古早味台灣原味 (Closed)

掛住台灣嘢食又無假期放假飛過去，咁只好係香港搵下台灣嘢食止下渴先啦😆今日約左朋友係銅鑼灣咁岩搵到呢間古早味 幾吸引，睇個名好似好古式！環境都真係幾古色古香，好特別！而且座位好寬敞，價錢都幾合理！🔸台式黃金炒飯 $58果然係好台式，有血米糕同台灣腸台灣味道，炒飯調味都岩岩好，唔會過鹹，仲炒得好金黃粒粒分明！份量仲好大份，可以開心 share！🔸麻油雞麵線 $78麻油雞應該係好岩女士食😌，有紅棗同杞子有益得來仲令成個湯好甘甜！而雞肉都好嫩口，仲有陣陣麻油香！食落都唔會覺得油，不過都要襯熱食啊！

係銅鑼灣搵到一間古新味既台式餐廳，一lift口就見到一個好特別嘅酒櫃。燈光都好有興趣feel, 暗暗地，覺得個環境好啱岩傾計。服務態度都好好，店員都好nice叫左碟鹽酥豆腐菜脯煎蛋， 熱辣辣，外脆內軟。因為炸得好脆，但入面個豆腐熱同埋林林地既，口感好佳。台式黃金炒飯好多唔同嘅餸一齊炒，所以食落有唔同既口感，我食到有菜、蛋、粟米同埋火腿......而且味道唔會太鹹，夾埋啲餸食就岩岩好啦！我叫左一個炒飯之後，仲叫多左個台式涼面。我地揀左麻醬。下面有一盤冰係底，可以保持返個面夠凍。將啲配料同面撈埋一齊食。同埋炒飯一樣，都係有好多配料。呢個菜脯煎蛋鹹鹹地，所以配飯食就真係一流啦！成日煎餅都布滿左菜圃，咬落去每一淡都食到菜團，仲要好大粒，而且成一碟入面有5大塊菜團煎蛋。大大碟，完全無偷工減料。最後，點左杯野飲，呢杯係芝士抺香綠XX。原本茶加芝士奶蓋都可以咁夾。因為杯茶唔會太甜，所以飲落去都幾fresh，連埋芝士一齊飲就更正！

老公今日又係銅鑼灣附近做完野，經過樓下有人派傳單就入咗去試呢間台灣餐廳。一入到去舖頭都好大，座位之間都有空間唔會好逼。因為我地都好耐冇食過台灣野所以我地都叫左好多嘢食…首先係個九層塔手抓餅，整得好好食同埋好香九層塔味，整得好香脆同埋唔油膩，如果可以再加多隻蛋咁就perfect啦。之後就上左蒜味鹽酥雞同埋蚵仔煎。鹽酥雞一上台已經聞到好香，調味岩岩好又唔會太咸，炸完應該有一兩分鐘先上台所以食既時候唔會辣親口，雞肉本身都好嫩滑，真係好有台灣既風味。蚵仔煎面頭有啲用辣醬溝成既醬汁，少少辣加埋蚵仔好夾，成個蚵仔煎唔會整到一pat野咁，蛋同埋蚵仔加埋個醬汁真係好惹味，老公切開咗幾份我地轉個頭已經食哂！古早味牛肉麵既湯底好濃，飲得出應該係用左好多材料煲成而唔係用湯包，每條麵都掛到湯再加埋煮到好淋好入味既牛肉真係好好食。入面仲有兩大舊紅蘿蔔，可以中和到食牛肉麵有少少滯既感覺！黃金炒飯一上台已經聞到好香，仲加入咗台灣香腸，成個飯炒得好有鑊氣之餘飯粒都係粒粒分明。蔥餡餅有4塊，細細舊但入面好多汁，加上皮薄同埋面頭有煎過，每人食兩舊都唔會好油膩。老公嚟到當然要叫黑糖珍珠奶茶啦，黑糖味好濃好香，有少少掛杯既感