漁道樂 (Closed)

呢間門口裝修已經好靚🥰由門面到店內都係日本風🇯🇵好有日本氣氛！同娘娘一齊去撐枱腳就啱哂。食物款式都好多~但娘娘腸胃個日麻麻，所以無嗌到刺身，下次會再試！🥰💂🏻‍♀️《味噌蟹甲羅》$78呢個真係必點的菜式！甲羅燒即係燒蟹膏釀蟹蓋🦀蟹蓋裝住滿滿的蟹膏，另外仲有蟹籽、蔥花、鵪鶉蛋！之後有專人即場幫你係烤爐上燒，鮮味濃郁，蟹味好香好好食😋配白飯或用匙羹淨食，都真係一流！評分: 95/100💂🏻‍♀️《和牛蒜片炒飯》$158和牛好香，配炒飯都無得頂！蒜片炒到好香脆，令成個炒飯有蒜香味更惹味❤️個飯唔會太乾，又夠熱，食黎暖一暖胃正。不過份量唔算好多兩個人食啱啱好。評分: 80/100💂🏻‍♀️《和牛壽喜鍋》$298有大概4-5大塊和牛，入口即溶，質素幾高👍🏻壽喜燒個湯底可以再濃啲就更好，菜嘅份量好多但款式唔夠多！性價比就差少少，但都好好食😊評分: 70/100總結：如果掛住日本，想去間有氣氛啲的居酒屋❤️呢間好推薦大家去，食物質素同員工嘅服務態度都好好~下次會想再黎食佢嘅壽司同刺身。頒發軍階：上將🎖🎖🎖🎖

今晚阿仔生日，就訂左哩間漁道樂，每次出街食飯都唔敢諗間餐廳好唔好食，每次食完都係麻麻地嘅，但今次食完哩間餐廳令我好滿足咁返屋企，食物比想像中好好食，環境好靚好有feel，睇得出好有心機裝修，因為好多打卡位影相位，座位好舒服。1）壽司🍣好新鮮，啲飯唔會散開2）什錦天婦羅🍤個漿炸得好好，好鬆脆3）牛舌，勁好食4）壽喜鍋，和牛厚度剛剛，份量好足夠加埋烏冬超飽5）和牛蒜片炒飯，又係必食7）芒果千層蛋糕，好有芒果味嘅蛋糕6）員工服務很好，好有善👍🏻8）整體餐廳食物/環境/服務都好滿意，會繼續幫襯😌😌

平時總會常常到處試一下不同的日本餐，尤其是現在不能去日本，總是特別想感受日本的氣氛。海皇卷 $98海皇卷有六件，上面是放了三文魚、吞拿魚及白身魚。什錦天婦羅 $128天婦羅什麼都有一些，有兩隻蝦、一塊冬菇、一塊矮瓜及一塊蕃薯，炸得也算香脆。蟹甲羅 $68$68一隻，我們要了一人一隻，裡面有蟹膏、蟹肉、鵪鶉蛋及蔥。店員會幫忙燒好再吃，味道可以。和牛蒜片炒飯 $128炒飯粒粒分明，味道均勻，比較飽肚。

經過見到有日本特色風格餐廳，吸引左入去試下好似去咗日本咁餐廳出面同門面都好有日式風味好啱打卡炸魷魚香脆可口每件反卷上面嘅海膽份量非常多，海膽入口濃味新鮮，性價比高雖然食唔出蟹肉味非常推薦蟹蓋甲羅燒，有專人喺側邊即時燒，濃濃嘅蟹膏味，超級好味另外嗌左飯立貝同新鮮蜆甲羅燒，都係側邊即燒即食，幾新鮮雜錦天婦羅份量唔少，最欣賞佢嘅茄子，外脆又入口爆汁炸蝦都好大隻炒飯賣相好靚，乾身環境真係100分，忍唔住不停影相食物質素都好

食肆要係尖沙咀突圍，真係唔容易，競爭大唔在講，客人食過唔滿意，又點會再來幫襯吖，呢間係金巴利道嘅「漁道樂」，每次慶祝或者聚會都係我首選之一👍🏻今晚咁喬仲有勁歌熱舞表演，客人都十分投入，氣氛好到飛起😍😍😍裝修夠特色，環境氣氛都令客人感受到東洋風，櫂櫂米的卡座，樓底夠高，空間感夠，店員都十分客氣有禮，詳細介紹各款新鮮空運到港海鮮食材😋首先點左三款刺身（每款$68）三文魚、北海道甜蝦、原隻帆立貝，新鮮好味，賣相精緻，全部食材新鮮空運到港，兩個人食啱啱好🤗海皇卷$98，咪以為普通嘢，呢度整得特別好味，就係食材新鮮，廚師手藝高超技術嘅關係，零舍不同，正😋浜燒蟹甲羅$68隻，大家都可能食得多，不過無論呢度賣相、顏色，同埋食材嘅新鮮程度，又係高下立見，店員熟練嘅技巧，為客人細心烹調，入口滋味又甘香，呢種品嚐食物嘅享受，先至係人生嘅最高境界🤗漁道樂活貝盛盒$388，一次過有齊五款海產，包括扇貝、活鮑魚、新鮮生蠔🦪、巨型花甲和原隻大魷魚🦑，目測已經好新鮮，尤其是鮑魚仲係郁下郁下😂巨型嘅花甲和活鮑魚，鮮甜美味，入口彷佛嚐到海水嘅真味，鮑魚燒嘅時間會長啲，食好嘢要有耐性架，大花甲就快少少，嘩！入口鮮、嫰、香

尖沙咀其實有不少主打浜燒的日式餐廳，這次來到開張不久的漁道樂一試，與別不同之處在於每逢周五都會有歌舞表演，可惜當日平日到訪未有機會欣賞。除了浜燒海鮮外，刺身、壽司、串燒、主食等亦一應俱全。餐廳內裝潢設計以木為主，更設有塌塌米座位，彷彿置身於日本一樣。野菜天婦羅 ($88)天婦羅款式包括番薯、南瓜、茄子、冬菇、青椒以及有如珊瑚一樣的炸麵條，炸皮輕薄鬆脆。海膽蟹肉反卷 ($168)壽司中間卷著青瓜及蟹肉沙律，每件頂層均舖上一整瓣金黃飽滿的海膽，入口鮮甜豐潤。浜燒蟹貝羅 ($68/1)將蟹膏、蟹肉、蟹籽及鵪鶉蛋拌勻後燒製，鹹香濃厚卻毫不覺膩。口感綿稠當中帶蟹子爽脆更添層次，若配上白飯絕對會是天作之合。樂·活貝盛合 ($388)盛合包括蠔、帆立貝、鮑魚、蜆以及魷魚五款海鮮，豐富之餘每款海鮮體形均巨大無比。各款貝類肉身肥厚，不用多加調味更顯鮮美。魷魚塗上燒汁烤製香甜惹味，燒得恰到好處質感毫不韌實。和牛蒜片炒飯 ($128)以往品嚐過坊間不少日式炒飯都偏濕，而這份炒飯卻出乎意外地粒粒分明，口感稍硬但正合我意，整體亦不過份油膩，但和牛份量較少而且細碎，勝在調味適中，單嚐炒飯亦夠香口惹味不覺單寡。青蘋