倒落地就算，佢地重要將調味料連膠樽就咁放入淥麵既水到reheat，咁D客咪食埋果膠樽D膠囉？？煎餃子($29)︰煎得尚算OK，火路剛剛好，唔會有唔夠喉或者煎到over咗燶晒既感覺。不過，非常平凡，無乜野特別，叫唔叫都無乜所謂。叉燒拉麵($63)︰由於叫左辣味既關係，一上枱首先試左個湯先。非常有辣味之餘，又唔會求其俾少少辣粉就算，絕對值得抵讚。另外，師傅專登放辣味既調味料落去D麵度，再用陰力整一整、搞一搞先至放落個碗度，落足心機。叉燒方面，五大塊半肥瘦既肉口感非常好，加

記得每次搭車經過, 不分晝夜, 都會見到一大堆人在店外等候~ 心想........ 呢間野, 究竟有咩咁好味呀? 點解成日都咁多人排隊架??當晚6點左右到達, 比預期人少了~男友攞左籌, No. 35....... 而家先叫到No. 14 咁我咪有排等~~ 因為第一次黎, 唔清楚人流速度, 所以都唔敢行開~ 呆等一會, 聽到店員叫No. 16, 陳小姐, 5位店員問: "人齊未?" "陳小姐"向店員示意店員叫"陳小姐"在店外多等一陣眼見, "陳小姐"及朋友們多等15分鐘, 才被安排入座~~ 等了又等, 終於叫到No. 35..... 我地原先被安排坐某角落的單邊位置因為, 有枱4位客, 於是, 店員亦禮貌地問我地可唔可以調位最後, 我地坐位於收銀機後面, 其實就係面壁食麵, haha~~ 入座前, 已經睇完menu, 可以即時落order我點了櫻花蝦拉麵, 免得浪費, 要求"少麵"男友點了叉燒拉麵(豆醬湯底), 另加日式餃子再等一陣, 熱騰騰既拉麵送上了未食, 已經聞到好濃郁既蝦味最欣賞既就係湯入面粒"味玉", 非常入味~而d櫻花蝦又真係好好味~ 男友既叉燒拉麵都不俗, 我只係呷

男友之前話想食呢間,就叫我提早起身陪佢食,咁為咗氹佢開心就照做啦,不過我早極都要1點幾先出到門口,咁就照出發了,到左門口,好多人等緊位,我就入口羅飛仔,係20號(但係叫緊90幾................)就去行下街打發時間啦,書局當日光響門口看都滿咗8成人,再行過一條街後又無野行,最後都係番門口用ipad睇戲(不過太嘈聽唔到聲)睇咗廿幾分鐘終於就到我地了,不過都起碼過左10分鐘先真的到我地,內裡真係好少位,數完都係得22個位,難怪要響出面等咁耐,我地一早講掂數,要味玉拉麵和叉燒拉麵醬油湯底再追加叉燒小食,大約等咗10min就有得食因為豬骨湯底的關係,所以我食味玉拉麵,把蛋都給男友吃(繼續選擇性戒口),再用叉燒做餸,嚐第一口湯底,雖然是第一次來吃,但有一種好熟悉的感覺,點解?因為個味好似食緊出前一丁的黑蒜油豬骨湯味(雖然都係食咗一次),加上碗麵好似真係有黑蒜油響度,真係有9成似,拉麵是捲曲幼身的那種,我另外叫咗要淋d,食落都唔錯,菠菜和芽菜都好吃,叉燒粒和原片叉燒的口感不一樣,粒狀幾有咬口,像吃燒肉而叉燒小食,和浸湯的有點不同,這是用火槍燒過的,有點微焦,再配醬油一起蘸著吃(還有芥

我地七點幾去到，佢又冇得BOOK位，等左45分鐘但係佢地都好好，有攞D冷水出黎比我地飲。因為我有朋友話佢食拉麵淨係食橫綱，所以去食下。我地食左中辛的叉燒拉麵，和九州拉麵，同煎餃子。好好食呀真係。價錢同味千差不多， 但就好食過味千N倍！抵食又好食，我會再去的！

今天放工後跟妹妹到橫綱去吃午飯~~去到差不多4點多，可能是時間關係~去到的時候不用等位便可入坐~~但是內裡能容納的客人真是十分有限,難怪這裡的食評大部份都說要輪候一段時間.而且內裏的環境有點狹窄~對坐的話真的會碰到頭~哈哈~~~叉燒拉麵：可能因為妹妹是客家人,平常吃很鹹~所以覺得這裡的湯底味道並不是太濃.不過相比大型連鎖集團味Ｘ拉麵那個吃後會令人十分口涸的味精湯,這裡的湯底算是略勝一籌.另外麵條方面也值得一讚,份量足！彈牙！但是叉燒卻略為普通.味玉拉麵：因為是這裡的招牌麵所以決定一試，一上枱見到碗中的溏心蛋便恨不得立即咬下去~超好食呀~加上拉麵爽口彈牙，麵中的肉粒也很美味只是有少少咸~牛肉小食：味道有點像吉野家的牛肉,肉汁香濃並帶少甜.另外配料竹筍也十分爽口

星期日黃昏,去了油麻地橫綱吃拉麵,店舖很小約有三十個座位,每次經過都見不少人在店外等位, 今次亦不例外,等了45分鐘才能入座,我點了牛肉拉麵配辣湯底,麵很彈牙.煎餃子一碟有六隻, 外皮煎得香脆, 內面充滿肉汁, 味道不錯家人分別點了九州拉麵與叉燒拉麵, 兩者的材料很相似.九州拉麵是用豬骨湯底, 入口不肥膩, 喝後都不覺口渴.這兒的拉麵每碗$3X-4X, 不用加一.以這水準是抵食, 不過等位時間就超出我平日可等待的範圍了.

喺香港想食真正嘅日本拉麵選擇唔多，位於油麻地嘅橫綱拉麵算係唔錯嘅拉麵店之一~~~今日未夠六點去開油麻地，沿路經過橫綱見到無人排隊於是我哋兩個人就入去食個“早”晚餐。一入去服務員好有禮貌，由於食客唔多，我哋兩個人可坐喺張四人卡位度。餐牌食物品種唔少，選擇都算多，我哋叫咗兩碗拉麵加多一個小食，落柯打後食物大約十分鐘內就到齊晒，都算幾有效率~~~九州屋台風拉麵(豬骨湯底) ($40) - 豬骨湯底好有豬骨味，拉麵軟硬適中，份量足，好食~~~叉燒拉麵 ($42) - 叉燒數量比預期中多，拉麵份量亦足，湯底濃度亦恰當，OK~~~雞串小食($21) - 雞串唔熱，唔知係咪一早整定，但都好有口感，配合其醬料，都可以接受~~~由於未夠六點，唔洗加一兼有八折，今餐兩個人食，共$82.4，算好抵食~~~以香港嘅拉麵店嚟講，橫綱真係唔錯、服務員禮貌同態度良好，比起其它靠名人宣傳、靠廣告嘅拉麵店，橫綱真係值得支持！

好yeah*終於有機會泥橫綱試下正宗拉麵!等左20分鐘度有位...大熱天時其實都幾辛苦...我地坐bar 臺個位其實唔係好岩因為張臺太矮食得好辛苦加上坐得太近門口時不時有d熱風..搞到食到出晒汗!!叫左叉燒拉麵同咖哩牛肉拉麵再加左味蛋$7咖哩果個個湯好香好香叉燒果個湯就清d有d蔥味我覺得佢個碗好靚*v*好足料一路睇住師傅整好得意不過我覺得d肉好實/___\叉燒同牛肉都係不過d麵就好爽口!男朋友都話好正=]美中不足既係...佢冇麵既餐...所以我地冇野飲lu~真係好耐冇食過咁好味道既日本拉麵!!3點~6點仲有8折真係好抵食!!!排下隊都抵的=]

叉燒拉麵: 配醬油湯底, 麵質ok, 叉燒偏瘦不肥且份量多, 味道不錯和風冷麵: 五至十月才供應, 麵溫屬正常, 配上即叫即製的麻醬汁, 賣相味道也不錯店內環境不大, 座位間隔頗近, 幸好早入座所以不用等位服務整體ok, 但男的比女的好笑容呢原來有時段優惠, 可享八折喔, 抵食吧

上星期2同姐姐等緊上堂時, 同她男友一齊去到橫綱 Yokozuna到食拉麵, 之前已經食過一次, 不過上一次我吃的咖哩湯底(烏冬定拉麵?)實在是太濃郁了...吃到一半已經吃不下..所以感覺不太好.....而今次我叫味玉拉麵...我叫的 : 味玉拉麵 ($44)配料有...一隻蛋, 芽菜, 肉粒, 波菜(的物體...不肯定), 麵的份量很多, 吃了2/3已經吃不下...但味道很好, 湯...有點快涼....姐姐叫的 : 冷麵 ($48)好食, 有麻醬同酸汁(?)選擇, 服務員take order時2隻醬都比我地~真好! 味道不錯, 麵夠凍~姐男友叫的 : 叉燒拉麵 ($40)叉燒厚薄適中, 正常坐的是bar台位置, 看到師傅的手藝, 吃得特別開心, 會再去食, 不過要過一段時間, 因為我覺得始終是比較濃郁的湯拉麵, 吃太多會厭惡的...p.s.最唔開心就係等位...不過今次早去, 唔洗十分鐘就入到去...上次..等左一個鐘...等到我唔想食....., 如果下次都要等咁耐....我會再下次先黎過~(價錢不知道有沒有記錯呢..)