鼎泰豐

Open Now

Now Closed

星期五難得齊人，約咗去沙田食飯。鼎泰豐係我哋首選，先到先等。阿女最早到，七點就去到等位，唔使七點半就可以坐低了。太耐冇食台灣菜喇，一於食番夠本。四個人開餐，一共嗌咗八樣嘢。開胃涼菜要咗香干馬蘭頭同紹興酒醉雞。馬蘭頭雖然係野菜，但係就有一種特別嘅味道，喜歡食佢嘅人愛不釋手，我就係其中之一。醉雞係屋企人鍾意嘅，呢度做嘅醉雞有非常濃郁的紹興酒香，唔似其他餐廳啲這味餸，做到酒還酒，雞還雞，好似風馬牛不相干的。嚟到呢度，當然係要食餐廳出名嘅小籠包。皮薄餡靚，肉汁鮮甜，香港呢個地方也真心搵不到另外一間餐廳的小籠包可以做到咁出色了！台式酸辣湯和蝦肉紅油炒手也都是我想念的，當然也各要了一份解解饞。主食方面叫咗個紅燒牛肉麵、蝦仁蛋炒飯同台式擔擔撈麵。我個人的至愛係牛肉麵。牛肉煮得非常入味，湯汁鮮美，令人百吃不厭。炒飯粒粒分明，每一口都吃到蛋香。呢餐雖然唔平，但係我哋食得非常之開心，算係近期食得比較心滿意足的一餐！

呢間都真係好多年無食，食既唔係味道，係回憶😹見兩點唔駛等位，就入去過下口癮👉🏻👈🏻不過坐低覺得好焗同熱，原來係壞冷氣，結果一路食一路標汗🫠▪️ 小籠包（7/10）💲66/6個個皮都夠薄身，夾起上黎又唔會穿，入面有暖笠笠既湯汁，但係就未有話好爆汁🤫豬肉餡味道比較淡，連同薑醋一齊食調下味更佳🤨▪️ 台式酸辣湯（7/10）💲58呢碗都算足料，有唔少肉絲、筍絲、木耳絲、豆腐乾絲，口感唔會太稀或者太稠😌明明飲之前已經撈過下，但係飲到底突然間好酸，至於辣味其實唔重🌶️▪️ 菜肉餛飩湯麵（7/10）💲78/6個餛飩皮滑身，有飽滿健康既菜肉，侍應貼心問我地麵條駛唔駛剪開，雖則幼細，但都唔會糊口，湯比較清淡🍜🔎 整體評分（7/10）

今日好累又唔想回家食飯，不如去沙田開餐啦！😉。在 New Town Plaza apps 上瀏覽過後决定去「鼎泰豐」食小籠包，用 apps 內的即時取票服務，ㄧ邊行街ㄧ邊等，不知不覺便有位了。入座後，侍應馬上奉上熱茶，還講解檯面上醋和醬油七比三的混合比例，好讓我們食用小籠包時有最效果。此細心之舉，值得加許。睇過餐牌後點咗好多野食，不過不用五分鐘便開始上菜了。冷盤:醬汁黃花魚，黃花魚用醬汁煮得好入味，甜甜地，唔錯。台式酸辣湯材料好多，有豆腐絲, 雲耳絲, 肉絲, 筍絲，全部都砌得好幼細。但味道比較清淡，可能是台式關係吧！小籠包ㄧ籠六隻，皮薄餡滿，湯汁在皮內，亦沒有漏出，令人食落回味無窮😋。香茹素餃ㄧ籠六隻，餃內材料有馬蘭頭、豆亁、雲耳，香茹。咬下去有陣陣的獨有的香味，好好食。紅燒牛肉湯麵，用牛展炆成，有咬口十分入味，湯底牛味濃沃無比，配上幼麵條，正!!👍其實在等候入座時，在櫥窗外見每位師傅們用屬巧的手勢，將同等重量的皮和肉來包制每一隻小籠包，已見此店對出品要求很高。我相信好快下次會再來食過。

生日飯男朋友帶咗我去鼎泰豐💋其實係我第一次食鼎泰豐 有點期待架我跟住menu上啲推介嗌 呵呵🤭紹興花雕雞 $75雞無骨的 食落方便👍🏻仲有濃濃花雕味 i like it小龍包 $60/6隻皮夠唒薄呀又唔易穿 裏面仲有好多湯汁🤤蝦肉紅油抄手 $62/6隻雲吞皮包一大粒蝦 醬汁唔會好辣 甜甜地甘😂台式擔擔麵 $50麻醬味好重 辣味唔算濃勝在多醬 撈唒成個麵👍🏻菜肉蒸餃 $56/6隻好多菜嘅餃子呀 自己好喜歡食餃子嘅關係 所以好中意呢個🙈多菜少肉 比較爽口👍🏻酸辣湯 $52裏面有好多豆腐絲呀 好多料酸酸辣辣 仲有胡椒粉添😋呢到限時一小時十五分鐘 時間其實算充足😛上菜好快 加單嘅都好快送上侍應們禮貌不錯👍🏻

『宇宙大王 - 尼古真』同手下今日係沙田搵太空船期間，發現左呢間【鼎泰豐】，我決定同手下入去睇下有無太空船。等左半個鐘終於入到去，手下話比起隔離間『翡翠』快好多了！入到去地方不大，但就有好多侍應生，只要你一抬手就有人來招呼你，服務一流！搜尋一論，手下報告沒有太空船足跡，咁我地唯有坐低食野 E 肚先。先來一個蘿蔔絲伴海蜇作頭盤，佢地出奇地夾，蘿蔔清甜海蜇爽口，味道適中，開胃小吃之選。然後來小籠包，皮薄多汁。要特別提提每枱都有醬油同醋，另外仲有指示點樣食法才帶出小籠包的味道，值得一讚！再來菜肉餛飩湯，呢個食物手下讚不絕口！皮薄滑口，不膩，可以食多幾隻。最後來了台灣擔擔撈麵同台式酸辣湯。令人驚起的台灣擔擔撈麵，看似好多麻醬，但食落不膩帶少少辣。呢個撈麵令我想起台灣擔仔粉絲！台式酸辣湯，不是太多料，但因為有好多豆腐絲，令入口滑流，味道不是跟我們常吃的酸辣湯一樣，可以不試。同手下等位半個鐘，食左廿分鐘。雖然搵唔到太空船，但搵到好野食都算喇！