Mashi No Mashi

Open Now

Now Closed

去到要自助order嘢食先，買完就會有個排隊號碼，到時店員就會嗌number俾人入去，完全係日式餐廳嘅運作style。小編星期六12:30去，等咗半個鐘就入得，都算快架喇，始終係人氣餐廳！入去係一個open kitchen，店員會即整你嘅order，上菜時會擺pose俾你影相先，都幾fun~ 個人比較鍾意食和牛丼飯多啲，比想像中細碗，但已經好夠飽！和牛十分軟熟易入口，再加上蛋撈埋嚟食真係無得頂🤤而沾麵都好食，只係因為叫咗冷沾麵，食落覺得如果熱啲就好，不過朋友覺得冷沾麵好食啲，所以都係睇你個人口味😆▪️和牛丼飯 $180 ▪️和牛沾麵 $165

終於去咗呢間人氣和牛店Wagyumafia旗下品牌朝聖，餐廳主打和牛沾麵，上菜時師傅會擺個招牌pose記住準備好影相🤣📸整體味道唔錯，和牛味香濃，值得一試。店內只有bar枱幾個位，堂食就要等耐少少。————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀🍜和牛沾麵 $150麵質標準粗幼，沾麵麵汁濃郁偏鹹，用上純和牛骨餚足24小時，有驚喜嘅喺麵汁入面有和牛粒，牛肉味非常香濃😍 食到最尾麵汁略為變凍，所以如果大家怕食凍嘅沾麵就可以選擇熱麵。和牛以低溫烹調，所以肉質保持到嫩滑又有香濃牛味同油脂味🤤糖心蛋夠入味但未算係太流心，有少少扣分😢⁣🐮和牛丼飯 $180薄切和牛用咗火槍火炙，食落帶有焦香味，飯底吸滿和牛肉汁同和牛肉粒，再撈埋蛋汁好juicy，但份量比較少。🥟和牛餃子 $120餃子煎得香脆，食落有濃濃和牛香味。💡味道：🌕🌕🌕🌕🌑⁣⁣⁣⁣⁣⠀💡環境：🌕🌕🌕🌗🌑⁣⁣⁣⁣⁣⁣⁣⠀⠀💡服務：🌕🌕🌕🌗🌑⁣⁣⁣⁣⁣⁣⁣💡性價比：🌕🌕🌕🌑⁣⁣⁣⁣⁣⁣⁣🌑