古早味台灣原味 (Closed)

網上見呢間台灣嘢食評價幾好，今日經過銅鑼灣就上嚟試吓。早上去見到未有太多人住，靜靜地享受個午餐唔錯。一入到去侍應已經幾熱情叫我地隨便坐，餐牌都有好多唔同選擇，估唔到星期日都仲有午市套餐可以揀。個人鍾意食套餐，因為覺得抵食啲，所以冇叫散嗌嘢食。叫咗一個五味雞飯套餐同埋古早味牛三寶麵套餐，嘢飲就配左茉莉綠茶同埋炭燒烏龍茶。五味雞飯用嘅係雞脾肉，雞肉多而且骨少，食落可以啖啖肉，而且可以揀五款唔同味嘅醬嚟點，所以好似每一啖都唔同味道，感覺幾新鮮。雞肉肉質都好嫩滑，食落唔會好粗糙，而且仲陪左三碟伴碟小菜，有半粒炸花枝丸，小辣嘅青瓜同埋雲耳，食落開胃， $55係銅鑼灣呢個地段好抵食。仲叫咗個牛三寶麵，麵係粗麵，牛三寶包括牛肚，牛鍵，同埋牛筋，牛肚夠林，牛鍵有三大塊，每塊都好厚肉下，牛筋有兩大條，每條都好粗，唔硬但有煙韌嘅感覺，而且個湯都幾濃，未食一上菜已經聞到好香嘅牛味。麵嘅份量都多，一個人黎食份量絕對有突，伴碟小菜一樣。$75一碗份量多而且質素高嘅牛三寶麵，個人認為好滿足。好開心食左兩份幾好食嘅午餐最尾個價錢都唔太貴，冇收到+1，下次黎銅鑼灣會再食呢間。👍

放工去左銅鑼灣行街銅鑼灣唎ｄ地方周街都係珍珠奶茶舖或者係台式飲品舖女朋友見到一定會買黎飲，但係我唔想飲當佢想買之際，突然諗到，呀不如食台灣野，實有得飲啦咁係Ｓｏｇｏ後街個出口出左行下行下見到京都廣場有間古早味聽個名就知係食台灣野，行近ｄ睇見到古早味台灣原味，哈，唎到就係我想去既地方啦７點左右到，仲未使排隊住小食有好多選擇，有成３，４頁小食既價錢都唔貴，最平２０幾蚊就有，食少個主食可以叫多幾樣小食麵既選揀都好多，而且都唔貴，都係幾十蚊就有不過食親台灣野我一定會叫牛肉麵，咁就叫左古早味牛三寶麵試下古早味牛三寶麵（＄７５）有牛鍵，牛肚，同牛筋牛鍵淋！牛筋滑！牛肚爽！湯底好味，牛鍵入味！正！麵咬落有少少彈性蒜蓉炒A菜（＄５８）A菜即係萵苣，食落口慼油麥菜，我覺得比油麥菜仲要爽ｄ！菜好香蒜味，好夠味，餸飯正！家常豆腐（＄５８）唎個一定要叫，超好味！豆腐好清淡，食到豆腐味！黎到時都幾熱下，煎得超香，兩邊有有少少脆面！覺得太淡口唔緊要，ｄ汁好夠味同埋好香，先就咁咬一淡個豆腐感受下個脆皮先，再連埋汁食，正呀！三杯雞（唔記得係咪＄７８）有個鍋熱住黎到放左一段時間都仲好熱好熱味道好濃，雞嫩同入味女朋友飲珍

又係一間成日見朋友打卡既台灣菜，其實佢有好幾間，幫襯左銅鑼灣分店，平食台灣菜！環境地理超方便，一出銅鑼灣地鐵站對面就係，成層都係佢，燈光偏暗少少，座位都唔算逼，坐得都算舒服。佢唔止一間分店，總共四間間間個名都有少少唔同，今次幫襯既係「古早味台灣原味 」，唔知係咪每間都會有特別Menu呢？九層塔手抓餅　$28加左九層塔入手抓餅，比較薄身，九層塔味道唔出，正正常常冇乜特別。古早味牛三寶麵 $75三寶即係牛腱、牛筋、金錢肚，好快上枱，都算大碗，麵係粗身寬麵，可以掛汁，牛肉都煮得入味，肉質可以，唔會韌同有渣，而且件件都大大件，不過我就覺得湯底偏咸左少少，肉味有點被蓋過。花雕雞 $88呢個小菜夠哂抵食，$88原來仲係有用瓦煲上，上枱熱辣辣，配料有青椒、洋蔥，整體感覺似我地香港既「啫啫雞煲」，食落幾有鑊氣，每件雞件都上色上得好靚仔好有色澤，食落醃到入哂味，可惜係花雕味蒸發哂，冇乜酒香，但都惹味，佐飯完全冇問題。手工綜合芋圓 $45除左芋圓，仲有紅豆、綠豆、仙草、珍珠，都幾大碗，面頭係芋圓、之後旁邊有紅豆綠豆、珍珠同仙草，以為就咁就完？最底仲有刨冰。芋圓份量都幾大，而且大大粒，但係煮得太耐，唔煙韌，

最接近台灣味道的 香港台灣餐廳， 非常欣賞濃郁而不油膩的牛肉麵湯底， 麵條Q彈有咬感，牛三寶燉的非常入味 食起來一點也不會黐牙， 質感軟硬適中。 只是晚飯時間由於太多人， 每枱限時個半鐘， 食得比較趕。