Video
Read full review
2015-02-04
4000 views
有啲人食嘢要講心情（心理），有啲人食嘢就要講狀態（身理），但對住新鮮即開生蠔，好多人就會毫不講理，一餐飯十隻八隻都只喺小事一樁。近年，一間又一間嘅蠔吧加入戰團，就算唔喺主打蠔吧嘅餐廳，一樣加設生蠔供應，有人睇為競爭大咗，其實，亦喺將生蠔推得更普及 。今晚，跟朋友嚟到私竇格局嘅樓上店Su Casa，一方面細味鮮蠔，另一方面品嚐多款歐陸菜。雖然話佢私竇格局，都只限門面，門面確實低調得很。入內所見，裝修骨子，設計簡單，無乜花巧；樓底算唔上好高，但勝在枱櫈又排得唔密，空間感足。既然店名用上「Oyster Bar」，就梗喺有備而戰，睇一睇個生蠔餐牌，一共有18款生蠔選擇 ，產地來自美國、南非、愛爾蘭、蘇格蘭、西班牙、紐西蘭、澳洲、法國……等地，視乎來貨供應，每隻賣$55-$72，但相信滿足到大部份「蠔」客。此外，若非淺嚐，有心想試多啲款式嘅，生蠔拼盤應該合你心水 ，$528已包10隻生蠔（任揀5款）、兩隻翡翠螺及兩杯餐酒。 自選生蠔 一大盆冰鎮即開新鮮生蠔，隻隻肥大肉厚，真喺甚有氣勢，當中由檸檬角順時針數起，由淡至濃，分別喺西班牙嘅Arousa、法國嘅Mermaid、White P
雖然話佢私竇格局，都只限門面，門面確實低調得很。入內所見，裝修骨子，設計簡單，無乜花巧；樓底算唔上好高，但勝在枱櫈又排得唔密，空間感足。
既然店名用上「Oyster Bar」，就梗喺有備而戰，睇一睇個生蠔餐牌，一共有18款生蠔選擇 ，產地來自美國、南非、愛爾蘭、蘇格蘭、西班牙、紐西蘭、澳洲、法國……等地，視乎來貨供應，每隻賣$55-$72，但相信滿足到大部份「蠔」客。此外，若非淺嚐，有心想試多啲款式嘅，生蠔拼盤應該合你心水 ，$528已包10隻生蠔（任揀5款）、兩隻翡翠螺及兩杯餐酒。
自選生蠔 一大盆冰鎮即開新鮮生蠔，隻隻肥大肉厚，真喺甚有氣勢，當中由檸檬角順時針數起，由淡至濃，分別喺西班牙嘅Arousa、法國嘅Mermaid、White Pearl及Gillardeau共4款，每款3隻，開蠔乾淨俐落，配以檸檬角、茄醬、紅酒醋及芥末醬油作為佐料。
自選生蠔
69 views
0 likes
0 comments
Arousa (Spain) $62蠔味較清淡，海水味輕，易入口，蠔身嫩滑而帶點黏，感覺輕盈。
Mermaid (France) $68蠔味清甜，亦都喺口感帶黏，海水味相對濃，但又唔會太鹹，似乎較受女士歡迎。
White Pearl (France) $72外形較修長，蠔味越食越甜，且散發濃郁海水味，口感爽脆，屬重口味嘅選擇。
Gillardeau (France) $72體形較大，唔單蠔味濃郁，海水嘅鹹味亦喺較重，口感同以爽脆為主，個性強嘅款式。
講到其他菜式，餐牌內仲有好多選擇，有小碟形式嘅頭盤菜，大大份嘅共享拼盤，還有湯類、意大利飯、意大利粉、薄餅、主菜及甜品，完全無需擔心無選擇。
吉列西班牙辣肉腸釀蘑菇 $88 頭盤菜「小碟」其實都唔細碟，定價由$78-$98，最正喺可以用優惠價$268任選3款，而$428則可可揀夠5款，不過，著唔著數要睇你揀咩。釀蘑菇一客有6粒，西班牙辣肉腸切粒再釀入蘑菇內，以吉列處理。外層非常脆口酥香，又唔油，蘑菇軟綿，藉辣肉腸增加鹹香味，佐料嘅沙律醬一啲都唔馬虎，溝咗酸瓜粒同洋蔥粒，味道更豐富 ；就連伴菜嘅薯蓉，都做得幼滑好食。
吉列西班牙辣肉腸釀蘑菇
$88
64 views
0 likes
0 comments
白酒羅勒煮蜆 $98 啲蜆非常大隻，送上枱已聞到陣陣香草味。入口蜆肉肥美鮮甜，肉質有嚼勁，但又唔會好似「擦紙膠」咁韌，而且，滲出淡淡白酒及羅勒幽香，有水準 。
白酒羅勒煮蜆
$98
55 views
0 likes
0 comments
雖然同樣加入白酒，但配以忌廉嚟煮，個汁嘅味道會帶濃一點，青口質素OK，，但相比之下，小弟鍾意啲大蜆多啲。以上兩道菜，配點法包蘸汁嚟食，唔嘥之餘，相信效果幾好。
白酒忌廉煮青口
$98
42 views
0 likes
0 comments
餐廳嘅湯類只有3款：黑松露雜菌忌廉湯、龍蝦湯及蠔湯，但牌面見，絕對喺精選中嘅精選，邊一款湯都想飲。個湯本身除咗蠔味濃郁外，質感濃厚滑溜，啖啖生蠔精華，而湯中仲放有一大隻生蠔，可以錦上添花，唯個湯有少少偏鹹 ，否則，可以稱得上完美之作。
蠔湯
$78
35 views
0 likes
0 comments
龍蝦意大利飯 $178 意大利飯一向喺小弟「飛弗」，加埋龍蝦，未食先興奮啦。啲飯粒真喺煮得恰到好處，軟軟而帶有煙韌口感，所有飯粒都沾滿海鮮龍蝦汁，配以鮮爽嘅龍蝦肉，刨埋幾片巴馬臣芝士，「味」力沒法擋！
龍蝦意大利飯
$178
36 views
0 likes
0 comments
個意大利飯好得，薄餅又點？個薄餅屬「餅乾」底，薄薄脆脆得嚟唔會太過得陣風；而餡料有大量雜菌，莫薩里拉芝士，以及主角黑松露醬，食落菌香及芝士香晌口腔內一拼大爆發，批底又有口感，絕對唔比啲薄餅專門店做得遜色 。
黑松露雜菌薄餅
$158
36 views
0 likes
0 comments
自從上次舊年初晌九龍珀麗酒店嘅星域酒廊食過火焰雪山，都好耐無再遇上，因為製作有點麻煩，又唔可以一早整定。其實，對於火焰雪山依道懷舊甜品，好好味又唔算得，但倒酒點火嗰一刻又幾吸晴嘅。外層嘅蛋白稍微焗過後再經過火燒，半點焦香，半點煙韌；而內裡嘅海綿蛋糕夾著Movenpick朱古力、士多啤梨及雲呢嗱蛋糕，走點兒時嘅感覺 。
火焰雪山
$118
52 views
0 likes
0 comments
整體而言，生蠔或凍海鮮多選擇，用餐環境唔錯，服務熨貼到位，店員對菜式亦好了解，最好就喺無加一嘛 ！遇上特別慶祝，跟家人或朋友嚟依度都喺個上好嘅選擇。
Post
