Cocina 3 Tapas Restaurant & Bar (Closed)

去旺角鬧市旁既奧海城搵食，搵到間好有feel既西班牙餐廳😍前菜係粟米薯片，仲可以無限補充！附送沙律醬！食前菜都已經飽左三成！仲要塊塊都好完整唔係碎濕濕！龍蝦海鮮忌廉湯，令我感覺到驚訝嘅鮮味！龍蝦味非常之濃郁飲落去好滑！必叫之選！海鮮沙律裏面有好多唔同種類嘅海鮮，有魚有魷魚仲有帶子，加埋橄欖油同埋小小醋，更加可以帶出海鮮嘅鮮味。小食拼盤有炸芝士，蝦餅，蘑菇同埋辣肉腸！辣肉腸非常好食好乾身！蘑菇非常新鮮。蝦餅非常鮮味而且炸得唔油膩！呢個Pizza個餅底非常之好食好鬆脆！Parma ham同埋芝士分配比例非常之好。食落去唔太油膩！份量兩個人都可以食晒！

今天剛旅行回來，休息了一整天後，食指大動，於是約了好友大快朵吃一番.朋友是食家，知我喜歡吃不同的東西，但食量又不大，所以推薦了這間在奧海城的西班牙餐廳，我們兩個人，當然可以試試多一些西班牙小吃囉。這間餐廳，是以西班牙小酒館的形式經營，內裏設計很乾淨而且樓低很高，感覺很寬敞舒適，那些暗黑色的裝修與及紅色的餐椅，令人有置身于馬德里的感覺。一坐下便送上nachos（$20一位），我們傾傾下便很快吃掉！原來可以免費添食的，大家記得主動請侍應refill 呢！我們首先order了秘製海鮮沙律，嘩，沙律滿是令人讚嘆的海鮮，包括有大蝦、墨魚、魚柳及新鮮蔬菜。特別一提，這個沙律伴以濃濃的橄欖油，入口有相當清新怡人感覺。海鮮沒有煮得過熟味道也很鮮味，海鮮份量多及大件，一點也不吝嗇，大口大口的吃，絕對係一個值得推薦的餐前小食接着來的是西班牙乳豬,這是侍應推介的,果然是不錯。乳豬皮很脆，豬肉內有淡淡的松果味，亦沒有煮得太熟，口感嫰滑，在加上那塊青瓜及番茄，在伴上一塊多士上，以減少油膩感。唯一有少少可改善的是，多士相對上不夠脆及不夠熱，希望餐廳能有所改進。跟着來到我最喜歡的小食，芝士釀大蘑菇!！齋睇賣相，已經

係奧海城行街俾門口個女仔吸引左，佢好熱情同落力😂一坐低侍應就會俾nachos，不過要收$40《半份西班牙海鮮炒飯 $168》本身諗住叫一個西班牙炒飯，但係咁就會試少咗其他嘢食，好彩侍應提我地可以叫半個西班牙炒飯。雖然無得原鍋上，但成個海鮮炒飯材料十足，當中有青口，大蝦，蜆肉，魷魚等，包你每一啖飯都有海鮮。《西班牙香燒乳豬仔 $98》西班牙香燒乳豬仔同平時中式乳豬冇乜分別，但呢個食法係加咗青瓜，蕃茄同蒜蓉包一齊食。《古秘魯海鮮沙律 $128》秘魯海鮮沙律有生魚Ceviche (酸橘汁腌魚)，八爪魚仔，青瓜，沙律菜，元貝仔。酸酸地幾開胃，Ceviche 肉質比較實。《西班牙小食拼盤 $148》間野叫Tapas，小食應該唔錯，小食有辣腸，菇，芝士波，蟹餅。個人最喜歡嗰個西班牙沙律醬。

約了朋友到Cocina 3 Tapas Restaurant & Bar 食西班牙菜， 上次到過這裏覺得氣氛唔錯，所以今次再來。一坐低店員為我們送上兩碟墨西哥脆片，每碟$40。之後我們點了古秘魯製海鮮沙律 $108， 德國腸拼盤$108，陳醋燴豬仔髀 $128， 卡邦尼意粉$108，Heineken( 1/2 pint )$45。 墨西哥脆片 ~ 係我平時喜愛的零食之一， 每次一食就停唔到口！Heineken ～ 透心涼的啤酒！古秘魯海鮮沙律 ~ 有蝦，魚，墨魚仔，青瓜，蕃茄仔再配香草和橄欖油而成的，味道雖然清新，所有海鮮都很新鮮。德國腸拼盤～ 醬汁稍為多咗少少， 德國腸我都係比較喜歡原條上。卡邦尼意粉～ 卡邦尼意粉是我經常點的菜式， 喜歡卡邦尼醬的味道。陳醋燴豬仔髀 ~ 味道不算太突出，豬仔髀太淋。這個調味醬汁與德國腸拼盤的味道差不多。第二次到Cocina 3 Tapas， 跟上一次的感覺一樣，感覺食物質素還有進步的空間，但環境氣氛唔錯，店員有親切的服務態度， 如果約了三五知己飲酒傾下計， 這裏都是一個很好的選擇。

係奧海城睇戲之前要搵野食，於是就行下多餐廳既呢邊商場，門口見到都幾多選擇，又有店員主動介紹就試下餐廳既面積都相當大，門口有兩張私人空間多少少既位，入面就係勁闊落既空間，最入面就有酒吧位，門口有一個大大既彩色玻璃窗牆，拎黎打下卡都唔錯。一坐低睇緊餐牌既時候，店員就送上左墨西哥脆片，正當好肚餓既時候就有小食可以食住先，邊食香脆脆片邊揀野食。先上第一個前菜《古秘魯海鮮沙律》($108)，一大蝶滿滿既海鮮，有大蝦、八爪魚、魚刺身，加上左新鮮沙律菜同車厘茄青瓜粒夠清新，配上橄欖油做前菜唔錯。第二個係Tapas，《西班牙香燒乳豬仔》($88)一份有四件用乳豬仔配上青瓜麵包同茄，乳豬微微脆身油香較重，配左脆既包片同青瓜解左啲油膩。之後到左超級大盤既《德國腸拼盤》($108)，一盤已經有哂牛、豬同雞肉腸，真係每樣都好足料，再配上左Sangria醬汁加左西班牙風味。主菜《西班牙啤酒燴牛面肉》($188)，一上菜就見到勁大份，有幾大舊牛面肉，牛面肉已經整到好淋身，醬汁都幾濃味再配上牛油香薯蓉。飲品見到呢杯好靚就叫左，《Blue Diamond》($78)成杯都係天藍色加白色，成個天空一樣，入面係用左Vod

到奧海城睇戲，睇完戲去晚餐。經過這間餐廳，氣氛好像不錯，見未有太多人等候，於是就選擇這間。內裡都頗大，有細枱，也有大枱，大枱設計不是長枱，方便傾談 一坐下就有小食，墨西哥脆片配沙律醬。可以一邊食，一邊看餐牌，填下肚先 ^_^店員推介生蠔有優惠，$52 四隻，算抵食，於是我們便點了這個。生蠔，鮮甜 再看看其他 menu，我們點了「古秘魯海鮮沙律」、「西班牙香燒乳豬仔」和「西班牙海鮮炒飯」半份。古秘魯海鮮沙律，有蝦、八爪魚、鯛魚等，清新，開胃！西班牙香燒乳豬仔，乳豬仔夾在青瓜和脆包上，不太油膩，香口！諗住這間是西班牙餐廳，應該點西班牙美食。所以我們點了西班牙海鮮炒飯，可惜頗失望，可能期望過高吧！飯炒得不乾身，其他食物都 ok 既。見飲品買一送一，於是我們點了「Lemon Squash」。酸酸甜甜，幫助消化

這一篇是2019年第一篇的食評， 2018年有很大的轉變， 就是我多了一個喜歡寫食評的興趣。 很喜歡周圍食嘢的我，會繼續努力發掘更多好味 又正嘅餐廳畀大家，向呢度祝大家2019年日日有食神！約了朋友們到Cocina 3 Tapas Restaurant & Bar 食西班牙菜，我們一行四人都是第一次到這間餐廳， 入到店內環境舒適，看見餐牌上的食物種類有沙律，扒類，Pizza，Tapad為主。 一坐低店員為我們送上兩碟墨西哥脆片，每碟$40，啱曬我哋用嚟送酒！ 之後我們點了古秘魯製海鮮沙律 $108， 西班牙番茄醬燴肉丸 $78， 陳醋燴豬仔髀 $128， 蘑菇柏爾馬火腿pizza $98， 美國黑毛安格斯肉眼 $308，Wine steak Combo $98，Sangria $68，Blue Diamond $78。墨西哥脆片 ~ 係我平時喜愛的零食之一。古秘魯海鮮沙律 ~ 有蝦，魚，青瓜，蕃茄仔再配香草而成的，味道雖然清新但食不出有沙律的感覺。西班牙番茄醬燴肉丸 ~ 番茄醬的甜度適中，肉丸大大粒入口有肉汁，好味！陳醋燴豬仔髀 ~ 味道不算太突出，豬仔髀偏硬。蘑菇柏爾馬火腿pizza

約咗個老朋友食飯，想試吓西班牙菜，近年前前後後都試過好幾家，幾間嘅質素都唔差，不過，小弟喺九龍人，朋友亦喺九龍人，當然，無必要過海，故此，揀咗奧海城嘅「Cocina 3」，一來近地鐵，二來年多前嚟食過，知道抵食又有質素，為求穩陣起見，就一於再翻兜。奧海城都算嚟得多，所以，就算「Cocina 3」位處三期嗰邊，都好易搵到。餐廳裝修摩登、型格，門面有種酒窖嘅感覺，內裡樓底高，空間大，一室紅皮椅，甚有西班牙風格，播放住輕音樂，讓氣氛輕鬆。餐廳尾喺酒吧區，以高腳枱櫈為主，啱晒嚟輕酌；推門出外，仲有啲露天位，方便帶寵物嘅客人。本來今次再訪就唔打算影餐牌，但發覺原來加入咗好多菜式，如意粉、甜點，所以，就再影多次餐牌俾大家參考，包括：湯品、沙律、西班牙小食、薄餅、石燒牛扒及海鮮、主菜、火腿片、意粉、拼盤及甜品，餐牌印刷精美，部份菜式更附有圖片作參考。佢啲西班牙小食選擇十分之多，所以，都以食西班牙小食為主，上次就試過「西班牙炒辣肉腸」、「西班牙香燒乳豬仔」及「馬德里燴藍蟹肉配香脆多士」，今次都以西班牙小食及一啲新菜式為主。依家餐廳更特設牛扒菜單，美國西冷、肉眼就唔在講，仲有西班牙黑豚、阿根廷牛，甚至近