康記菜館 (Closed)

平日去長洲先至係享受假日去長洲實在又逼又多人，平日既長洲好舒服、吹下海風食下海鮮甜品又一日午市既海鮮仲特別平，又唔洗搵位經過餐廳門口，有服務員同我地推銷，態度夠好同價錢吸引就簡左呢間試下五個餸，四個人食好夠飽，埋單都只係二百幾蚊，平均每人都只係$70左右就食到正海鮮啦蝦醬夠香，通菜夠爽煮到出黎都係青翠綠色，無紫紫黑黑咁兩大隻蟹，好入味甜甜酸酸好開胃，咕嚕肉黎講都真係幾好食好多聖子肉唯獨椒鹽炒鮮尤就好似煮得耐左少少，太過乾脆

長洲之旅尾聲，天已黑齊，朋友介紹呢間食海鮮，其實呢度一排都係海鮮檔，地下放滿摺枱，有帳篷頂，店家比了張室外大枱我哋，雖然無冷氣都唔係好熱！雖然唔係假期都好爆場，好嘈雜！坐低叫個套餐，再加兩個小菜，食物好快到！椒鹽蝦：好香口，蝦殻炸到脆卜卜，外面咸香，裡面鮮嫩！好味！蒜茸開邊蒸蝦：蝦唔大隻，開邊後肉好薄，無乜咬口，蝦新鮮，蒜茸香口！豉椒蟶子：蟶子太碎，好難搵，醬汁太多，好似醬多肉少！不過醬汁味道唔錯！裡子亦鮮味！豉椒炒蜆：最喜歡呢味，蜆肉無沙，幾大隻，豉椒香口微辣！正！蒜茸蒸帶子：帶子大隻，唔腥，最好味係墊底嘅粉絲，索晒鮮味豉油！漁香茄子：唔辣，茄子淋身，配咸香肉醬好味！咕嚕肉：酸甜開胃，好在肉排唔肥（好多係成塊肥豬肉）連配料青椒、洋蔥、菠蘿都爽脆西蘭花：新鮮爽脆！唔會過咸薑蔥炒蟹：最遲先來，大家都食晒白飯，而且全部係蟹BB,細隻到無乜肉，好削！樽裝可樂：海鮮配夠氣樽裝可樂！正！店員好爽，唔浪費時間，上菜落單都好爽快！難得呢類小廚廁所都乾淨！

炎夏將至, 想要和陽光玩遊戲, 又遇著某某的生辰, 所以借故於周末出走到長洲行一轉. 出發前幾天都是陰天沉沉下大雨, 但由於人懶沒有準備雨程, 最後還是照去可也, 幸好天公造美, 當日雖不至於陽光燦爛, 但藍天碧海也是有的, 到達後景色足以令身邊人雙眼發亮, 嚷著要即時落沙灘游水. 但查實對兩個不懂游水的人來說, 說是"戲水"比較貼切. 戲水過後, 肚子已經打鼓, 決定大吃大喝. "靠山吃山, 靠水吃水", 今趟當然要食海鮮. 事前做過功課, 打算吃新金湖或這間,最後新金湖因旺到冇哂材料做套餐, 只可散吃, 所以就選了這間康記. 我人總是眼闊肚窄, 加上心情好, 當然叫多幾味, 結果兩個人叫了5 個菜 (4個菜2人餐另加1個菜). 先來的是咕嚕肉, 酸酸甜甜, 正好開胃, 汁味道調得好, 肉外層微脆, 肉質適中, 整個菜味道不錯, 肚子餓一來已吃了幾件肉. 接著是椒鹽瀨尿蝦, 瀨尿蝦算不上肥美, 由於是套餐的關係, 總不能期望太多, 不過份量而言, 是頗大碟, 瀨尿蝦滿滿的鋪在碟上, 足料的, 令人有很滿足的感覺, 至於味道是一般大排檔水準, 新鮮程度合格, 肉也炒得入味. 跟著是一