Tokyo Secret 味之藝術 (Closed)

人氣甜品店當然要跟下潮流啦~楓之火焰$48雪糕視覺享受, 飄著氫氣似令氣溫下降了些。 TOPPINGS 是粉紅爆炸糖加了少少鹽令甜味更出~ 榛子味雪糕配上暖暖的粂子汁酸酸甜甜加爆炸糖的威力口感豐富, 底部有pop corn 雖然沒有"林" 但好似唔加好過加~ 哈哈 整體: 可以一試。 不過粂子汁再酸些中和甜味應該會更佳。可可魔法$38朱古力怪魔是我也!!! 可可魔法雖然沒有太大的視覺享受但甜味, 朱古力入口質感是美好的~~~~ 甜味適中, 朱古力唔會太稀, TOPPING 的CREAM 溶和99% VALRHONA 不會苦, 可能這原因令朱古力濃度減少了。 但嘗不到海鹽味, 可以重手些。 比起雪糕更愛可可魔法~

同老公行街又熱又口渴, 記得之前上網睇到Tokyo Secret雪糕外形好特別, 去到附近就梗係要去試試都好易搵, 一轉入嘉蘭圍就見到, 即係利時斜對面,去到門口就見到好colourful既外表, 望望Menu, 有飲品, 有雪糕, 我呢個抺茶迷梗係要試下抹茶雪糕特濃大樹, $42呢杯雪糕等左10分鐘, 心諗一杯雪糕使唔使咁耐呀~~~結果, 一見到個外表好靚, 上面係棉花糖,即叫即做,可能因為咁就等得耐, 兒時回憶返晒黎, 而下層係抹茶雪糕, 好濃抺茶味, 雪糕質感好棉好滑, 最底層仲有年輪蛋糕, 配埋抹茶雪糕一齊食, 口感都幾特別, 食晒成杯都唔覺得甜同漏可可魔法, $38即係朱古力奶, 第一啖好濃朱古力味, 即刻忍唔住要飲第二啖, 夠晒凍, 解渴之選, 溝埋cream, 口感仲滑 

尖沙咀人多車多，行走於炎炎夏日之中尤其辛苦。星期日同朋友响尖沙咀行左個多小時，早已心煩氣躁，急不得離開這個蒸爐。响行經嘉蘭圍的小路時，突然聽倒陣陣歡樂愉快的音樂，一望之下原來有間好色彩繽紛嘅雪糕店，超多人排隊，响尼條無咩人嘅小行度顯得特別吸引。同朋友拎左個餐牌睇，發現啲雪糕超得意平時好少見倒，價錢大約$30-$42，响尖沙咀黎講教可以接受，一定無麥記平，但勝在新鮮又得意。原先想試楓之火焰，但竟然賣曬咁受歡迎，嬲嬲哋又勁口乾，都係飲杯可可魔法算，凍朱古力實無死。拎倒杯嘢外貌就係普通朱古力加好多Cream一杯，凍冰冰勁解暑，點知飲左啖就停唔倒，朱古力超級香濃，又滑，重點係甜度剛剛好，難得飲完成杯都唔覺飽同膩，而家諗起都仲想飲。朋友就係超中意抺茶，叫左個京都小山園綠茶，話超級好味，濃濃抺茶味，甜度相宜。不過本人麻麻綠茶，無試過。