One & A Half

Open Now

Now Closed

好少去Yoho Mall，難得入嚟梗係要搵間非連鎖嘅餐廳試吓，揀咗呢間西日fusion 嘅餐廳。打開餐牌小食、主菜同甜品選擇都唔少，飲品都有好多款可以選擇。部份主食可以加錢轉套餐，我哋就揀咗主食-燒雞髀佐京都辣汁（$108）再加$59配小食吉列蜆肉飯團同Iced cappuccino，燒雞髀本身無跟飯麵，如果加配白飯就$18，如果配稻庭烏冬、蕎麥麵同炸薯就加$28。燒雞髀外脆內嫰，京都辣汁亦都好惹味，送飯一流！燒雞髀本身跟咗沙律菜配芝麻醬，可以解解膩。跟餐小食-吉列蜆肉飯團即叫即炸， 熱辣辣帶軟糯嘅口感幾特別。Iced cappuccino 嘅咖啡味比較濃唔會過重奶味，啱我口味。另外再單點左杯凍特濃朱古力（$50）呢杯飲品好有驚喜，香濃嘅朱古力奶上面有座好滑嘅朱古力cream mountain，好滑好香！朱古力迷必點！Banoffee 餡餅炸彈蛋糕（$88）特登留肚都係為咗食呢個甜品，材料有香蕉醬、拖肥脆餅、朱古力奶酥、焦糖香蕉同棉花糖，成個甜品嘅概念係嚟自我好鍾意嘅banoffee pie，一食落去有好豐富嘅口感，所有配搭好夾，食得好滋味！整體嚟講對呢間餐廳嘅食物都滿意，甜品同飲品特

One & A Half地址: 元朗元龍街9號形點1期2樓2058號舖電話: 23886661🔹🔹🔹🔹🔹🔹🔹🔹🔹🔹🔹🔹行開形點，見到一間新開嘅餐廳，門面幾別緻。門口仲用張好大嘅甜品餐牌吸精，雪糕嘅魔力好順利地吸咗我入去。餐廳做日式fusion 嘅。心大心細乜都想食，所以叫咗個set 又有嘢飲又可以試小食。仲加咗甜品添。💫燒雞髀佐京都辣汁（$108）燒雞髀個皮好脆無肥膏好乾身，夾埋個京都辣汁好野味。佢幫我均衡飲食呀，因為俾咗好多沙律菜😄。食完覺得唔肥😁跟餐+（$59）有一樣小食及咖啡或茶我揀咗👇🏻💫吉列蜆肉飯團（2件）外面炸到好脆睇唔出係飯黎架，要咬開先見到飯粒。💫凍特濃朱古力（$50）唔跟餐 另外嗌嘅真係好濃，不是稀嘅奶水。雖然面果層朱古力cream睇落好heavy, 不過真係好滑，忍唔住不經不覺就食晒 🙈🙈。以為飲完會好膩好飽，都唔會。佢分量適中。💫餡餅炸彈蛋糕（$88）好重牛奶味嘅雲呢拿雪糕 淋上香蕉醬、入面有拖肥脆餅、朱古力奶酥，仲有焦糖香蕉同棉花糖伴碟。夾埋一齊食外軟內脆，好有咬口。啱晒雪糕🍨怪嘅我😋環境好靚，甜品好好食，不能錯過嘅打卡Cafe👍🏻整體好食指數：🤤🤤🤤🤤🤤（5/

咁啱黎開呢頭就想試下d新餐廳，最後揀咗呢間裝修幾有氣氛嘅日式fusion餐廳。不過原來入面d位都幾迫，枱都好細張，略嫌坐得唔太舒適。打開餐牌都算幾多選擇，除咗主菜之外，甜品同飲品種類都好多，而且賣相都好吸引。我哋兩個人食，order咗香煎鱸魚配大根鱸魚湯、松露咖啡烏冬、香煎雞髀肉、吉列蜆肉飯團，主食可以加$49配埋湯同飲品，價錢尚算合理，而且湯味道都唔錯整體食物質素一般，但上菜速度真係慢到一個點，每上完一樣食物基乎都要等半個鐘先黎第二碟明明係前菜嘅飯團結果最後先到！原本想留肚食甜品，但等太耐已經冇晒mood🤦🏻‍♀️香煎鱸魚配大根鱸魚湯 - 湯底偏咸，大根好甜，鱸魚不過不失，但份量略嫌太少，主食黎講跟個白飯會更佳。松露咖啡烏冬 - 幾欣賞呢個菜式，咖啡味嘅烏冬真係第一次試上層係蛋白梳乎厘，下層係熱辣辣嘅烏冬，咖啡味都算香濃，但食得多會有d膩。香煎雞髀肉 - 呢個真係性價比極低雞髀肉一d都唔新鮮，而且鞋恰恰咁，唯一讚嘅係個汁少少辣都幾惹味。吉列蜆肉飯團 - 煙煙韌韌都幾有咬口，不過味道就冇乜太大驚喜。