Burger's Friend Forever (MONTEREY Place) (Closed)

喺將軍澳南shopping到餓餓地就入左去BFF食個下午茶😋😋漢堡種類好多，最後選擇左食和牛漢堡$90，價錢唔平，但漢堡質素非常高！對得住個價錢！首先，和牛漢堡係一個好簡單既漢堡包，無多餘既醬、蕃茄生菜青瓜等。一切落去塊和牛扒度就知佢咩料，Juicy到爆！！d汁多到流出黎！牛味又重！超正！！個包都正！下面塊包邊香脆，包芯鬆軟有麥香、仲帶點甜味，呢種甜味令我喜出望外😍😍上面塊包仲要係成塊都脆的！呢個和牛漢堡正好印證到：一個好嘅漢堡係唔需要靠醬汁嫁！🥳🥳🥳

其實我好鍾意食漢堡包🍔十次食麥記九次都係食巨無霸不過麥記既味道都已經習以為常🤣唔會有驚喜間中都要出去刺激下味蕾 過下burger癮！正所謂～包病還須包藥醫😌小店為半自助形式👍🏻檸檬水、即棄手套、餐具、調味都有齊播住輕快既英文歌Ok 又要跟住un 🕺🏻🤣先落單付款 後會有職員送餐不加一服務費✨侯斯頓漢堡 $76漢堡包好厚身，略為烘過一定又香又脆😆有紫洋蔥、蕃茄、生菜、芝士、煙肉等配菜，我至鍾意佢無將牛肉打得太爛，仲係睇到一絲絲肉既纖維組織，食落唔會粉，而且激juicy激多肉汁激多油脂，係邊食邊流落黎果隻🥰鮮嫩無比無筋位，bbq醬汁雖然惹味，但蓋唔過果陣牛肉香😋用左100%全天然美國安格斯牛肉果然係唔同啲！✨和牛漢堡 $90估唔到burger 都有和牛食😳煎至七八成熟既澳洲和牛相對更濃更香，依然見到一絲絲肉既纖維組織，口感一定比平時既漢堡扒更佳😍外層被煎封成功鎖住肉汁👍🏻內裡肉質嫩滑又鬆軟，眼見肉汁同油脂都互相輝映，加上輕輕燒過面頭芝士及炸洋蔥絲，口感及味蕾都非常享受，少見會配搭豆苗芽，解膩又清新，簡單既配搭已經無得輸🤤🤤

應該有唔少人r晒頭，點解個title會語帶雙關咁有兩個BFF😂 第一個係fd既意思，第二個就係呢間鋪頭既名啦～ 整體環境唔錯，唔會好迫，幾光猛，裝修係行簡潔工業風，加埋啲rock既背景音樂，幾好坐同埋有休閒既feel！另外仲有手套🧤提供，唔洗整污糟手，幾貼心～加20蚊轉左set, 有薯條🍟 / 薯格🥨 / 沙律 🥗 + 汽水🥤，而今次同fd一齊叫左兩個set, 一個要薯條🍟，另一個要薯格🥨，食到好飽😋 如果過開黎呢邊既話可以試試佢😎(5 😍 係滿分，🤩係半分）和牛漢堡 🐮🍔 - $90 + $20 (set) (好味指數：😍😍😍😍🤩）牛肉係burger既靈魂😎 用左澳牛🐮果然係唔同啲，牛味重之餘超juicy，切開既時候已經見到啲肉汁流緊出黎，脂肪比較低，裡面係5-6成熟左右岩岩好，口感比較嫩滑！另外第一次食burger有苜蓿芽，原先怕豆芽太生會有草青味，但係呢次唔會，反而作為點綴令到個包清新左！而嗰層半溶芝士🧀同炸洋蔥🧅令到包既層次更加豐富啲，多左啲鹹香，同埋脆脆地既口感～ 同埋個包幾重牛油🧈香味，出面烘脆左香口又軟熟～ 另外薯條🍟既份量都幾多，外脆內軟，呢個粗度啱啱好，唔會好似幼嗰啲

將軍澳南真係開咗好多新食肆 每次去到都有選擇困難症🤣 今次就揀左呢間burger試下🍔 餐廳有手套提供 十分貼心 值得一讚👍🏻▫️至尊漢堡 ($98)包面烘得香脆 兩塊漢堡扒均採用100%全天然美國安格斯牛肉 十分Juicy🤤 配埋煙肉🥓 蛋🍳 生菜 蕃茄🍅 同埋芝士醬🧀 十分豐富😋 美中不足嘅係牛肉有少少筋 🤏🏻▪️和牛漢堡 ($90）7成熟嘅漢堡扒採用澳洲和牛 牛味相對較香濃🐄 咬落軟淋 上面鋪住一層半溶芝士 再配埋苜蓿芽感覺冇咁漏 更加清新😌▫️薯格+汽水 (+$20)卜卜脆嘅金黃色薯格薯味香濃🥔 炸得乾身 香脆可口✨ 食到停唔到口🤤

📍Burger's Friend Forever (將軍澳)將軍澳澳南海岸唐俊街23號MONTEREY Place 地下G22A號舖。。將軍澳海濱有一間好出名嘅手工漢堡包店，採用100%全天然美國安格斯牛肉以及澳洲和牛製作牛肉漢堡，口感同味道自然得到保證！而且附近環境夠relax，得閒過嚟行下食下高質漢堡真係一個唔錯嘅選擇！。。🔘和牛漢堡 | $90 (+$20升級套餐)評分: 🌕🌕🌕🌕🌑評語: 本身想試丹麥藍芝士漢堡，但”和牛”兩隻字實在太難以抗拒，所以最後都係揀左呢款和牛漢堡啦。事實都證明我係冇揀錯，漢堡一上枱已經有一陣好香嘅牛肉香味，和牛肉質比較細膩柔軟，油脂分布平均，所以食落口感已經係非常之好，加上漢堡煎至5至6成嘅生熟程度，外層鎖住肉汁之餘，粉紅色嘅內層仲保持到幼嫩嘅口感。再加上烘到脆一脆嘅麵包同炸到金黃嘅洋蔥，味道同口感都非常出色。。。🔘煙燻雞翼 | $42/5隻評分: 🌕🌕🌕🌕🌑評語: 用上BBQ醬汁製作，味道香濃，而且因為炸過嘅關係，外皮非常脆口，加上煙燻嘅處理程序，雞翼帶有一陣獨特嘅幽香。。。🔻100%全天然美國安格斯牛肉以及澳洲和牛🔻鄰近Donki，食完再行都得推介

成日以為將軍澳係美食沙漠，今次知道嗰邊近排開咗間某大型運動分店就入去行下，順道去搵下食😋~呢間餐廳環境走工業風，幾簡約，坐落幾舒服，食Burger仲有手套提供，咁就可以食得盡興啲啦~😎2. 🍔至尊漢堡 ($98) 成個漢堡好大個😝，我咬一啖都咬唔哂所有餡😂😂，要慢慢切嚟食😜 有2大塊好厚身嘅牛肉漢堡扒，未切已經不停流啲牛肉汁出嚟，超級juicy!😍😍，肉味幾濃，煎到五成熟，再加上煙肉🥓，帶出咸香，個Burger入面仲有熱溶的芝士、半熟煎蛋、洋蔥絲、生菜、蕃茄片，超級足料，大滿足!😍2. 🍔和牛漢堡🐮 ($90)選用了澳洲和牛做漢堡扒，肉質較上一個漢堡扒為軟腍少筋，煎到五成熟，食落一樣好juicy!😍 再夾咗啲炸洋蔥絲、用火槍燒過嘅熱溶芝士😈和沙律菜，食落好香又清新!😎P.S. 當天收銀的服務不算太好，另外，我地嗰日坐嗰張枱嘅天花板上面不停滴水落嚟，我放咗啲紙巾喺餐枱到先好啲，好驚會彈到啲食物🙈，呢個位有少少扣分🙊

將軍澳南覓食之旅發掘隱世美味Burger多款選擇 麵包香脆出色 餡料高質好味道-Finally some impressive non-chain restaurants in Tseung Kwan O! Since Donki opened near the seaside, there were so many restaurants newly opened nearby! The Fisherman Burgerman was surprisingly good! The super fresh and smooth fish inside the crispy and thin fried layer is wonderful! The fish is quite big and it goes well with the tomatoes, onion, cheese and greens. 🥰Besides, the fries are so nice! The cajun-like flavour is doing good for me and the you ca

< Burger’s Friend Forever >最近發現位於將軍澳南海旁附近開咗一間新嘅漢堡店所以吸引左身為burger 迷嘅我去到將軍澳南試下🍔******************************- 和牛漢堡 $90 🍔- 加配套餐 有皮薯條及Coke zero $20 🍟🥤******************************由地鐵站行5-10分鐘左右行到睇到Donki 就轉左再直行就見到依間Burger’s Friend Forever🍔啦店內設計得非常簡約舒服播住流行英文歌令小編都想跟埋一齊唱🙈- 和牛漢堡 一啖咬落去就有好多口汁流出黎🤩 仲要有和牛油脂香, 勁香勁juicy🤪 配合埋和牛漢堡扒上既半溶芝士, 油脂香加上芝士既鹹香味真係一流👍🏻另外有得加$20 就可以簡埋小食同汽水小編就簡左有皮薯條 🍟同Coke zero🥤薯條炸到岩岩好 份量又多 仲要好鬆脆 一d都唔淋🤩******************************整體黎講 Burger’s Friend Forever 絕對值得一試👍🏻食完仲可以行下海旁添🌊

將軍澳澳南海岸既餐廳愈嚟愈多，而且開左第一間既漢堡店，我同女友踩完單車決定試下呢間Burger’s Friend Forever（BFF)。漢堡店既裝潢充滿「粗礦」既味道，外露既管線、水泥牆身充分展現工業風既特性。- 黑松露和牛漢堡漢堡包偏甜，如果再脆少少就正😚，半溶既芝士完全覆蓋左塊和牛漢堡扒，BFF採用澳洲和牛，脂肪較低，肉香強烈。而且煎得恰到好處，口感濕潤。- 丹麥藍芝士漢堡🇩🇰丹麥除左藍罐曲奇之外，藍芝士都好出名㗎😝藍芝士偏向重口味，同一般mozzarella cheese既味道截然不同。加左焦紅洋蔥碎中和返藍芝士濃烈既味道。每款食材既size差唔多，所以每一啖都可以食曬所有食材。客人只要加$20/$28可以有埋小食同飲品。女友揀左薯格。BFF既薯格係我食過最香脆既，加左少少辣味仲好味。至於我就揀咗一口芝士，外脆內軟，我輕輕一咬 ，入面香滑既流心芝士即刻湧出黎😍雖然BFF有少少難搵，不過都係值得，漢堡店係將軍澳實在非常罕有，希望長做長有！

今日放工在將軍澳吃飯，這家餐廳裝潢簡約，石泥牆配上懸掛的燈泡，簡簡單單。餐牌所見，有各式漢堡，有素漢堡，也有肉漢堡，所有牛肉都採用美國安格斯牛肉或澳洲和牛製作。也有意粉和小吃，選擇很多。加$20可以配汽水和薯條、薯格或沙律。加$28可配蕃薯條或洋蔥圈或一口芝士。⭐️和牛漢堡$90這個漢堡的菜不多，有苜蓿芽和一片芝士，精髓在於厚厚的和牛漢堡。外層麵包烘得香脆，中心的芝士和牛肉肉汁滿瀉。咬一口，漢堡口感很棒，肉厚多汁，肉味濃郁，是最原始的肉香，，味道不錯！⭐️薯條有皮薯條炸得香脆，加上調味粉更可口。▫️漢堡包質素不錯，美味多汁，一點也不乾。

之前係將軍澳海傍行過見呢間新開嘅美式漢堡包🍔店，就決定同朋友試一試😜。.和牛漢堡（$90）和牛漢堡淨係聽個名已經非常吸引，一咬落去果然無令我感到失望，和牛嘅肉汁同埋牛味十足👍，而且肉質亦相當唔錯🤩。.藍芝士漢堡（$78）我朋友好鍾意藍芝士所以就叫左呢個漢堡😂，藍芝士嘅味道真係好濃郁，鍾意藍芝士嘅朋友一定要試下🤤。.配蕃薯條（$28）跟餐+$28仲可以食到我鍾意嘅蕃薯條，而個餐仲會跟一罐嘢飲添🥳。

係屋企附近行下，行到出天晉果邊見到有幾個細既新商場，雖然好多鋪都未開，但係都有開左既野，我同阿媽行行下想食完野先返屋企，甘岩搵到間裝修比較簡樸既漢堡包店，睇落好新下，吾係連鎖店，得閒都要試下小店既野食，支持下本地小店坐低左發現佢除左漢堡包之外仲有沙律意粉都有~但是我地見佢個名叫burger緊係要試下burger先得啦～我媽叫左個和牛漢堡連沙律套餐，套餐係加20蚊或28蚊，20蚊有薯條或薯格或沙律簡，再簡個罐裝飲品，一般罐裝飲品都有。我就簡左個候斯頓漢堡，睇落料都幾多下~好吸引人價錢方面吾係好貴，質量方面追得上，都係值得既講下個味道先，和牛漢堡真係和牛既好質感，好juicy又好好味，檯面有刀提供，如果要叉子要搵店員幫忙，切開佢黎食d肉汁會流出黎，牛肉味十足洋蔥方面我本來以為會好辣口，但是比想像中既好入口誒候斯頓漢堡就有煙肉同牛肉漢堡扒食落會比和牛既失色，但係都係有肉汁既相對黎講個牛肉味會無甘重。漢堡既包比較軟，店家好像有烘一下麵包，邊邊感覺比較脆口，都吾錯既質感講下套餐配既小食，薯格真係無得頂，好有厚度同好夠脆，就係蕃茄醬好像比較淡同埋比較稀一點，Tabasco 吾錯，酸酸辣辣。沙律都可