Tokyo Secret 味之藝術 (Closed)

尖沙咀人多車多，行走於炎炎夏日之中尤其辛苦。星期日同朋友响尖沙咀行左個多小時，早已心煩氣躁，急不得離開這個蒸爐。响行經嘉蘭圍的小路時，突然聽倒陣陣歡樂愉快的音樂，一望之下原來有間好色彩繽紛嘅雪糕店，超多人排隊，响尼條無咩人嘅小行度顯得特別吸引。同朋友拎左個餐牌睇，發現啲雪糕超得意平時好少見倒，價錢大約$30-$42，响尖沙咀黎講教可以接受，一定無麥記平，但勝在新鮮又得意。原先想試楓之火焰，但竟然賣曬咁受歡迎，嬲嬲哋又勁口乾，都係飲杯可可魔法算，凍朱古力實無死。拎倒杯嘢外貌就係普通朱古力加好多Cream一杯，凍冰冰勁解暑，點知飲左啖就停唔倒，朱古力超級香濃，又滑，重點係甜度剛剛好，難得飲完成杯都唔覺飽同膩，而家諗起都仲想飲。朋友就係超中意抺茶，叫左個京都小山園綠茶，話超級好味，濃濃抺茶味，甜度相宜。不過本人麻麻綠茶，無試過。