Video
Read full review
2019-02-28
688 views
今日朋友慶功，佢食過一次話OK咁打著高登主廚個名，怕扯都穩陣既而事實係...有名氣既野，你需要有心理準備就係過大期望分分鐘會出入有起伏首先呢個係頭盤面包，和牛片個面包不過不失，個牛骨髓牛油味道唔算太過突出算係有新奇但冇驚喜 2.9/5而個和牛片就一般般，我食到各種配料同醬汁既味，但和牛味我食唔出(我朋友話都食到和牛個種油香既...我唔識比反應佢) 2.8/5仲有一個頭盤我冇影到相上嚟水牛城雞柳，個feel同咕嚕肉差唔多只係味道冇甜酸，似係剪脆外層之後落少少辣味嘅雞柳條，而且四個人食比得個 三條，失敗 1.8/5分另一個頭盤豬肉批，我講笑話同聖X娜個隻比較下先旁邊係黃色芥末，加唔加就個人喜好不過口感其實OK既，係食唔到豬肉味咁解囉...而佢個隻紅蛋同紅蘿蔔係比醋處理過既比我有一種食緊醋蘿蔔既感覺，但材料變左紅蘿蔔整體黎講係尚可 2.3/5分主菜炭燒肉眼，威靈頓牛扒，慢烤豬肋骨講真呢個真係要好中立咁比意見首先炭燒肉眼係主菜入面最好食到炭燒既味道，而肉眼既肉味又唔會冇左配鹽更佳，5分滿分我會比3.9/5唯一問題係佢外層有點兒過左火，要切開有些少難度，亦做成口感有些少鞋口，但可接受威靈頓牛扒，
咁打著高登主廚個名，怕扯都穩陣既
而事實係...有名氣既野，你需要有心理準備
就係過大期望分分鐘會出入有起伏
和牛片
43 views
0 likes
0 comments
首先呢個係頭盤面包，和牛片
個面包不過不失，個牛骨髓牛油味道唔算太過突出
算係有新奇但冇驚喜 2.9/5
而個和牛片就一般般，我食到各種配料同醬汁既味，但和牛味我食唔出(我朋友話都食到和牛個種油香既...我唔識比反應佢) 2.8/5
仲有一個頭盤我冇影到相上嚟
水牛城雞柳，個feel同咕嚕肉差唔多
只係味道冇甜酸，似係剪脆外層之後落少少辣味嘅雞柳條，而且四個人食比得個 三條，失敗 1.8/5分
豬肉批
45 views
0 likes
0 comments
另一個頭盤豬肉批，我講笑話同聖X娜個隻比較下先
旁邊係黃色芥末，加唔加就個人喜好
不過口感其實OK既，係食唔到豬肉味咁解囉...
而佢個隻紅蛋同紅蘿蔔係比醋處理過既
比我有一種食緊醋蘿蔔既感覺，但材料變左紅蘿蔔
整體黎講係尚可 2.3/5分
炭燒肉眼，威靈頓牛扒，慢燒豬肋骨
58 views
0 likes
0 comments
主菜炭燒肉眼，威靈頓牛扒，慢烤豬肋骨
講真呢個真係要好中立咁比意見
首先炭燒肉眼係主菜入面最好
食到炭燒既味道，而肉眼既肉味又唔會冇左
配鹽更佳，5分滿分我會比3.9/5
唯一問題係佢外層有點兒過左火，要切開有些少難度，亦做成口感有些少鞋口，但可接受
威靈頓牛扒，作為呢間餐廳既招牌靈魂菜
但居然只可以令我比緊緊合格，實在有待改善
第一：如同大家既食評所講，個酥皮係唔夠熟的
估計係如果放入焗爐太耐，過火就會牛扒都衰埋而縮短焗既時間，做成酥皮唔夠鬆脆
第二：我完全估計唔到我食呢個扒，係要落佢個醬汁...一塊靚既牛扒，正常有鹽有黑椒，已經sure win，佢肉味唔知去左邊都算，個蘑菇既味道蓋返牛扒轉頭，喧賓奪主，如果唔係見到有紅色既肉我以為食緊蘑菇扒，不過個胡椒醬汁爭返D分數，不過不失啦，評分2.5/5
慢燒豬肋骨，講堅我以為食緊豬腳薑個種feel，佢個醬汁唔係平時一般食開既BBQ汁，而係甜酸偏甜既味道，佢係差在冇落薑，如果唔係個菜應該要改名叫豬腳薑風味豬肋骨，份量係好足夠，但味道唔多討好，為主菜敗筆之最，2.0/5分
太妃糖布丁
63 views
0 likes
0 comments
最後甜品埋尾，一開始點完主菜問外國侍應有冇甜品Menu，同我地講冇晒Menu入邊嘅甜品，但係有special心太軟甜品推介我哋，剩返2份，咁以為冇其他甜品就唯有叫佢個推介作為全晚既結尾
點知食晒主菜之後佢又攞返張Menu出嚟同我地講可以揀上面嘅甜品，真係俾佢吹到啤一聲，咁甜品係另一個胃黎既，所以都唔同佢追究，立刻order高登最愛-太妃糖布丁啦
首先個心太軟已經係影相之前落左五臟腑既關係，我只可以講下感想，心太軟比起坊間既做法，佢甜得黎唔太膩，而且完全冇苦味，濃得黎又唔會頂喉嚨，旁邊配一個朱古力碎重薄荷葉味雪糕黎清一清濃朱古力心太軟帶黎既漿口感，合格得黎又拉高好多分，驚喜震撼集於一身 4.0/5分
而圖片個太妃糖布丁，係全晚之冠
布丁有些少係焗爐提早攞左出黎，有D濕濕地，但唔算好大問題，至少成型
配上太妃糖醬+瑪利餅碎&少許果仁碎，食感無限，味道非常，只可惜我食左1/4，我女朋友就將剩返既3/4據為己有連太妃糖醬都一滴不留...
4.5/5分
成晚總結：頭盤同主菜真係有些少失望，但甜品將D分拉返曬，唔知剩係叫甜品會唔會比人打
成晚餐單：
頭盤：和牛片，豬肉批，水牛城雞柳
主菜：炭燒肉眼，威靈頓牛扒，慢烤豬肋骨
甜品：朱古力心太軟，太妃糖布丁
飲品：似嘉士伯嘅啤酒，蘋果汁，芒果汁
加埋一差唔多2.8K~3K落樓
Post
