吉列牛忌廉烏冬專門店 (彌敦道)

Open Now

Now Closed

之前跟同事lunch的時候在銅鑼灣分別試過他們的烏冬，令我念念不忘，所以今晚跟友人來到旺角店再次品嚐一下!餐廳座位都幾多，卡位位置可以望到旺角街景。Kobekyu牛油蜜糖單骨雞翼，這款雞翼是炸雞翼，上面淋有蜜糖和蒜蓉，甜甜的，味道特別!咖哩忌廉雞肉烏冬，烏冬可揀選雞肉或牛肉，我揀選了雞肉，肉質都幾滑!烏冬面頭的忌廉不會太厚身，感覺不會太漏!咖哩汁掛滿在烏冬，非常濃味，帶有少少辣，能夠刺激味蕾!烏冬內還有洋蔥、西蘭花等吸味蔬菜，特別美味!吉列牛定食，這間餐廳另一招牌就是吃吉列牛，牛肉是可以自己石燒，可以自由烹調自己想要的生熟度。吉列牛外邊脆口，牛肉肉質鬆軟，配有芥末醬和牛肉汁可以點，十分惹味!定食還包括有車厘茄、凍豆腐、飯和面豉湯，食完一份已經超飽了!

吉列牛忌廉烏冬專門店Kobekyu，單看餐廳名稱，仲以為只可以食牛，原來有很多其他選擇，主打忌廉烏冬，可以選擇牛肉🐂或雞肉🐓，我選了雞肉，朋友點了吉列牛定食，另外再點了一個小食，連加一服務費，埋單$320，價錢不算貴。牛油蜜糖單骨雞翼$65，有牛油和白芝麻香味，蜜糖甜甜地，而且單骨比較容易食，味道很好。吉列牛定食$148，外皮炸得很脆，仲有個爐俾你自己燒，生熟程度自己決定，幾好玩嘅，有咬口但唔會韌，有肉味，真係牛有牛味🤭。咖哩忌廉雞肉🐓烏冬$78，上碟時全個碗都覆蓋著白滑的忌廉，因為我地坐窗邊位置，樓層夠高，可望到遠處景色，忙著打卡，加上陽光普照🌞，忌廉在陽光照射下，轉瞬間就消失於無形，碗裡的烏冬變身成金黃色的咖哩色調，雞肉和烏冬都散發著濃郁的咖哩氣味，忌廉就像生命中的過客，緣盡即散，雖然他們無緣廝守到老，但烏冬得到忌廉的眷顧，也變得非常滑溜。👍餐廳樓層較高，窗邊座位可望遠景，而且卡位非常寬敞，感覺很舒服，除了餐廳主打的吉列牛和忌廉烏冬外，午餐有多款茶漬飯可供選擇，下次會再來試試🤤。

之前去咗東京食吉列牛，之後一直對佢念念不忘，好想再次感受一下佢嘅味道。故此，我哋上網搜尋香港邊度有得食，就見到呢間好多人推介。🎀話明要食吉列牛，所以緊係揀吉列牛定食嚟試啦！價錢唔算貴，但睇落個份量都幾多。😙 除咗重點吉列牛之外，還有配菜蕃茄、豆腐同麵鼓湯。食個陣先將切好咗嘅牛放上塊板到兩邊煮熟，然後沾上少量醬汁。🎀 我覺得味道咸咗少少，而且個皮又脆又硬，咬第一下個陣會有啲𠝹口。食個陣要小心一些才行！但是放上熱板燒的時候很有趣，可以邊玩邊食🤣而呢個咖哩忌廉雞肉烏冬我係第一次食。表面充滿了雪白的忌廉，灑上了少量葱花，看似十分吸引！食嘅時候把下面的咖哩烏冬夾上來，mix 埋遇熱已溶化的忌廉一齊食。因為忌廉嘅關係，烏冬食落去好滑好 creamy。💕 比我想像的好食！😆 咖哩味都夠濃郁而且雞肉份量足夠。未食過嘅我覺得值得一試～

見餐廳既忌廉烏冬幾特別，所以就黎試下。訂枱既時候已經被告知得1小時15分鐘食，而且要準時到，冇走盞既空間。一層白𠽌𠽌既忌廉舖係面頭。忌廉下面就係咖哩烏冬，撈埋忌廉一齊食又幾好食。忌廉好香滑，一啲都唔膩。只略嫌雞肉少左啲。除左咖哩烏冬，吉列牛都好出名，所以都叫左。每枱都放左個爐仔，係用黎煎啲吉列牛。吉列牛外脆內軟，上面有啲蒜蓉。肉質都幾腍，但係唔夠肉味。百幾蚊黎講，唔太特別。另外，仲點左味噌蟹蓋紫菜飯團，係近期大熱既韓國蟹膏。蟹膏用黎撈飯確係一流。環境方面，枱與枱之間既距離太近，連放袋既位都冇。總括而言，忌廉烏冬幾創新，價錢合理，值得一試。