One & A Half

Open Now

Now Closed

咁啱黎開呢頭就想試下d新餐廳，最後揀咗呢間裝修幾有氣氛嘅日式fusion餐廳。不過原來入面d位都幾迫，枱都好細張，略嫌坐得唔太舒適。打開餐牌都算幾多選擇，除咗主菜之外，甜品同飲品種類都好多，而且賣相都好吸引。我哋兩個人食，order咗香煎鱸魚配大根鱸魚湯、松露咖啡烏冬、香煎雞髀肉、吉列蜆肉飯團，主食可以加$49配埋湯同飲品，價錢尚算合理，而且湯味道都唔錯整體食物質素一般，但上菜速度真係慢到一個點，每上完一樣食物基乎都要等半個鐘先黎第二碟明明係前菜嘅飯團結果最後先到！原本想留肚食甜品，但等太耐已經冇晒mood🤦🏻‍♀️香煎鱸魚配大根鱸魚湯 - 湯底偏咸，大根好甜，鱸魚不過不失，但份量略嫌太少，主食黎講跟個白飯會更佳。松露咖啡烏冬 - 幾欣賞呢個菜式，咖啡味嘅烏冬真係第一次試上層係蛋白梳乎厘，下層係熱辣辣嘅烏冬，咖啡味都算香濃，但食得多會有d膩。香煎雞髀肉 - 呢個真係性價比極低雞髀肉一d都唔新鮮，而且鞋恰恰咁，唯一讚嘅係個汁少少辣都幾惹味。吉列蜆肉飯團 - 煙煙韌韌都幾有咬口，不過味道就冇乜太大驚喜。