阿木台灣麵 (廣華街) (Closed)

📍 阿木牛肉麵旺角豉油街98-100號鴻都大廈地下3-4號鋪🌃環境：店鋪麻雀雖小，五臟俱全，除左有賣整好左嘅野食之外，仲有賣啲自家製嘅台灣食品，例如鳳梨酥之類，睇到都流曬口水！背景會播啲台灣歌手嘅歌，筆者去嗰日咁啱係小鬼專場，幾有氣氛！🥘食物：♥️紅燒牛肉麵 $65之前已經耳聞呢間牛肉麵嘅牛肉份量係誇張嘅，所以特登嗌左少麵，點知上黎嘅時候都係被震撼到，好多肉！食肉獸表示大喜。個牛肉一入口係軟嫩到一個點，食得出係高質牛肉嘅，而個麵嘅口感都幾好，口感有啲似上海麵，個湯底更加係濃淡適中，唔會令人覺得太重口味負擔太重個種，飲左幾啖都冇頸渴。評分：👍🏻👍🏻👍🏻👍🏻♥️麻辣牛肉牛筋麵 $69呢個係我朋友嗌嘅，就多左個牛筋位，原本以為會好難咬，但係唔會，個種煙韌嘅口感同牛肉有個對比，令到成碗多左一種口感，正嘅！而個湯底話係話麻辣，但係其實唔係好辣，純粹係小小辣味，令到成碗麵香啲，唔食得辣嘅朋友都可以試下㗎！評分：👍🏻👍🏻👍🏻另外我地仲嗌左兩款小食🍗同一杯嘢飲🫖♥️台灣小香腸 $29呢隻同我地平時食到嘅台灣香腸有啲唔同，係更加甜嘅，而入面嗰啲肉係肥瘦相間嘅，所以一食落去會feel到油分嘅香氣爆曬出黎，並且個

超有人氣嘅台式餐廳，今次特別約埋朋友嚟試吓，諗住一開舖就嚟排隊，點知已經大排長龍，原來有app可以預先拎定籌，下次真係要醒目啲，所以都排左差唔多45分鐘先入到去，但嘢食真係高質🤤下次拎定飛會再去❣️紅燒牛肉牛筋面$69湯底唔算濃郁，但牛肉牛筋大塊而且夠稔，好容易就可以咬開，麵底都算好煙韌，但唔會好掛湯，配上大量嘅酸菜，如果食得辣可以加埋佢秘製嘅麻辣醬🤤整體嚟講算係一碗高質嘅牛肉麵🥢❣️蕃茄牛肉牛筋面$69其中一個朋友試咗蕃茄湯底，只可以話平平無奇，如果比佢揀佢都話會揀紅燒湯底❣️家傳鹽酥肉$39呢個必試，平時都會叫開鹽酥雞，今日試吓特別啲，鹽酥肉即係鹽酥豬肉條，咬落去裏面仲係好多汁，外層熱辣辣脆卜卜，加埋佢自家嘅調味粉好惹味❣️芝士肉鬆蛋餅$42蛋餅外皮比較厚，芝士同肉鬆都唔多，呢個可以唔使試🤭❣️台灣小香腸$29小香腸多汁，可以夾埋蒜頭一齊食，冇得輸👍🏻好味度：9（10分滿分)呢間絕對係可以回頭再試，價錢唔貴，食物高質，如果唔使排隊一定成日去👏🏻

#hkfoodmap台菜.𝐹𝑜𝑙𝑙𝑜𝑤 @ℎ𝑘.𝑓𝑜𝑜𝑑𝑚𝑎𝑝 𝑓𝑜𝑟 𝑚𝑜𝑟𝑒 𝑓𝑜𝑜𝑑🥢.終於去左食呢間成日都排曬長龍嘅台灣野～依家旺角多左豉油街嘅分店同埋有線上拎飛之後📱方便左同打散左小小人先可以𝚝𝚛𝚢𝚝𝚛𝚢🤣當日拎完飛等左一個鐘頭左右～紅燒牛肉麵 $𝟼𝟻 (+$𝟹 轉粗關廟麵)牛肉超厚切 但食落牛香十足！而且軟腍入味～麵質彈牙！麵同牛肉嘅份量都超級多🤣食到捧住個肚走🐷鹽酥雞便當 $𝟻𝟺鹽酥雞嘅炸粉都幾薄 香脆～肉燥好香好入味跟餐仲會配翻𝟹種配菜便當仲可以免費多肉燥同多飯喔🍚芝士肉鬆蛋餅 $𝟺𝟸基本上枱枱都叫嘅熱門招牌～蛋餅皮唔厚 肉鬆超級多😳唔會話好黏膩 但芝士味就唔係太出呢度有點小可惜🥺台灣小香腸 $𝟸𝟿台灣腸好香脆 比起外面嘅台菜無咁油膩👍🏻連埋蒜片食 口感一流💯黑糖珍珠鮮奶 $𝟷𝟽對比起主菜同小食 飲品表現平平～雖然叫左小甜但都仲係好甜😞而且黑糖同鮮奶嘅𝚋𝚊𝚕𝚊𝚗𝚌𝚎都失左平衡🤣總括黎講 我都會再回頭😇價錢抵份量多性價比高！下次試下其他茶飲睇下會唔會好啲😌

又係台灣嘢食啦😂今次去左 阿木台灣麵，足足排左個半鐘🤡，但係野食質素好好🤤CP值超高！紅燒牛肉麵（$65）湯底清淡偏甜，有四舊又大又厚嘅牛展，每舊都好似牛扒咁厚🤩，肉質夠冧身🤤，粗麵麵質有咬口，份量好多😂，女仔一個未必食得曬，喱個價錢簡直係物超所值，推薦啊！！麻辣肉燥拌麵（$43）麵質同牛肉麵嘅麵質好似，麻辣味好香好過癮好惹味😌，個人鐘意哩個拌麵多啲，如果兩個人去食，最好叫一個牛肉麵加一個拌麵，咁就可以share牛肉黎食，份量夠曬👍🏼😂台灣小香腸 ($29)台灣腸仔識食一定係連埋蒜頭一齊食，兩樣一齊食好夾！🤤小提示：大家記得早啲用Gulu拎定位，唔係就好似我咁排個半鐘隊咁傻豬啊😂😂

無得飛台灣，唯有食住台灣菜解下渴先啦～😆去到時，門口真係好多人排隊，強烈建議差唔多到嘅時候用apps攞定飛先，如果唔係真係有排等🙈由於自己單拖帶住小朋友，雖然店舖細細，但都特登安排門口嘅四人卡位比我，等我哋可以坐得舒服啲之餘又可以將架BB車放喺旁邊。真係好貼心☺️而食物方面，紅燒牛筋牛肉麵，厚切牛展好大塊，牛筋又夠林，仲好夠入味但係唔會好鹹，同小朋友食就啱晒👍🏼至於鹽酥雞可以自己落調味粉真係好正，咁樣就一定夠晒味。台灣小香腸都好好味，小朋友好鍾意食，佢自己食咗半碟🤣最後仲外買咗芝士肉鬆蛋餅，好足料，好多肉鬆同芝士😋原來門口仲有好多台灣產品賣，下次再去嘅時候要認真睇吓，再唔係去佢哋社交平台都睇吓先🛍Menu👇🏼👇🏼

#22052020疫情期間，無得去旅行…..好掛住台灣啲食物。今次搵左旺角一間食台灣菜既餐廳，過一過旅行癮。嗰日去既時候排排下隊成條街停咗電，店員好好咁續個續個解釋。因為都等咗一段時間，所以好肚餓，兩個人嗌咗兩個麵兩個小食同一杯飲品。 份量都幾多，無論係牛肉牛筋定係麵。佢啲牛好軟，一咬就可以散開；麵質煙韌有彈性；佢個湯底係台灣既味道啊~~~ 麵質同樣地煙韌有彈性。不過我個人唔係好食得辣，撈咗四分一已經頂唔順。Btw 佢枱面放咗隻麻辣醬，亦都可以另外買。 小香腸連埋啲蒜片食原來幾夾 鹽酥肉好酥脆，啲肉炸完都唔會乾噌噌。 款款食物都好好食，但杯飲品呢就…..一般般啦。唔知係停電既關係定咩原因。杯野飲嚟到好似走咗冰咁，甜味又唔夠鳯梨味又唔太有，係有少少茶味咁。

由於疫情關係冇得去台灣 成日心思思掛住台灣野😢 冇得飛唯有幫襯下黃店阿木台灣麵🌟 門口有大量手足作品義賣 貼紙 車貼 口罩夾全部都好靚☺️☺️☺️ 食飽就可以出去行下資助下咁多位貼路人💪🏻是日為星期日，已經盡早下午六點半前去到，希望唔洗等咁耐位。可惜大家應該同我諗法一樣😂😂 所以去到都等咗四個字😂 好彩天氣唔算太熱 排一陣隊就已經比餐牌你揀嘢食🤤 好肚餓 所以兩個人叫咗兩個主食 兩份小食 兩杯飲品 （最後兩個女仔係食唔哂的😂 好大份呀！）最先上嘅係鹽酥雞便當🍱 熱辣辣 係剛剛炸起的雞扒件🤤 可惜好失望 咬落口唔脆仲有幾分柴的感覺☹️ 加上肉燥飯飯底太淋 米飯畢落一舊舊 做唔到米粒分明😞 肉燥唔夠多又唔夠味 根本冇可能配哂成碗飯食😢 早知食魯肉飯😞😞😞😞 便當前菜包埋半隻鹵蛋，醃蘿蔔同埋開胃花生豆卜，當中醃蘿蔔最好食，其餘兩樣就冇特別芝士肉鬆蛋餅🧀 不過不失 食落口時已經攤凍咗 芝士唔夠香 蛋餅唔夠鬆軟☹️ 但肉鬆配芝士蛋餅又幾特別⭐️ 最後發現有小店自家製麻辣醬 所以用蛋餅沾上放口😋 麻辣醬有驚喜喔！台灣小香腸🧄 配埋蒜頭食好好食😋 小香腸食落甜甜地 係一搬台灣腸口感☺️ 一開頭唔明點解要有蔥蒜伴碟

旺角廣華街非常「黃」，我決定試勻曬咁多間，先拔頭籌既係阿木台灣麵先！黃色經濟圈既威力真係勁，一早已經排曬長龍，門面貼滿文宣。餐廳入面比較擁擠，不過做足防疫設施，例如卡位之間有隔板。- 紅燒牛肉麵牛展有四至五件，厚度係平時食既兩倍，肉質軟稔但無乜牛味。麵條屬於幼身煙韌，份量同樣多，而且吸曬精既精華。我女朋友食左半碗都無，可見分量之多，建議兩個女仔可以share一碗👭🏼。- 台灣小香腸口感紥實，而且幾多汁，估唔到同生蒜片一齊食幾有驚喜，多左一份爽口。- 珍珠奶綠四季春茶底偏白，味道好似好立克🤣，茶味欠奉。餐廳另有售賣自家製麻辣醬，甚至醃製過既蘿蔔條、泡菜同酸菜。以前一直覺得台灣菜好抵食，不過呢幾年台灣菜係愈嚟愈貴，阿木台灣麵算係性價比高，味道出色（飲品除外）。

一進門就會見到老闆娘Polly熱情的笑容❤️非常熱情地介紹她家鄉的美食，座無虛席，但服務態度不會怠慢～紅燒牛肉牛筋麵讓我好驚訝既係！牛肉唔係一細舊，而係一大塊😆仲要有好多舊，完全唔驚唔夠配料！湯底用牛骨、牛肉、蔬菜及藥材煲足20小時，牛味超級的濃郁～麵條用高根麵粉，從來不會過夜，驚變了口感所以每日手工製作，彈牙爽口，沿用老店配方！芝士玉鬆蛋餅製作需時大概15分鐘左右，即叫即做，唔會凍同埋熱辣辣入口特別香濃味道❣️而且蛋餅混合咗兩種雞蛋，蛋味香濃讓我回憶起台灣的味道💕家傳鹽酥肉主要的材料係用松板豬肉製作，台灣除了食鹽酥雞，原來都有用豬肉造的版本！老店配方製作的一款獨特鹽酥肉，外皮酥脆，咬落去爽肉汁多，肉質軟腍。台灣小香腸肉質不肥不膩，帶陣陣香味～ 真的有台灣的特色，有點甜香，非常可口！芝士奶蓋四季春奶香味比較濃烈，而且鹹甜比例剛好～四季春是有茶的甘苦，但不會太苦澀～珍珠奶綠四季春我飲左我閨蜜👭的這杯，珍珠軟硬正好，不會過甜，而且綠茶不會蓋過奶味～綜合芋圓嫩仙草女生都是有2個胃，食完正餐點可以放過甜品這個胃呢！灣甜品芋圓是招牌了，全部手工製作，芋圓煙煙韌韌，仙草嫩滑！真係可以一解思鄉之情啊～可

最近旺角發現開左間台灣菜新店, 就入去食下～我地點左招牌的家傳鹽酥肉便當, 見到"家傳"2個字已經吸引到我地, 鹽酥雞就食得多, 鹽酥肉真係第一次食, 好有驚喜!!係用豬肉製成, 再切成一條條, 有成4大條甘多, 炸漿唔會太厚, 外脆得黎又唔油膩, 肉質爽口嫩滑, 一定要再encore!! 可惜去到當時飯冇晒, 要等超過半個鐘, 就將原本配搭的肉燥飯, 轉成麻醬拌麵, 都幾夾, 不過注意食得耐麻醬會乾身左, 有少少鹹~黎到小食, 點左台灣小香腸，同台灣食到的味道一樣, 聞到油香味一咬落去好脆, 爆出滿口鮮嫩的肉汁！最後仲叫左個甜品開心share, 冰糖雪耳芋圓湯, 配料有雪耳、龍眼、桂圓、芋圓、杞子等等都幾足料, 芋圓口感煙韌, 唔會太甜~