圓山台灣料理 (Closed)

這是第二次來了, 也是晚餐的時間, 還是沒有機會試到它的點心。今次和上次一樣選擇了4道菜的套餐, 不過有點小可惜是已經加了價呀！ 鹽酥雞 雞肉的質感嫩滑, 炸皮很薄, 也很有鹽酥味道, 整體味道吃下去也不會感覺油膩。 屏東小炒皇這碟小炒皇材料有韮菜花, 芹菜, 蔥, 蝦乾, 炸魚乾, 魷魚及鹹肉。韮菜的口感爽口, 魚乾和蝦乾都十分香脆, 令我吃個不停。 台灣滷肉 上次試了滷肉飯, 覺得滷肉十分不錯。所以今次也決定回味一下。除了滷肉外, 還有數件五香豆腐, 吸收了肉汁的豆腐很惹味。今次的滷肉也炆得很夠味, 肥膏的部分也是入口即溶, 把肥膏拌勻在飯中, 使飯充滿了油香的味道, 吃下去有一種暖和的感覺呢！ 溫室南瓜炒鮮鮑 (套餐+$188) 這碟菜式是用黑醋來烹調的, 酸酸的黑醋加上甜甜的南瓜, 吃再多也不會覺得膩。鮑魚口感很彈牙, 配上黑醋的味道也沒有違和感，若南瓜煮得軟腍些會更佳。今次的食物水準都保持不錯, 一定會再光顧!

今晚黎到食呢間台灣菜比較特別，一般去食開既台灣菜都係小店，細細碟，以小食、滷肉飯等作為主打，同埋價格較便宜的。而呢度係類似中式酒樓，以小菜為主，適合大班人黎食的。同朋友兩個人黎到，我地決定揀套餐，價格實惠，四個餸$328，而且份量都幾足料。三杯雞 (自選四道風味菜套餐 $328)三杯雞原煲上既時候仲”咋咋聲”咖打開煲蓋就已經聞到九層塔香味撲鼻，仲有大量厚薑片、乾蔥等配料，味道濃郁。雞肉肉質嫩滑，每件斬得大小剛好，又唔多碎骨。台灣滷肉 (自選四道風味菜套餐 $328)滷肉脂肪豐富，非常鬆化並令口腔充滿油香，滷水汁是傳統台式帶微甜的，另外加左八角令層次更為豐富。仲有豆卜墊底，索曬所有汁既精華，一咬爆汁麻婆豆腐 (自選四道風味菜套餐 $328)麻婆豆腐比想像中辛辣，採用了滑豆腐，醬汁稠身，同埋較濃味。整體黎講調味都落得幾重手，需要送白飯一齊食，平衡番個味道。干煸四季豆(自選四道風味菜套餐 $328)四季豆以蒜頭、豬肉碎等爆香，炒至軟身，味道一流。擔仔米粉 $25湯底加了肉燥及滷汁，口感爽滑，份量適合一人享用。肉燥飯 $25香軟白飯淋上大量滷汁，唔洗再加餸已經好夠味，醬汁與豬肉一起熬煮後帶骨膠

圓山台灣料理在尖沙咀美麗華廣場旁, 餐廳環境都幾大, 坐得舒適。這次到訪, 除了是因為想吃台灣料理外, 更因為是平時的牛肉麵、炸雞扒已經吃到厭, 而且長輩們又想坐得舒服D, 見好評甚高, 所以就揀了這裡。炒海瓜子新鮮貝類十分香甜可口, 吃起來口感較脆、腥味較淡, 海瓜子的肉較肥厚，適合用於蒸煮或是汆燙後加蒜頭、九層塔、辣椒一起熱炒, 鹹鮮味十足，香氣撲鼻三杯雞超級下飯的三杯雞, 醬汁鹹中帶甜，有九層塔及黑麻油的香氣之餘又有米酒香，帶有光澤的雞肉色澤誘人, 湯汁香醇， 入味又不乾柴, 雞件鮮美嫩滑且惹味, 肉質不乾澀之餘, 嫩又入味。台灣滷肉滷肉是台灣經典傳統小吃, 這次叫了是一件件上的滷肉, 帶皮的五花肉雖帶點肥, 但肉滷得嫩又入味, 香噴噴滷肉與醬汁澆淋於豆腐上, 肉鮮醬香, 非常美味。五味鮮魚五味鮮魚有點像上海菜中的松子魚, 先把原條桂花魚炸一炸走一走油，再淋上酸酸甜甜的醬, 桂花魚炸得剛好不過老, 魚肉仍然保持鮮嫩, 沾五味醬享用,味道脆而鮮甜。

圓山台灣料理，屹立尖沙咀好多年，但今日先有機會一試。餐館正正在美麗華商場隔離，要上一層樓梯先到。餐館平日都幾多人光臨，裝潢、燈光都新淨。仲有大電視睇。餐廳有散叫，又有不同種類套餐選擇，見套戲幾抵食，就叫左個「超值風味自選套餐」-自選四道風味菜($328)：三杯雞蚵仔煎台灣滷肉水煮桂花魚(升級價-$198）三杯雞-用瓦煲煮的🐣，特別香，醬料足，色水深，呢度d肉出奇雞肉沒會鹹，好味！一場黎到台灣餐廳，點品少得叫蚵仔煎！同港式蠔餅有點不同。呢度蠔仔好大隻，用好多雞蛋煎蠔餅，煎到夠金香，配有醬料，但就咁食已經好夠味道！滷肉件件好大件，肥膏&肉比例50:50，完全比例~ 水煮魚超級大碗，外面滿蓋辣椒、花椒，又有青瓜、薯粉，夠麻又惹味。

內地親友趁住新年節假期專程到港一同團年，作為東道主當然要招呼下佢地啦。所以一收工就過黎尖沙咀匯合佢地。見佢地一袋二袋咁滿載而歸即刻提議食個晚飯先，費事大家餓親。所以帶左佢地黎圓山，一來係質素唔錯，二來係有傳呢度係明星們嘅私家飯堂，睇下會唔會有機會撞到一個半個咁啦。一行五人但又唔算太肚餓，所以點左個４人套餐再點多個餸就啱啱好。先黎係台灣滷肉，五花腩肥瘦層次分明，煮得入味而且一啲都唔油膩。因為肥肉嘅油分逼晒出黎，令到腩肉食落鬆化又惹味。台式蚵仔煎，蠔仔分量好多而且粒粒都飽滿鮮味，混合蛋餅及香蔥，既有蠔仔軟嫩嘅口感又有爽脆蔥花，味道好紮實。阿里山桂竹荀，竹荀爽脆又夠嫩無渣，因為本身味道清淡，所以配上豆瓣醬調味。食落豆瓣醬嘅辛香辣味配合得宜但又唔會太濃嗆。拼盤三味：鹽水鴨／蠔油生腸／麻辣鴨舌。蠔油生腸完全無豬羶味，簡單以油鹽水煮熟但味道十足，食落冰凍爽口。麻辣鴨舌及鹽水鴨都係凍食，鴨舌比想像中無咁辣反而係甜甜麻麻的好過癮。而鴨肉則結實有咬口，味道有淡淡嘅酒味愈咀嚼鴨肉味愈出，兩樣都好啱做佐酒菜。基隆花枝羹，微酸微甜微辣的五味雜陳。材料豐富之餘花枝又夠彈牙加上湯羹濃稠度啱啱好，食下食下又一碗咁好

之前同男友食過呢度嘅2人午市商務餐，對極品流沙包一試鍾情。今日相約男友跟好友再次光臨，3個人叫咗個4人餐，可以係餐紙上選3個點心，3個小菜同1個飯或者麵，另外餐跟一個燉湯同甜品。一開始先來燉湯，今日係椰子雪耳燉雞， 個湯好好味，夠濃，唔係清水咁之後就上台灣滷肉， 呢個肉唔太鹹，滷水味重，但略為失色係啲肉炸過，唔夠鬆，邊位較柴身。再嚟係鹽酥雞， 呢個雞口味較淡，個味再重啲會出色啲。再嚟就係豆瓣魚，魚欠缺鹹味，雪味較重，都幾失望。之後就到咗點心出場，我要咗必食極品流沙包，朋友要咗佢至愛小籠包同蝦餃。流沙包依然流沙，餡料重牛油同鹹蛋味，出面好難食到，只係今日個包皮差咗啲，唔夠軟，怕係蒸耐咗，有點失望，所以忍唔住同經理反映。再嚟就係炒新竹米粉，呢個米粉冇咩鑊氣，朋友唔太鐘意。最後甜品今日係南瓜西米露，呢個唔錯，唔太甜，讚呀!今餐整體冇第一次食咁有驚喜，可能因為流沙包失色，希望下次再食會好返啲! 是次餐費為450蚊，算係抵食。

近年「檸茶」是台灣的常客，喜歡當地的文化、風情和親切感，當然美食亦是重要的一部份，尤其於香港可找到的台灣菜店子實在不多 (除了近年大熱的珍珠奶茶和牛肉麵外)，知道]圓山關閉多年後於尖沙咀重開，又剛好得到食友素素的邀請，自然一口答應赴會。當日一行多人試了很多的菜式，就讓「檸茶」這個台灣常客來重點分享一下幾道台式食品吧。 麻辣鴨舌 － 是到台灣旅行的手信熱門之選，這裡的鴨舌賣相竟然跟當地名店老天祿一樣，是連著整個舌頭骨架上來的，很有親切感。吃起來辣味十足，非常惹味，可解「思台之苦」。 蛋黃小卷 － 賣相吸引，看起來像雞蛋片，但原來「蛋白」部分是魷魚來的；中間蛋黃則混入了蠶豆，增加了小卷的色彩；味道方面，魷魚配上蛋黃的組合，口感自然有對比，兩者加上蠶豆出來的味道效果亦不俗，是值得推介的一道小吃。 蛋黃肉 － 另一道蛋黃菜式，卻是到台灣旅行也較少見到或給人點選的菜式，來到餐廳看到差不多每一檯都點選，我們當然不會錯過。菜式賣相吸引，上層是「蛋黃」，下層是「肉」，肉質不俗，但味道不是預期中的鹹，而是甜甜的，與鹹的蛋黃混來一起吃效果不俗，但肉餅方面則略嫌少了些肥肉，可能店方是顧及顧客健康的緣故？