彩龍茶樓

Open Now

Now Closed

假日就介紹遠離市區既茶樓💁🏻‍♂️🍵川龍村彩龍茶樓呢間茶樓可以話最道地既茶樓 好多人都專程坐小巴入去就為左係度飲杯茶食點心🥟 基本上呢間茶樓都係自助形式 拎茶壺、加茶葉、拎餐具、拎食物、醬汁...全部都係自己親力親為 但點解都會吸引咁多人黎呢？因為呢間餐廳既食物好多都係店家自家製作 魚滑鯪魚餅都係自己親手整 而且最出名既西洋菜都係茶樓後面自己種植 所以非常新鮮 唔會怕其他化學物質 自家西洋菜真係黎到必食既食物 健康程度💯點心方面都係自己即蒸即炸 你只要比張點心卡店家就可以拎食物😊🍽️食物介紹🥚鵪鶉蛋燒賣我諗基本上出面既酒樓都好難再食到 鍾意食鵪鶉蛋舊式點心既朋友呢個必推 嫩滑口感 食落好豐滿🥬 腐乳西洋菜必吃！農村種植菜 完全真正食到菜既原本味道🐖 叉燒腸粉 腸粉嫩滑可口 叉燒瘦得黎好食🥔 鼓汁蒸鳳爪 用左芋頭做個底好少見 鍾意損骨既朋友仔一定好鍾意🍆 煎釀茄子 鯪魚餅自己整一定要試 好好味🧆 煎蓮藕餅 食落最緊要配喼汁新鮮大自然既味道 行山或者大自然文青必然試試 少少扣分嘅話就係好多蚊蟲環境太舊 衛生有少少差 不過大自然就係食埋呢種環境同味道 愛大自然How to Go? 荃灣地鐵站👉🏻

上到嚟荃灣川龍飲茶，其實喺配菜，主菜無非都喺為行山，但出發前到吓舊式茶居，嘆吓一盅兩件，並感受吓鄉間濃情。由於，今次喺由川龍走小徑一直剷上大帽山，難度較高，所以，就只喺同個老友二人行。由於對上一次嚟已幫襯過端記，故今次就幫襯吓彩龍。彩龍，好似端記咁，你話佢懷舊又得，話佢地踎都得，總之，晌度食情懷、風味，多過環境同味道。咁都介紹吓個環境先，一入店內，喺開放式自助廚房，見到師傅即拉腸粉、灼菜，炸嘢亦喺晌度製作。而服務比食自助餐更自助，先晌裡面櫃枱開張點心記錄卡就可以拎點心，而洗壺、沖茶就全自動，茶客自已搞掂。再入啲喺第一個用餐區，地方比較細同窄，始終裡面仲有嘅地方間咗嚟製作點心；上到二樓第二個用餐區，地方就大好多，四邊都喺窗，光猛開揚啲。講到心水，都喺出面嘅戶外位，放心，喺有瓦遮頭嘅，感覺特別有風味。晌度基本喺唔會有人招呼，自己揀位隨便坐。由於我哋嚟得早，仲未到爆場階段，只有兩乘滿，不過，過咗9:30am，就多人到不得了，要有被搭枱嘅心理準備。食物價錢都喺周圍貼，晌廚房一邊牆上搵到小、中、大、特點價目表，而另一邊就貼有基本點心屬咩點，點心都喺傳統款式，不過，部份點心或菜式嘅價錢就唔喺好知晌

其實香港有很多郊區值得遠足，但礙於經驗，還是找些難度較低的行程。這一天，與太座往川龍行山，從荃灣西乘巴士到川龍，下車後便見到這間茶居，一間簡單的平房，樓高兩層，我們還是先吃些東西才上路。上到二樓，食客頗多，找個地方坐下，似乎不見有工作人員，見其他食客都是自己開茶，入鄉隨俗，自己開茶、取杯碗筷，然後到地下點心檔取點心。選了叉燒腸粉，燒賣，腐皮卷和雞扎。論份量是頗大的，尤其是雞扎，一碟兩大件，腐皮包著雞件，芋頭，豬皮和火腿，芋頭很粉，也很香，雞件亦蒸得軟滑，很喜歡腐皮夠大塊，吃得很滿足。燒賣肥肉與瘦肉比例恰當，頗油潤，可惜無冬菇粒，少了份菇香。叉燒腸粉的粉皮拉得軟滑，叉燒切成薄片，腸粉有米香。四款點心中，質素較差的是腐皮卷，餡料是一些煑得過腍的菜蔬，入口感覺模糊，不喜歡。吃飽後到樓下付賬，四款點心，兩位茶，$88。