正宗雲貴川 (蘇杭街) (Closed)

🎈環境:.門面簡單樸實，用厚膠片做門，初時還以為只做外賣，原來也有堂食。.內在座位擺設.🎈餐牌:.口水雞似乎是店中招牌菜式。有湯薯粉、涼拼粉皮或飯的配搭。也有其他小吃如夫妻肺片、韭菜豬紅等。..🎈食物:.口水雞配湯薯粉 $55 ⭐️⭐️⭐️⭐️.👇口水雞個樣有點嚇人，好似好多辣椒🌶️🌶️，食起來又其實無個樣咁辣，尤其食得辣嘅食客就更不太覺辣。.味道不錯，不過如果想食麻辣味，呢個就唔太覺有麻辣嗰種獨有香味，聞同食都唔覺麻辣味，幸好都係好味嘅，味道我都俾4分⭐️⭐️⭐️⭐️。.雞下面係一層芽菜，索左汁好味。啲汁撈飯或涼拌可能更配。有食客評好多碎骨，都係嘅，都真係有啲碎骨，食得無咁暢快。雖然有食客話無乜肉同多骨，同時啲雞又瘦啲，雞皮下少啲肥膏。👇湯薯粉都係個樣好辣🌶️，其實味道無想像中咁辣。因為熱湯關係，感覺好似比碟口水雞辣少少。👇薯粉煙煙韌韌彈牙.🎈總結:✅個樣係有點嚇人，其實無想像咁辣，而且有不同辣度選擇。✅口水雞不錯，附近有另一間都有口水雞，呢家我比較喜歡。✅服務可以。🆗口水雞的確有碎骨，食得無咁暢快，但味道搭夠。.✅總體滿意，會再去，推介。

上環工作四維搵野食之，所以今次就我同事食辣野。不過我比舊同事荼毒得多，都開始鐘意食辣XD。第一次食無影野食但有影飲(唔慣相機食先)，叫麻辣豬扒小辣加上海面小辣，飲脆爆華田。麻辣豬扒有麻味好正，但一D都唔辣，其實我唔算食得辣既人，都覺得唔辣。我諗除咗完全唔食辣既人外，應該都頂得順，唔以見佢咁紅，但真心唔覺辣。(希望唔係我比荼毒得多勁咗XD)上海面感覺唔太夾，應該係我選面既問題。脆爆華田就一般，但我同事話脆爆奶茶好正。返到公司感覺到喉唔到肺咁，決定再試。第二次再戰，叫咗口水雞中辣加湯薯粉中辣，飲脆爆奶茶。口水雞無得頂，上面超紅見到有D怕，諗住今次死緊，唔應該叫中辣，點知食落口只係一般小辣，好正。而脆爆奶茶真係好飲過脆爆華田，因為D脆爆本身係華田味，加入華田就無特別，但加奶茶就好正。今次叫湯薯粉好味過上海面好多。

見到平日要等位既雲貴川今日唔使等位,梗係即衝入去啦.今日持續熱氣持續咳,決定食清啲,所以只係叫左口水雞飯,但係小辣就算喇,真係忍得口!點完飯4,5分鐘後先話飯要等,咁就逼著轉米線啦.不過食口水雞但係無飯撈就嘥晒啲汁囉.依度幾好既係,面同雞既辣度係可以分開選擇.即係可以中辣既面配小辣既口水雞.但我都面同雞都係叫左小辣啫.小辣既面真係完全唔辣咁滯,面條少少煙靭,唔錯.有好多芝麻同埋辣椒粒舖係口水雞上面,而碟底都有唔少芽菜同鹹酸菜墊底,賣相非常吸引.夾起雞肉時已經覺得好冧,食落果然無錯,雞肉冧得過火,而且都幾嚡,撈埋汁食還可以,但如果當係白切雞咁食就難啲入口喇.而且就因為選咗小辣,連麻味都相對減少咗,如果可以連麻味都有得分開選擇就好喇.順帶一提,依度伙計都幾有人情味,見到落大雨,會叫食客唔好走著坐多陣,等到細雨先離開.

有事過去和朋友談公事，因他知道我喜歡辣，在他家旁有一家四川風味店；他就題意去賣外賣喇。我們就點了兩個餐。一個是水煮魚併麻辣涼皮。一個是口水雞併麻辣冷麵。水煮魚，可以看到它的湯好稀。做不到濃香厚的色香兩點。而味因為我只要了中辣，所以沒有什麼辣味。不過魚片很滑而沒有泥味。麻辣涼皮，它切得是比其他店來得大片。但口感好奇怪因為它是十分爽！口感好像膠片一樣,又有如用了極多魚膠粉的口者口厘糖切成片，真是新奇。口水雞也是有點不同。它的汁不是醬狀也沒有麻香或花生香，而是似辣椒乾加上辣椒油的感覺再加上醬油，咸辣的味道是可以的。不過不是口水雞的味道…而雞又不是滑嫩，只可說不過不失。麻辣冷麵用了油麵來做，這個反而味道不錯！麵爽口彈牙，加上辣汁，好味。整體來說，如果以＄45 一個套餐來講；我會選其他店試下的。不是好難食，只是我自己覺得不合口味也不是平常的味道。所以所謂正宗的名號，真不要動不動就用上來呢！