喜相逢 (界限街) (Moved) New Location

趕住食飽飽繼續工作，就係附近搵下野食，行過見到餐廳門面裝修到好古式古香，充滿中國風，再望望個餐牌，幾吸引就坐底試試。要留意餐廳主要係做外賣，堂食就坐門口附近位置。今次叫左三樣，每人平均$70左右。煎餃 (6隻) $33揀左香菇芫茜豬肉餃，餡料飽滿，咬落好多汁，而個皮煎到脆脆，好好味。芫茜香味好重，好岩鍾意食芫茜既朋友仔。而餃子全部都係老闆娘每日新鮮包起。特別要提一提佢比既辣醬，四川麻辣風味，餃子點黎食好惹味。鴛鴦戲水 (8隻) $40揀左韭菜餃配雲吞各4隻，餡料一樣飽滿，湯有少少辣，韭菜味一樣好重，但同煎餃比，煎餃會比較出色，食到多汁同香口。口水雞(例牌) $68份量都幾多，辣味較出，而麻感唔多，雞肉肉質唔錯。

探完朋友揾地方食少少嘢，落樓俾依間四川小店吸引到。舖頭不大坐係舖外面，有風機所以唔會太熱。傾計得知負責包餃子嘅姨姨係四川人，不但介紹我地食咩仲問我地味道如何，很喜歡這種與食客交流的小店。 主要以餃子及四川小食為主，另有糖水。而每款食物都有詳細解譯，非常有心思。餃子稱得上皮薄餡靚，餃子皮好滑，內裡汁多有鮮味，而香菇、芫茜、豬肉比例適中，豬肉不會夾雜過量肥膏，香菇及芫茜味好香。煎餃煎得香脆但唔乾，菜同肉的比例適中，韮菜夠嫩無渣，蘸埋辣醬食味道更佳。口水雞例牌份量多，肉質嫰滑有雞味。花生碎又香又脆無油膉味，芹菜芫茜新鮮，麻辣味適中，辣油好香。真材實料，甜味適中。天山雪蓮子煙韌，份量多，啖啖膠質，百合新鮮，蓮子腍無苦味。

收到新情報太子新開左間成都口味做主菜兼賣糖水嘅食店，即刻趕去踩場，食店坐枱設置系門外，客人需要露天用餐，不過好采門外有簷蓬可以足以擋晒陽光☀️，有客人用餐都有提供風扇服務，唔會太不適應👉🏻鴛鴦戲水（韭菜菜肉餃x2、香菇芫荽菜肉餃x2）配4隻雲吞 $40起初以為湯底會類近紅油抄手，但食落加聞落都似酸辣湯底，飲落辣度點到即止唔會有麻感覺。菜肉餃同雲吞都食得出系新鮮手製，有因筷子🥢桔入就皮肉分離，個人較中意韭菜菜肉餃，因湯底比較濃，3款餃黎講韭菜味最濃，就算酸辣湯都擋唔住佢香味。👏🏻仲有5款唔同口味餃子🥟未試晒d口味，👆🏻而4隻餃子選項可以隨口味自由配搭。👉🏻口水雞（例牌）$68呢個價錢出到黎嘅份量真系有驚喜，想當初花園街食4十幾蚊口水雞餐比得4-5舊連皮又多骨嘅雞，呢到就目測至少7-9件。口感嫩滑，辣後麻感愈來愈重口腔散發，雞胸位置講滑就冇可能嘅，但唔會乾到入唔到口而且夠入味，雞腳見細心到剪晒腳甲，印象深刻，如果有得配飯就一流😋🥰🍭🍩🍯🍰🎂甜品篇🍦🍡🍧🍨🍢Menu每款糖水都有好詳盡介紹，有咩材料？有咩特色？有咩功效？所有糖水都系由冰糖代替沙糖，健康又滋補🧐Ps:味道唔會過甜，如果有需要甜d有