Video
Read full review
2013-08-04
211 views
久仰「橫綱」既大名，今日心血來潮諗住黎一黎朝聖，點知係惡夢既開始！等了又等了又等，7點鐘攞飛差唔多等到九點先有位坐，由本來「唔係太肚餓」一路等到「餓到暈低」都未有得食！未入去既時候聽到好多人話「係咪真係咁好食呀？兩個鐘一蘭都等到喇！」etc之類既說話，睇黎大家都好擔心值唔值得！入到去侍應首先極速放低杯冰凍既麥茶。非常解渴又涼快不特止，透心涼既感覺更加令我等到好忟、就黎快爆炸既感覺即時平復了唔少！由於被安排坐喺廚房出面，所以可以一眼睇晒師傅既工作，一目了然。不過，亦都因為咁睇到佢地好烏糟既一面！唔單止將D洗完既碗裏面既水就咁倒落地就算，佢地重要將調味料連膠樽就咁放入淥麵既水到reheat，咁D客咪食埋果膠樽D膠囉？？煎餃子($29)︰煎得尚算OK，火路剛剛好，唔會有唔夠喉或者煎到over咗燶晒既感覺。不過，非常平凡，無乜野特別，叫唔叫都無乜所謂。叉燒拉麵($63)︰由於叫左辣味既關係，一上枱首先試左個湯先。非常有辣味之餘，又唔會求其俾少少辣粉就算，絕對值得抵讚。另外，師傅專登放辣味既調味料落去D麵度，再用陰力整一整、搞一搞先至放落個碗度，落足心機。叉燒方面，五大塊半肥瘦既肉口感非常好，加
入到去侍應首先極速放低杯冰凍既麥茶。非常解渴又涼快不特止，透心涼既感覺更加令我等到好忟、就黎快爆炸既感覺即時平復了唔少！
由於被安排坐喺廚房出面，所以可以一眼睇晒師傅既工作，一目了然。不過，亦都因為咁睇到佢地好烏糟既一面！唔單止將D洗完既碗裏面既水就咁倒落地就算，佢地重要將調味料連膠樽就咁放入淥麵既水到reheat，咁D客咪食埋果膠樽D膠囉？？
煎餃子($29)︰煎得尚算OK，火路剛剛好，唔會有唔夠喉或者煎到over咗燶晒既感覺。不過，非常平凡，無乜野特別，叫唔叫都無乜所謂。
叉燒拉麵($63)︰由於叫左辣味既關係，一上枱首先試左個湯先。非常有辣味之餘，又唔會求其俾少少辣粉就算，絕對值得抵讚。另外，師傅專登放辣味既調味料落去D麵度，再用陰力整一整、搞一搞先至放落個碗度，落足心機。叉燒方面，五大塊半肥瘦既肉口感非常好，加埋蔬菜同埋粟米令到整體既感覺好好。麵身方面，非常煙韌爽口，不過要批評既係一陣陣淡淡既鹼水味，好似雲吞麵果種奇怪既味道令到整體既口感差左好多，呢到扣左唔少分。
九州拉麵($63)︰由於用左豬骨湯底，整體口感俾上面叉燒拉麵略為清淡，不過咁樣反而更加突出食材既味道。Overall既感覺同上面既麵大同少異，只係多左少少昆布既配料，而叉燒就用左3大塊半肥瘦肉。不過，由於湯底相對清淡，反而更加令到鹼水味既奇怪感覺帶左出黎，呢到要扣佢唔少分數。
Overall只可以算叫做俾average好一點，除左$60幾蚊一個麵叫做抵食夾大件之外，我唔覺得食物既品質有乜野特別值得要去等兩個鐘頭。如果唔駛等直接可以walk-in的話都會再試，但係要我等個幾鐘去食佢既話就真係咪攪！
Post
