Video
Read full review
2024-10-24
472 views
《特製和牛🐮沾麵🍜》香味 (4/5) - 沾汁嘅香味非常夠，主要聞到嘅係鰹魚汁，同少少黑椒嘅香味，相當好聞，令人馬上流口水。沾汁 (4/5) - 濃稠度夠，味道有d似日式壽喜燒汁同西式燒汁嘅混合體，鹹度我覺得剛剛好，完全係我理想中沾汁嘅䶢度。順帶一提，個沾汁係頗甜，唔係一味齋鹹，可能因為佢想呈現壽喜燒汁嘅風味。牛肉味唔算好強，但都算有。而且，沾汁入面都頗多料架喎，有唔少牛肉粒。麵條 (3.5/5) - 中太麵與太麵中間啦，都算粗。個麵睇落係加左頗多比重嘅全粒小麥粉，麥味都算夠。不過呢，佢個鹼水味係頗重，如果唔喜歡鹼水味嘅朋友要注意返。掛湯方面，因為本身個湯都夠濃稠，所以效果都幾理想。沾晒d麵落去食就剛剛好，先係甜味，鹹味，鰹魚味，再牛肉味。配料 (4/5) - 是咁的，既然叫得和牛沾麵，塊和牛理所當然係主角。然而，塊和牛係非常之西式，極之似會响西式自助餐入面，即叫即切嗰種牛扒🥩。肉質係嫩滑，有少少煙燻過嘅味道，牛肉味係夠。如果以和牛嘅期望去食，可能會有d覺得格格不入，不過因為明顯地嘅間店係食 fusion，所以我認為和牛部份算唔錯，而且有兩大塊，交足貨。估佢唔到嘅係，除左和牛外，最好食
特製和牛🐮沾麵🍜
$185
12 views
0 likes
0 comments
香味 (4/5) - 沾汁嘅香味非常夠，主要聞到嘅係鰹魚汁，同少少黑椒嘅香味，相當好聞，令人馬上流口水。
沾汁 (4/5) - 濃稠度夠，味道有d似日式壽喜燒汁同西式燒汁嘅混合體，鹹度我覺得剛剛好，完全係我理想中沾汁嘅䶢度。順帶一提，個沾汁係頗甜，唔係一味齋鹹，可能因為佢想呈現壽喜燒汁嘅風味。牛肉味唔算好強，但都算有。
而且，沾汁入面都頗多料架喎，有唔少牛肉粒。
麵條 (3.5/5) - 中太麵與太麵中間啦，都算粗。個麵睇落係加左頗多比重嘅全粒小麥粉，麥味都算夠。不過呢，佢個鹼水味係頗重，如果唔喜歡鹼水味嘅朋友要注意返。
掛湯方面，因為本身個湯都夠濃稠，所以效果都幾理想。沾晒d麵落去食就剛剛好，先係甜味，鹹味，鰹魚味，再牛肉味。
配料 (4/5) - 是咁的，既然叫得和牛沾麵，塊和牛理所當然係主角。然而，塊和牛係非常之西式，極之似會响西式自助餐入面，即叫即切嗰種牛扒🥩。肉質係嫩滑，有少少煙燻過嘅味道，牛肉味係夠。如果以和牛嘅期望去食，可能會有d覺得格格不入，不過因為明顯地嘅間店係食 fusion，所以我認為和牛部份算唔錯，而且有兩大塊，交足貨。
估佢唔到嘅係，除左和牛外，最好食嘅係荀同椰菜。
先講荀，我大膽地講，佢係我食過所有荀當中最好的！非常，係非常地脆口，荀味濃郁，而且，完全冇渣，真係經一事，蔡一智，原來荀都可以咁好食！
荀
26 views
0 likes
0 comments
再來係椰菜，非常爽脆甜！如果你有睇黑白大廚，安主廚最睇重嘅係咩？就係蔬菜嘅生熟度，呢堆椰菜完全係完美呈現椰菜應有嘅美味，掂呀！！
椰菜
9 views
0 likes
0 comments
溏心蛋部份，跟半隻，真係有d小氣，咁貴嘅定價，竟然跟半隻蛋！味道都夠，蛋白有入味，主要係味醂嘅味，蛋香係夠嘅。不過如下圖，生熟度有d偏熟，我唔太鍾意，生少少會更好。
海苔部份，係差！齋睇個樣，以為佢好勁，但，又腍又靭，就咁食係咬唔開！個海苔冇為左碗麵加添任何分數，極其量只係打卡會靚d。
到最後，加埋湯，享受埋拉麵狀態下嘅口感同味道，我係 enjoy 食到最後一刻，清晒！
整體 - 值得推薦 👍👍👍👍 不過大前提係，你要知道佢係 fusion 風味，唔係齋和風，而且定價稍貴。
順帶一提，可能係 SOP，廚師上個麵嘅時候，會做個動作，好似以下幅圖咁。不過廚師係一個菲律賓籍嘅大姐，我當時感覺係：快d放低碗麵啦。有d老尷。
Post
