燒肉 帝 (Closed)

食肉獸嘅我好耐冇喺餐廳食過燒肉，咁啱有次喺康城個邊做完嘢見到依間好似幾吸引，然後就決定入去試下🤩同同事一齊點咗個午市超特盛（二人前），佢有海鮮同燒肉揀，咁啱我地兩個都係食肉獸所以就揀咗燒肉🤪首先佢有個沙律同牛舌做前菜，沙律份量好多，而牛舌好淋同時好重牛味，好少食到咁高質嘅牛舌😋去到正餐方面，先有和牛肉眼，依個係套餐必有（即使海鮮都係）😆佢切咗4塊，餐廳職員好好服務，仲要幫我地燒咗頭幾塊教我地要點燒🥰和牛肉眼有個秘制蒜蓉汁，加埋一齊好完美！🤤和牛肉眼本身好重牛味，但醬汁不但冇掩蓋牛味仲要將味道昇華咗 真係好正😋😋而三角肩肉就好厚同好香口，口感好豐富，但唔會過份煙韌👍🏻好食到我覺得直頭可以食到兩碗飯🤣黑豚肉好有口感，比較煙韌但都好好味🐷比較少食橫隔膜，但燒肉 帝做得好好，牛味好重，最重要係脂肪分佈好平均，係最喜出望外嘅一款肉！最後個甜品係我最鐘意食嘅蕨餅，仲有黃豆同抹茶味😛講真雖然康城好遠，但依間值得我再過去encore!!🤙🏻地址：將軍澳康城路1號The LOHAS 3樓334號舖

住喺日出康城既朋友推介呢間日式燒肉店，又真係冇介紹錯。環境寬敞舒適，裝潢豪華，落地大玻璃外的優雅園境，十分開揚。午市超特盛2人前套餐可揀海鮮或燒肉盛合，今次揀左燒肉盛合，有4款肉可揀3款，揀左同三角肩肉。另外，每份套餐都已包括和牛肉眼120gm、日式蒸蛋、沙律、前菜、野菜煮物、飯、湯、甜品，非常豐富。店員會心講解每種肉所在部位同特質後，更為我哋示範燒其中2款肉，服務好好又夠專業。和牛肉眼油脂分豐富，入口即溶。橫隔膜肉味特別濃厚; 而三角肩肉就最有口感。黑豚燒到少少燶非常好味。套餐份量好足夠，又高質，同朋友食到好飽，又冇限時，邊食邊傾係個非常好既地方。

康城一個我完全未去過既地方🤣聽朋友介紹有一間性價比超高嘅燒肉身為燒肉愛好者嘅我當然要一探究竟同朋友叫咗二人餐，只需要$588就有午市超特盛二人前頭盤有沙律🥗好大碗，清新清甜味增湯🥩 前菜汁燒牛舌好入味。好淋，唔需要好用力去咬，有啲似牛腩但纖維又唔會攝牙罅🥩 主菜就當然係和牛肉眼·配秘醬油汁加牛油蒜蓉·入口即溶🤤仲有牛既香氣係口入面回香。有哥哥幫我地燒。燒得岩岩好。個醬汁仲建議我哋撈飯食🥩黑豚五花腩黑豚五花腩俾人嘅感覺唔係好油同埋好難咬，呢個唔會好韌，燒得啱啱好而且佢有秘製韓式醬汁食完點去非常之入味🥩橫膈膜三角肩肉成日燒呢一個都會黐住個網，侍應哥哥教咗我哋點樣燒真係一啲都唔似網仲要啱啱好，牛味好重其實唔使點醬只需要少少鹽都已經好好食🥩橫膈膜有口感，對比三國肩肉切得厚身啲，係我最鍾意嘅牛肉味，本身已經有醬汁，送飯一流蒸蛋用料非常之豐富，淡淡都係材料，湯汁鮮甜我最鍾意就係食蒸蛋㗎喇食多碗都冇問題野菜煮物全部蔬菜都非常之入味，每一啖都係湯汁甜品蕨餅其實食咗咁多嘢已經好飽，所以兩粒細細粒嘅蕨餅為呢一餐作圓滿嘅。果然又係令人回味既一餐🥰

燒肉帝 午市超特盛二人前 $588康城呢間燒肉帝推出燒肉盛合二人前 ，set 有燒肉/海鮮揀，咁既然佢叫燒肉帝，咁就當然揀燒肉啦～？肉4款揀3 款：分別有黑豚/橫隔膜/三角肩肉同雞肉；再包和牛肉眼，蒸蛋、沙律前菜、野菜煮物、飯湯同甜品📍三角肩肉、牛横隔膜、和牛肉眼肩肉肉質堅實啲，比較有口感橫隔膜肉身軟稔油花多啲而且個肉味係好濃和牛肉眼呢個唔使講油花最靚口感又再稔啲入口即溶既暢快感覺～📍黑豚油脂滿滿，外面燒到焦香，口感一流📍配菜除咗主角燒肉，個set仲連左好多配菜，有一個大沙律，一人一碗麵豉湯，蒸蛋野菜煮物同牛舌小食📍甜品抹茶黃豆粉蕨餅📍另外每位茶水要畀 $10