十二鍋 (Closed)

突然間好想食壽喜燒鍋，然後就搵到呢間一人一鍋。顧名思義即係店舖會提供十二種口味嘅火鍋，而其中第十二鍋就會係期間限定，當日就係濃郁芫荽鍋。晚市套餐($115)會有火鍋、飯或粉絲同指定飲品。芝士竹輪壽喜燒鍋壽喜燒湯底味道正常，再濃郁啲會更好。鍋內配料款式好多，夾埋有成十幾款，包括牛肉、蟹棒、芝士竹輪、蛋餃等。粉絲口感非常好，就算煮耐咗都唔會好淋。但份量就唔多，肚餓嘅話都係建議食飯。台式沙茶牛肉鍋沙茶湯底係愈食愈濃，食到底仲覺得有啲鹹味，而且都比較油。配料大致上同壽喜燒鍋差唔多，比較特別嘅係有爆汁牛丸同芋泥貢丸。牛丸多汁彈牙，貢丸嘅芋頭味好香好突出。台式麻辣鴨血 $38鴨血大小適中，咬落幾Q彈，味道都幾辣且帶有少許麻香味，食落唔會有腥味。

今日就帶大家嚟到佐敦，喺地鐵站旁邊既莊士輪敦廣場絕對係覓食既好地方🤩，今次同大家去地舖食台式火鍋🍲。呢度提供火鍋🍲款式都幾多，一共有1️⃣2️⃣款添！我個人幾鍾意呢度嘅湯底，沙茶牛肉鍋嘅湯底味道剛剛好，食落濃味唔會過鹹👍🏻。沙茶牛肉鍋入面，我最鍾意佢粒牛丸，咬落彈牙又多汁。而餐廳🍴喺湯底中加入台灣面線，完全吸收晒沙茶醬嘅精華，真係幾惹味😋！而壽喜燒湯底味道溫和，因為鍋中會加入唔同蔬菜🥬，食落甜甜地，容易入口，用嚟淥牛肉就最啱喇😍！另外我哋仲叫咗一份鴨血，食落有少少辣，又帶一點麻香，口感好軟腍，又嫩口！我幾鍾意呢度湯底唔會過鹹，飲完隨餐附送嘅綠茶都唔會太口乾。另外，每一款鍋都會提供唔同款式嘅食材，份量都幾多，一定夠食，所以都幾抵食！

❀ 十二鍋 #佐敦 ❀❗️高質抵食一人一台式火鍋 12款湯底選擇總有一個啱你❗️——————————————————有冇人同我一樣一年365日都會食火鍋，從來唔覺得火鍋係冬天嘅專利🤣今次嚟到佐敦莊市倫敦廣場，呢度不嬲係火鍋放題燒烤嘅集中地，今次呢間喺地下，一入就見到。主打一人一鍋，做法有少少似大X樂、吉X家，$115一鍋，有好多特色湯底選擇，預設多種配料，另外可以加錢再添。另外仲有少許台灣特色小食。湯底味道濃郁，配料夠晒多，得閒嚟食下過下火鍋癮就啱晒🌟！.✷𝑀𝑒𝓃𝓊✷☞ 十二鍋♥ 台式沙茶牛肉鍋 $115 升級至滷肉飯加$7 (4.1/5) 最欣賞啲唔使點醬汁都夠味嘅火鍋湯底😚！沙茶味夠曬重，所有食材都入曬味，鍾意香濃惹味嘅就啱晒！本身已經包括咗牛肉、爆汁牛丸、芋泥貢丸、台灣麵線、娃娃菜、炸枝足、鳴門卷、冬菇、金、蛋餃、芝士魚豆腐、蜂巢豆腐。另外因為有啲台灣麵線，所以比起其他鍋底更加飽肚👍🏻！最正係有芋！泥！貢！丸，一咬外啲芋泥爆曬出嚟正係好正！另外原配飯/粉絲，我哋加咗$7升級做滷肉飯，都真係好似台式滷肉飯半肥瘦，而且醬汁夠濃稠。.♥ 蟲草花藥膳羊煲配粉絲 $115 (3.9/5)另外嗌