Video
Read full review
2018-02-27
421 views
內地親友趁住新年節假期專程到港一同團年，作為東道主當然要招呼下佢地啦。所以一收工就過黎尖沙咀匯合佢地。見佢地一袋二袋咁滿載而歸即刻提議食個晚飯先，費事大家餓親。所以帶左佢地黎圓山，一來係質素唔錯，二來係有傳呢度係明星們嘅私家飯堂，睇下會唔會有機會撞到一個半個咁啦。一行五人但又唔算太肚餓，所以點左個４人套餐再點多個餸就啱啱好。先黎係台灣滷肉，五花腩肥瘦層次分明，煮得入味而且一啲都唔油膩。因為肥肉嘅油分逼晒出黎，令到腩肉食落鬆化又惹味。台式蚵仔煎，蠔仔分量好多而且粒粒都飽滿鮮味，混合蛋餅及香蔥，既有蠔仔軟嫩嘅口感又有爽脆蔥花，味道好紮實。阿里山桂竹荀，竹荀爽脆又夠嫩無渣，因為本身味道清淡，所以配上豆瓣醬調味。食落豆瓣醬嘅辛香辣味配合得宜但又唔會太濃嗆。拼盤三味：鹽水鴨／蠔油生腸／麻辣鴨舌。蠔油生腸完全無豬羶味，簡單以油鹽水煮熟但味道十足，食落冰凍爽口。麻辣鴨舌及鹽水鴨都係凍食，鴨舌比想像中無咁辣反而係甜甜麻麻的好過癮。而鴨肉則結實有咬口，味道有淡淡嘅酒味愈咀嚼鴨肉味愈出，兩樣都好啱做佐酒菜。基隆花枝羹，微酸微甜微辣的五味雜陳。材料豐富之餘花枝又夠彈牙加上湯羹濃稠度啱啱好，食下食下又一碗咁好
台灣滷肉
17 views
0 likes
0 comments
一行五人但又唔算太肚餓，所以點左個４人套餐再點多個餸就啱啱好。先黎係台灣滷肉，五花腩肥瘦層次分明，煮得入味而且一啲都唔油膩。因為肥肉嘅油分逼晒出黎，令到腩肉食落鬆化又惹味。
台式蚵仔煎
18 views
0 likes
0 comments
阿里山桂竹荀
31 views
0 likes
0 comments
麻辣鴨舌／鹽水鴨／蠔油生腸
42 views
0 likes
0 comments
蠔油生腸完全無豬羶味，簡單以油鹽水煮熟但味道十足，食落冰凍爽口。
麻辣鴨舌及鹽水鴨都係凍食，鴨舌比想像中無咁辣反而係甜甜麻麻的好過癮。而鴨肉則結實有咬口，味道有淡淡嘅酒味愈咀嚼鴨肉味愈出，兩樣都好啱做佐酒菜。
基隆花枝羹
22 views
0 likes
0 comments
台式黃花魚
25 views
0 likes
0 comments
台式黃花魚。將原條黃花魚片肉炸熟，再淋上酸甜醬做法同廣東菜嘅松子魚差不多。火候控制得啱啱好令到魚肉表面香脆，內面仲係鮮嫩滑溜。配上酸甜醬汁減低油膩感同埋一定要食埋個炸蒜片，增加香味口感。
肉燥飯
13 views
0 likes
0 comments
肉燥飯油香同甜度都適中，肉粒全部切到四四方方睇得出係純手工出品。肉燥食落仲有少少黏口有膠質，可見滷煮時間有返咁上下，與白飯撈均送入口真係好滋味。
流沙包／紅棗糕
18 views
0 likes
0 comments
雖然最後都見唔到明星，但食物質素咁好，親友都食得好滿足。希望到時封利是大封啲就得了。
Post
