正宗雲貴川 (蘇杭街) (Closed)

上環工作四維搵野食之，所以今次就我同事食辣野。不過我比舊同事荼毒得多，都開始鐘意食辣XD。第一次食無影野食但有影飲(唔慣相機食先)，叫麻辣豬扒小辣加上海面小辣，飲脆爆華田。麻辣豬扒有麻味好正，但一D都唔辣，其實我唔算食得辣既人，都覺得唔辣。我諗除咗完全唔食辣既人外，應該都頂得順，唔以見佢咁紅，但真心唔覺辣。(希望唔係我比荼毒得多勁咗XD)上海面感覺唔太夾，應該係我選面既問題。脆爆華田就一般，但我同事話脆爆奶茶好正。返到公司感覺到喉唔到肺咁，決定再試。第二次再戰，叫咗口水雞中辣加湯薯粉中辣，飲脆爆奶茶。口水雞無得頂，上面超紅見到有D怕，諗住今次死緊，唔應該叫中辣，點知食落口只係一般小辣，好正。而脆爆奶茶真係好飲過脆爆華田，因為D脆爆本身係華田味，加入華田就無特別，但加奶茶就好正。今次叫湯薯粉好味過上海面好多。